Cəbrayılın son 90 illik tarixinə işıq salan "Xudafərin"
"Xudafərin" qəzeti 1932-ci ildən nəşr olunur. Artıq 90 ildir ki, Cəbrayıl rayonunun ictimaiyyəti ilə ünsiyyətdə olan qəzet bu müddət ərzində oxucularının sevimlisinə çevrilib.
Bunun əsas səbəbi isə təbii ki, qəzetin qələm əhlidir. "Xudafərin"in müxtəlif dövrlərdə adlı-sanlı, tanınmış redaktorları olub - Adil Əbilov, Xasay Əliyev, Şahsuvar Yusifov, Qaryağdı Həsənov, Əfsər Məmmədov, İnqilab Əliyev, Fehruz Atakişiyev, Sirac Rüstəmov, Ədil Şərifov, Hafiz Hüseynov, Sərməst Seyidəliyev, Afər Əhmədov, Seyfəddin Əliyev, Sahib Abdullayev. Məhz onların sayəsində qəzet sarsılmaz bünövrə tutub, mənəvi inkişaf yolu keçib. Bir də Cəbrayılın adlı-sanlı, tanınmış ziyalılarının, yazarlarının demək olar əksəriyyəti "Xudafərin"in şinelindən çıxaraq püxtələşiblər. Bu mənada "Xudafərin" Cəbrayılın qələm adamlarının mənəvi yaradıcılıq mərkəzi rolunu da oynayıb. Şair İsmayıl İmanzadənin rəhbərliyi altında rayonda fəaliyyət göstərən "Ümid" Ədəbi Birliyi üzvlərinin sayseçmə şeir və nəsr nümunələrinin ilk dəfə "Xudafərin"də işıq üzü görməsi bunun təsdiqidir.
"Lenin bayrağı" adı altında həyata vəsiqə alan, 1960-cı illərin əvvəllərində "Kolxozçu", 1990-cı illərin əvvəllərindən isə "Xudafərin" adı ilə nəşr olunan qəzet yeni adı ilə keçmiş sovet stereotiplərindən sıyrılmış, kommunist düşüncələrindən azad olmuşdur.
Məlumdur ki, 30 ilə yaxın Cəbrayıl camaatı erməni işğalı nəticəsində məcburi köçkün həyatı yaşamışdır. Bu ağır illərdə də "Xudafərin" cəbrayıllıların birlik rəmzinə, dərd-sərini bölüşdükləri mənəvi məkana çevrilmişdir. Qəzet imkanı daxilində həmyerlilərinin yurda qayıtmaq ümidlərini ölməyə qoymamış, "Xudafərin" adına, harayına sığınanların ümid ünvanı olmuşdur.
7 il baş redaktorun müavini, 14 il baş redaktor kimi fəaliyyət göstərdiyim zamanda həmişə bir arzum olmuşdur ki, insanlarımızla bərabər "Xudafərin" də məcburi köçkünlükdən qurtulsun, doğma Cəbrayılımıza qovuşsun. Artıq bu arzum çin olmuşdur. 2021-ci il oktyabrın 4-də Cəbrayılın işğaldan azad olunmasının ildönümünü Prezident, Müzəffər Ali Baş Komandan İlham Əliyevlə doğma Cəbrayılda qeyd etdik. Həmin tədbirə "Xudafərin" qəzetinin müxtəlif saylarını da aparmışdım. Cənab Prezidentlə görüşəndə onları təqdim etdim. Dövlət başçısı diqqətlə qəzetə göz gəzdirdi. Bu, mənim üçün bir sevinc, qürurverici an idi. Çünki ürəyimdəki arzuma çatmışdım - "Xudafərin" Ali Baş Komandanı - qalib sərkərdəni Cəbrayılda salamlayırdı.
Bütün bunlardan sonra heç şübhə etmirik ki, ağır illərin sınağından çıxan, yurddaşlarının qələbə və qayıdış inamını ölməyə qoymayan 90 yaşlı "Xudafərin" tezliklə Cəbrayıl sakinlərinin doğma yurda dönüşünün bələdçisi və rayonumuzda aparılan bərpa-qurculuq işlərinin tərənnümçüsü olacaq.
ŞAKİR ALBALIYEV,
"Xudafərin" qəzetinin baş redaktoru, filologiya üzrə fəlsəfə doktoru
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Baş katib: MDB Dövlət İnformasiya Agentlikləri Rəhbərləri Şurası Bakıda toplaşacaq
29 Mart
Sırski: Rusiya Xarkova hücum etsə, bura onlar üçün “ölümcül şəhər" olacaq
29 Mart
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
Rusiya XİN: Ermənistan quru yerdə qala bilər
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!