Azərbaycan, Gürcüstan, Macarıstan və Rumıniya yenilənmiş saziş imzalamağa hazırlaşırlar
Azərbaycan, Gürcüstan, Macarıstan və Rumıniyadan olan enerji operatorları tezliklə yaşıl enerji sahəsində tərəfdaşlıq haqqında yenilənmiş sazişi imzalamağı planlaşdırırlar.
AZƏRTAC xəbər verir ki, bu barədə Macarıstanın Baş naziri Viktor Orbanın mətbuat katibi Zoltan Kovaç “X” sosial şəbəkəsində Macarıstanın xarici işlər naziri Peter Siyartoya istinadla məlumat verib.
Kovaç qeyd edib ki, Buxarestdə dörd ölkənin nazirləri səviyyəsində “Qara Dəniz Sualtı Kabel” layihəsi (Black Sea Energy) üzrə 8-ci görüş başlayıb.
“Nazir Siyarto bildirib ki, gələcəkdə yaşıl enerjini Azərbaycan və Gürcüstandan Macarıstan və Rumıniyaya idxal etməyə imkan verən layihə praktiki icrasına yaxınlaşır. Yaşıl enerji sahəsində Macarıstan-Azərbaycan-Gürcüstan-Rumıniya tərəfdaşlığına dair Buxarestdə keçirilən görüşdə nazir bu çətin zamanlarda milli təhlükəsizliyin əsas elementi kimi enerji təhlükəsizliyinin vacibliyini vurğulayıb”, - deyə Kovaç yazıb.
Bundan əlavə, o qeyd edib ki, Siyarto Macarıstanın dörd sütuna - “Pakş” AES-də iki yeni reaktorun tikintisi sayəsində nüvə potensialının genişləndirilməsi, günəş enerjisi gücünün əhəmiyyətli dərəcədə artırılması, etibarlı enerji təchizatçıları ilə əməkdaşlığa can atmaq və yeni təchizat marşrutlarının qoşulmasına əsaslanan enerji strategiyasını açıqlayıb.
“Nazir “Azərbaycan-Gürcüstan-Avropa Qara dəniz vasitəsilə” yaşıl enerji dəhlizi layihəsini Gürcüstan və Azərbaycandan yeni enerji mənbələri təqdim edəcək, Macarıstanın enerji istehlakında dayanıqlığını artıracaq əyani nümunə kimi vurğulayıb. Siyarto, həmçinin layihənin sürətlə irəlilədiyini, iştirakçı ölkələrin elektrik enerjisi şirkətlərinin isə birgə müəssisə yaratdığını və tezliklə yaşıl enerji sahəsində tərəfdaşlıq haqqında dəyişdirilmiş sazişi imzalamağı planlaşdırdığını qeyd edib”, – deyə yazıda deyilir.
Macarıstanın xarici işlər naziri “belə layihələrin uğurunun çox vaxt maliyyələşdirmədən asılı olduğuna” işarə edərək, Avropa İttifaqının bu layihəyə lazım olan infrastrukturun inkişafı üçün maliyyə dəstəyi göstərəcəyinə ümid etdiyini bildirib. Siyarto, həmçinin qeyd edib ki, 1100 kilometrlik sualtı kabel “uzunluğuna görə rekord vuracaq və başa çatdıqdan sonra yaşıl enerjinin idxalını asanlaşdıracaq”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Lüksemburq - Azərbaycan oyununun hakim təyinatları açıqlanıb
03 Sentyabr
Əhalinin borclanma səviyyəsi 4 faiz bəndi artıb
03 Sentyabr
Ayxan Hacızadə Avropa İttifaqı rəsmisinə CAVAB VERDİ
03 Sentyabr
Kəlbəcər Şəhər Təhsil Kompleksində 528 şagird yerlik məktəb də inşa olunur
03 Sentyabr
ABŞ səfirliyi Paralimpiya Oyunlarında medal qazanan Azərbaycan idmançılarını təbrik edib
03 Sentyabr
Media: Burkina Faso fransız diplomatlarına viza vermir
03 Sentyabr
Mironov edam cəzasının qaytarılmasını təklif edib
03 Sentyabr
Yaponiyanın Baş naziri Koreyaya gedir
03 Sentyabr
İrana xəbərdarlıq edildi
03 Sentyabr
“Azərbaycan” pavilyonunda “Moskva günü” qeyd ediləcək
03 Sentyabr
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
Strateji tərəfdaşlıq güclənir, qlobal nüfuz artır 28 Avqust 2024
Mehriban Əliyeva - Azərbaycan humanizminin simvolu26 Avqust 2024
"Gəl sənə Laçınımı göstərim..."25 Avqust 2024
"Mehriban xanım ürəyimizdə elə bir saray qurub ki..."24 Avqust 2024
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!