Britaniya Parlamentinin Azərbaycan qrupu Ermənistanın törətdiyi təxribatla əlaqədar bəyanat yayıb
Böyük Britaniya Parlamentinin Azərbaycan qrupu dövlət sərhədində Ermənistan silahlı qüvvələrinin törətdiyi genişmiqyaslı təxribatla əlaqədar bəyanat yayıb.
AZƏRTAC xəbər verir ki, bəyanatda Ermənistanın sentyabrın 13-də Ermənistan-Azərbaycan sərhədi boyunca Azərbaycanın suveren ərazisinə yeni qəddar hücumlar təşkil etməsi və bu təxribatların günahsız mülki şəxslərə, infrastruktura və Azərbaycan Ordusuna qarşı yönəldiyi qeyd olunub.
Bildirilib ki, bu hücumlar Qarabağ bölgəsinə deyil, Azərbaycanın beynəlxalq səviyyədə tanınmış suveren sərhədlərinə yönəlib və tamamilə əsassız olub.
Böyük Britaniya Parlamentinin Azərbaycan qrupu baş verən son hadisələrə görə Ermənistanı ən sərt şəkildə qınadığını bəyan edib və münaqişə nəticəsində hər iki tərəfində itkilərə görə dərin narahatlığını ifadə edib.
Qrup Ermənistanı Avropa İttifaqının himayəsi ilə aparılan normallaşma prosesinə sadiqlik nümayiş etdirməyə və dialoqu bərpa etməyə çağırıb.
“Son hadisələr etimad tellərini sarsıdır və biz Ermənistanı münaqişədən sonra qalan məsələlərin həllinə nail olmaq üçün Azərbaycanla konstruktiv və vicdanlı işləməyə, ən əsası, minalanmış ərazilər, itkin düşmüş Azərbaycan vətəndaşları haqqında məlumatların paylaşılmasına və blokun açılmasına çağırırıq. Ermənistan regional sülh üçün bu nadir imkan pəncərəsi bağlananadək sülh prosesinə yenidən qoşulmalıdır”, - deyə bəyanatda vurğulanıb.
Eyni zamanda, 2022-ci il 31 avqust tarixli Brüssel görüşü zamanı hər iki tərəfin qəbul etdiyi yekun hərtərəfli sülh sazişi üzərində birgə işi intensivləşdirməyin və görüşdə qaldırılan məqamlar üzərində işin davam etdirilməsinin vacibliyi diqqətə çatdırılıb.
Qrup tərəfindən verilən bəyanatda, həmçinin qeyd olunub: “Beynəlxalq ictimaiyyətin, o cümlədən Böyük Britaniyanın Ermənistanı qınamasına və onu son müharibə cinayətlərinə görə məsuliyyətə cəlb etməsinə çox təcili ehtiyac var. Biz təcili olaraq Böyük Britaniya hökumətindən Ermənistanın təcavüzünə dərhal son qoyulmasını tələb etmək üçün digər dövlətlərə qoşulmağı xahiş edirik. Biz, eyni zamanda, Böyük Britaniya hökumətindən onun öz maraqları üçün həyati əhəmiyyət kəsb edən regionda davamlı sülhə nail olmaq naminə Aİ-nin vasitəçiliyi ilə normallaşma prosesinə qəti siyasi dəstəyini verməsini xahiş edirik”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Monteneqro Baş nazirinin müavini: Ölkələrimiz arasındakı əlaqələr strateji tərəfdaşlıq xarakteri daş...
26 Aprel
Qırğız Mədəniyyəti Günlərinin bağlanış mərasimi keçirilib
26 Aprel
Almaniyadakı Azərbaycan diasporunun üzvləri Prezident İlham Əliyevi böyük coşqu ilə qarşılayıblar...
26 Aprel
Azərbaycan və Monteneqro parlamentləri arasında əlaqələr müzakirə olunub
26 Aprel
Hidayət Heydərov dördqat Avropa çempionu olub
26 Aprel
Prezident İlham Əliyevin Almaniyaya işgüzar səfəri başa çatıb
26 Aprel
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...
26 Aprel
Ağdamda Minalardan və partlamamış hərbi sursatlardan təmizləmə üzrə İşçi qrupun iclası keçirilib...
26 Aprel
Azərbaycan Prezidenti İlham Əliyevin Almaniya Prezidenti Frank-Valter Ştaynmayer ilə geniş tərkibdə ...
26 Aprel
Energetika naziri Biləsuvarda vətəndaşların müraciətlərini dinləyib
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!