Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Uğursuz keşiş Paşinyanı məhkəməyə verdi
Keçmiş hərbi xunta sülh müqaviləsinin imzalanması prosesinin baş tutmaması üçün məkrli niyyətlərini gizlətmədən aşkarda nümayiş etdirir. Xaricdəki siyasi dairələrin ssenarisi əsasında Kanada vətəndaşı olan Erməni Apostol Kilsəsinin Tavuş Yeparxiyasının primatı, arxiyepiskop Baqrat Qalstanyanın rəhbərliyi altında revanşist qüvvələrin Ermənistanda keçirdikləri etiraz aksiyaları dünən də davam edib.
Əsas niyyət "Müqəddəs Hərəkat" adı altında təşkil edilən etirazlar nəticəsində hakimiyyətə qarşı müqavimət və itaətsizlik təşkil etmək, bununla ölkədə xaotik durumun yaradılmasına nail olmaqdır. Bundan sonra güc yolu ilə olsa belə hakimiyyəti qəsb etməkdir. Ancaq geridə qalan müddət ərzində bəlli oldu ki, ermənilər revanşistlərin oyunlarına inanmır. Çünki son 30 ildə ölkə elə bir uçuruma yuvarlanıb ki, xilası mümkün deyil. Əgər ermənilər regionda işıqlı gələcək arzulayırsa, Azərbaycanla sülh müqaviləsi imzalanmalıdır.
Bu arada yerli medianın yazdığına görə, Baqrat Qalstanyan baş nazir Nikol Paşinyana qarşı iddia qaldırıb. Bildirilib ki, Qalstanyan iyulun 15-də Müqəddəs Anna kilsəsinin həyətində tərəfdarları ilə görüşündə Paşinyana qarşı iddia qaldırmağın əsaslarını qeyd edib. "Mən şəxsən bu şərlə (Paşinyanı deyir - red.) bağlı məhkəmə prosesinə başlayacağam. Məlum olur ki, bu qalstuklu dəllal parlamentdə mənə böhtan atır. Guya mən iyunun 12-də xüsusi olaraq təhlükəsizlik qüvvələrini dəbilqələrini çıxarmağa çağırmışam, sonra isə hərəkat iştirakçılarına onları daşa basmağı əmr etmişəm. Bu böhtan və yalandır. Bu hiyləgər və qorxaq parlamentin tribunasından belə bir açıqlama verib. Biz indi Ermənistanda məhkəmə sisteminin işləyib-işləmədiyini yoxlayacağıq", - deyə Qalstanyan bildirib.
Erməni siyasi ekspert Akop Badalyan deyib ki, yepiskop Baqratın və ya hazırda ona rəhbərlik edən siyasi qrupun əsas məqsədinin nə olduğunu qiymətləndirmək çətin deyil. Məqsəd təbii ki, hakimiyyət dəyişikliyidir, bu, başa düşüləndir. Bununla belə, hansı vaxt və resurs imkanlarının nəzərə alınması çox nisbidir: "Mənim qiymətləndirməmə görə, yepiskop Baqrat çox yaxşı başa düşür ki, hazırda Ermənistanda birbaşa ictimai resursların cəlb edilməsi ilə hakimiyyət dəyişikliyinə nail olmaq mümkün deyil. Geniş mənada hesab edirəm ki, hazırda Ermənistanda hakimiyyət dəyişikliyi üçün qurulmuş konyunktura yoxdur".
Diqqətçəkən məqamlardan biri də Qarabağdan Ermənistana köçən ermənilərin fəallaşmalarıdır. Onlar hesab edirlər ki, Ermənistan nə vaxtsa əvvəlki mövqeyinə qayıda biləcək. Qondarma rejimin İrəvana sığınan üzvləri Ermənistanda son vaxtlar bir qədər fəallaşıb.
Keçmiş qondarma rejimin funksionerlərindən Vahram Balayan Ermənistan hakimiyyətindən vəziyyətə nəzarəti ələ almağı istəyib. O qeyd edib ki, Ermənistan hazırda çətin durumdadır və gec-tez Azərbaycanın şərtləri ilə razılaşmalı olacaq.
Erməni şair Husik Aran isə deyib ki, ümidləri son hərəkatadır. Əlavə edib ki, hərəkat mitinq şəklində daha da aktivləşib, insanlar yenidən toplaşır, ən azından ümid var ki, bu, son deyil: "Çünki bu gün, əslində, xalqımız üçün fəlakətli vəziyyətdir, indiki kimi heç vaxt bu qədər ümidsiz olmamışıq".
Həftələrdir revanşistlər kilsənin imkanlarından istifadə etməyə çalışırlar. Görünən odur ki, Ermənistanda daxili siyasi vəziyyət tədricən mürəkkəbləşməyə doğru gedir. Bununla da ölkə sonu görünməyən daxili siyasi böhrana qədəm qoyur.
Elçin CƏFƏROV,
"Azərbaycan"
Qaribaşvili: Avropa Parlamentinin Gürcüstanla bağlı qətnaməsi daxili işlərimizə “həyasız müdaxilədir”
Ekspert: Erməni xalqının rifahı yalnız Azərbaycanla imzalanacaq sülh sazişindən asılıdır
Prezident İlham Əliyevin innovativ dövlət idarəçiliyi: COP29-a aparan yollar
Müdafiə xərcləri 70 milyard dollaradək artırıldı - Bloomberg
Tramp məğlub olsa, həbs olunacam - Maskdan açıqlama
Rusiyada “Discord” qadağan edildi
Prezident İlham Əliyev Böyük Britaniyanın beynəlxalq enerji və iqlim üzrə nazirini qəbul edib YENİLƏNİB
Səməd Seyidov: ABŞ-ın Azərbaycana münasibəti ikili standartlarla dolu və qeyri-səmimidir
Avropa Parlamenti Gürcüstanla bağlı qətnamə qəbul edib
Yeni məhkəmə hakimləri and içiblər
Ukraynalı uşaqlar üçün Qəbələdə və Şəkidə ekskursiyalar təşkil edilib
Laçın və Şuşada əmək yarmarkaları keçiriləcək
Prezident İlham Əliyev BMT Baş katibinin birinci müavinini qəbul edib YENİLƏNİB
Zəngilan rayonu Ağalı kənd tam orta məktəbində 162 şagird təhsil alır
Dinlərarası Qonşuluq Şəbəkəsinin həmtəsisçiləri Azərbaycana dəvət olunub
Papa Zelenskini qəbul edəcək
Fransanı şiddətli fəlakət gözləyir
Türk Hava Yollarının pilotu uçuz zamanı öldü
Viktor Orban: Avropa Komissiyası siyasi alət rolunu oynayır
Məşhur oyunçu futboldan ömürlük uzaqlaşdırıla bilər - İDDİA
Somalidə "Əş-Şəbab"ın 59 silahlısı zərərsizləşdirilib
Prezident İlham Əliyev Bakıda Aşıq Ələsgərin abidəsinin açılışında iştirak edib YENİLƏNİB30 Sentyabr 2024
İnkişaf büdcəsi29 Sentyabr 2024
Prezident İlham Əliyev bir daha bəyan etdi28 Sentyabr 2024
Zəfərlə anırıq...27 Sentyabr 2024
VƏTƏNİN ŞƏHİD BALALARI27 Sentyabr 2024
Azərbaycan yeni strateji dövrdə26 Sentyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!