13 Noyabr 2023 19:00
1453
PARLAMENT
A- A+

Ermənistan və Azərbaycan arasında normallaşma prosesində ATƏT PA-nın rolu ilə bağlı müzakirələr aparılıb

 

ATƏT Parlament Assambleyasında (ATƏT PA) Azərbaycan nümayəndə heyətinin üzvləri noyabrın 13-də ölkəmizdə səfərdə olan ATƏT PA-nın prezidenti Pia Kaumanın başçılıq etdiyi nümayəndə heyəti ilə görüşüblər.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, bu qurumda Azərbaycan nümayəndə heyətinin rəhbəri Azay Quliyev ATƏT PA sədrinin regiona səfərindən danışıb. O, bu səfərin daha düzgün informasiya almaq baxımından əhəmiyyətini qeyd edib və əməkdaşlığa müsbət töhfə verəcəyinə inandığını deyib. Azay Quliyev qonaqların keçirdikləri görüşlərdə faydalı müzakirələrin aparılmasından məmnunluğunu ifadə edib. O, ATƏT PA prezidentinin regionda sülhə dair səylərinin yüksək qiymətləndirildiyini söyləyib.

ATƏT PA-nın prezidenti Pia Kauman sonuncu dəfə Bakıda 9 il əvvəl olduğunu diqqətə çatdırıb və ölkəmizdəki inkişafı təqdir edib. O, Prezident İlham Əliyevlə keçirdiyi görüş barədə təəssüratlarını bölüşüb, onun gələcək barədə optimist və pozitiv olmasından məmnunluqla danışıb. Qonaq Cənubi Qafqaz ölkələrinin regionda sülhə nail olacaqlarına və birgə güclü iqtisadi əlaqələr yaradacaqlarına inamını bildirib.

Söhbət zamanı Azərbaycanın sülh gündəliyinin dəstəklənməsi, işğaldan azad olunmuş ərazilərdə mina probleminin həlli, Cənubi Qafqazda regional əməkdaşlıq, Qərbi azərbaycanlıların öz doğma yurdlarına qayıtması, Ermənistan və Azərbaycan arasında normallaşma prosesində ATƏT PA-nın rolu və digər məsələlərlə bağlı fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video