Böyük Britaniyada həyati vacib orqan transplantasiyası gözləyən pasiyentlərin sayı rekord həddə çatıb.
AZƏRTAC xəbər verir ki, rəsmi rəqəmlərə görə, hazırda 8 mindən çox insan, o cümlədən 300-ə yaxın uşaq növbədədir. “The Guardian” nəşri yazır ki, Milli Səhiyyə Xidməti Qan və Transplantasiya Xidməti (NHSBT) donorların sayında kəskin azalma qeyd edib.
NHSBT bildirir ki, təxminən 4 min daha çox insan orqana ehtiyac duyur, lakin xəstəlik və ya cərrahiyyə əməliyyatı oluna bilməməsi səbəbindən müvəqqəti olaraq siyahıda deyil. Bu isə o deməkdir ki, təqribən 12 min insan öz həyatını dəyişdirə biləcək qərarı gözləyərək qeyri-müəyyən vəziyyətdə yaşayır.
Hesabata görə, 2024-2025-ci illərdə 4583 xəstə transplantasiya olunub ki, bu da 2023-2024-cü illərdəki 4651-dən 2 faiz azdır. Donorların sayının azalması daha dramatik amildir. 2024-2025-ci illərdə cəmi 1403 xəstə ölümdən sonra orqanlarını bağışlayıb ki, bu da əvvəlki illərdəki 1510 nəfərlə müqayisədə 7 faiz azdır.
Qeyd edək ki, 181 səhifəlik NHSBT hesabatında göstərilir ki, öz yaxınının ölümü ilə bağlı donorluğa dəstək verməsini xahiş edən ailələrin uyğunluq nisbəti 59 faizdir və bu rəqəm “inadkarcasına aşağı” olaraq qalır.
Böyük Britaniyanın “Kidney Care” şirkətinin siyasət direktoru Fiona Laudun sözlərinə görə, transplantasiyanı gözləyən çoxlu sayda insan ölür. O, nazirləri donorların sayını artırmaq üçün milli maarifləndirmə kampaniyasına başlamağa çağırıb.
Laud əlavə edib: “Təəssüf ki, transplantasiya gözləyənlərin siyahısı indi bütün tarix boyu ən uzundur və orqan nəqli növbəsində duran insanların sayını azaltmaq üçün tədbirlər görməliyik. Biz gözləyənlərin siyahısını qısaltmaq və 2025-ci ildə, həmçinin ondan sonrakı illərdə insanların həyatını xilas etmək üçün indidən təbliğat və profilaktika ilə bağlı tədbirlər görməliyik”.
jpg_1765830577.jpg)
jpg_1765830356.jpg)
