Doğma yurda qayıdan laçınlıların ilkin təəssüratları
Xəbər verdiyimiz kimi, mayın 28-də laçınlıların doğma yurda qayıdışı başlayıb.
Təxminən 30 ildən sonra ata-baba ocağına qayıdışın sevincini yaşayan laçınlılar təəssüratlarını AZƏRTAC-la bölüşüblər.
Malik Kəlbəndov: "Laçına qayıtdığımız üçün sevincimizin həddi-hüdudu yoxdur. Bunu çoxdan gözləyirdik, 30 illik həsrətə son qoyuldu. "Laçından çıxanda yoldaşımla ikimiz idik. İndi isə iki oğlum və 11 nəvəmlə böyük bir ailə ilə qayıdırıq. Çox fərqli hisslər yaşayırıq. Bu sevinci bizə yaşatdığı üçün dövlətimizə, şəxsən Prezidentimizə təşəkkür edirik", - deyə o qeyd edib.
Rayon sakini Qadir Vəliyev isə sevincini bu sözlərlə ifadə edib: "Özümüzü çox gözəl hiss edirik. Fikirləşirəm, hələ də adama çatmır ki, biz öz torpağımıza qayıdırıq, yuxu kimi gəlir. Bu günlərə şükürlər olsun. Allah cənab Prezidentimizə cansağlığı versin, şəhidlərimizə rəhmət eləsin, qazilərimizə şəfa diləyirəm". Laçından çıxanda 5 yaşı olduğunu bildirən rayon sakini deyib ki, Laçında ziyarət edəcəyi ilk yer qardaşının məzarı olacaq. "Uşaqlarıma həmişə Laçın haqqında danışırdım, təbiətinin gözəlliklərini təsvir edirdim. İndi onlar yurdumuzun gözəlliklərini öz gözləri ilə görəcəklər", - deyə o bildirib.
Bu gün təkcə mənim yox, bütün laçınlıların həyatında ən uğurlu gündür. Bu gün biz ikiqat sevinc hissi yaşayırıq. Bu sözləri isə Ruqiyyə Xəlilova söyləyib. O deyib: "İlk növbədə, ona görə ki, biz Prezidentimiz İlham Əliyevi öz torpağımızda görəcəyik, həm də 30 il həsrətində olduğumuz torpağımıza qayıdırıq. Allah Prezidentimizi, xalqımızı və bütün Azərbaycanı qorusun. Çox sevincliyəm. Allah bizə bir daha Laçınsız qalmağı qismət eləməsin. Şükürlər olsun ki, bu yaşımda doğma yerləri yenidən görmək mənə qismət oldu.
Elbrus Sadıxov: "Vətən həsrəti ilə 31 il alışıb yanmışıq. Bu həsrəti, bu sevinci ifadə etmək üçün günlər, aylar lazımdır. Sevincimizin həddi-hüdudu yoxdur. Allah bizim səsimizi eşitdi, dualarımız qəbul oldu. Şükür olsun bu günə. Prezidentin sayəsində, ordumuzun sayəsində vətənə qayıdırıq. Allahdan şəhidlərimizə rəhmət, qazilərimizə şəfa diləyirəm".
Qeyd edək ki, birinci mərhələdə şəhərə 20 ailə, yəni, 97 nəfər köçürülür. Laçına ilk köç karvanı Bakı şəhərinin Qaradağ rayonunda məcburi köçkünlər üçün salınmış “Qobu park 3” yaşayış kompleksindən yola salınıb.
Onlar Laçın şəhərində işğaldan əvvəl yaşadıqları və işğala son qoyulduqdan sonra dövlətimizin başçısının göstərişi əsasında aparılan təmir-bərpa işləri nəticəsində tamamilə yenilənmiş və zəruri yaşayış şəraitinin yaradıldığı evlərdə məskunlaşacaqlar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
ABŞ niyə narahatdır
20 Aprel
Makron hökumətinin sərsəm qərarlarının nəticəsi
20 Aprel
Ağ Evin ağ yalanı
20 Aprel
İran davranışlarında səmimi deyil
20 Aprel
ABŞ-nin təkzibi gerçəyi dəyişmir
20 Aprel
İlham Əliyevin növbəti Zəfəri
20 Aprel
Azərbaycan Respublikasının Cinayət-Prosessual Məcəlləsində dəyişiklik edilməsi haqqında
20 Aprel
"Azərbaycan Respublikasının Cinayət-Prosessual Məcəlləsində dəyişiklik edilməsi haqqında" Azərbaycan...
20 Aprel
"Azərbaycan Respublikasının İnsan hüquqları üzrə müvəkkili (ombudsman) haqqında" Azərbaycan Respubli...
20 Aprel
Azərbaycan Respublikası Prezidentinin 2019-cu il 29 dekabr tarixli 907 nömrəli Fərmanı ilə təsdiq ed...
20 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!