30 May 2023 11:40
270
SİYASƏT
A- A+

İsrail Prezidenti: Azərbaycan regionun çox əhəmiyyətli ölkəsidir

 

Azərbaycan regionun çox əhəmiyyətli ölkəsidir. Azərbaycan ilə qarşılıqlı əlaqələrin genişlənməsi tərəflər üçün olduqca faydalıdır. Azərbaycan, eyni zamanda, bizim üçün dost ölkədir və onunla əlaqələr xarici siyasətimizdə prioritet istiqamətdir.

AZƏRTAC İsrail mətbuatına istinadla xəbər verir ki, bu sözləri İsrail Prezidenti İsxaq Hersoq jurnalistlərə deyib.

O bildirib ki, İsrail Azərbaycan ilə bir çox sahələrdə sıx əməkdaşlıq əlaqələrini davam etdirməkdə maraqlıdır.

İsrailin “Haaretz”, “İsrael xayom”, “The Jerusalem Post” qəzetləri, rusdilli “Bести Израил”, NEWSru.co.il saytları qeyd edirlər ki, Prezident İsxaq Hersoqun səfəri çərçivəsində bir sıra görüşlərin keçirilməsi, sənədlərin imzalanması və İsrail Dövlətinin 75 illiyinə həsr olunmuş tədbirdə də iştirakı nəzərdə tutulur.

Son illər İsrail Azərbaycan münasibətlərinin daha da möhkəmlənməsi təsadüfi deyil. İsrail Azərbaycanın müstəqilliyini ilk tanıyan dövlətlərdən biridir. Hazırda bu ölkə neftə tələbatının 40 faizini Azərbaycandan idxal etməklə ödəyir. Bununla yanaşı, hərbi sahədə də sıx əməkdaşlıq əlaqələrimiz var. Təsadüfi deyil ki, 2020-ci ilin 44 günlük Vətən müharibəsində Qələbənin qazanılmasına Azərbaycanın İsraildən aldığı hərbi məhsullar da öz töhfəsini verib.

Hazırda Azərbaycan ilə İsrail arasında hərbi, kənd təsərrüfatı, energetika və digər sahələrdə qarşılıqlı faydalı əməkdaşlıq əlaqələri var. İsrail Prezidentinin ölkəmizə rəsmi səfəri bu münasibətlərin daha da inkişafına kömək edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video