28 Yanvar 2023 15:23
367
SİYASƏT
A- A+

Ağsaqqallar Şurası Tehrandakı səfirliyimizdə törədilən terror aktı ilə bağlı bəyanat yaydı  

 

Azərbaycan Ağsaqqallar Şurası ölkəmizin İrandakı səfirliyində törədilən terror aktı ilə bağlı bəyanat qəbul edib.

AZƏRTAC bəyanatı təqdim edir.

Azərbaycan Ağsaqqallar Şurası ölkəmizin İran İslam Respublikasındakı səfirliyinə qarşı törədilən təxribatı hiddətlə qarşılayaraq, qərəzli surətdə hazırlanmış terror aktı kimi qiymətləndirir. Azərbaycanın toxunulmaz ərazisi hesab edilən səfirliyimizə silahlı hücumun qarşısının alınmamasını səfirliyin və onun əməkdaşlarının təhlükəsizliyini təmin etməyə borclu olan İran hakimiyyətinin müvafiq beynəlxalq konvensiyaların tələblərinə əməl etməməsinin nəticəsi hesab edirik.

Bu qanlı terror aktı zamanı öz xidməti fəaliyyətini yerinə yetirərkən həlak olan diplomatik nümayəndəliyin mühafizə xidmətinin rəisi Orxan Əsgərova Allahdan rəhmət diləyərək ailəsinə başsağlığı verir, yaralananların tezliklə şəfa tapmalarını arzulayırıq.

Son illərdə İranın rəsmi dairələrində və kütləvi informasiya vasitələrində Azərbaycana qarşı xoşagəlməz münasibət sərgilənir, hətta açıq şəkildə düşmənçilik təbliğatı aparılır. Bu siyasət fonunda səfirliyimizə silahlı hücumun düşünülmüş şəkildə həyata keçirlməməsi inandırıcı deyildir, belə ki, səfirliyi qorumalı olan İran polisinin öz vəzifə borcunu yerinə yetirməyərək heç bir tədbir görməməsi, əksinə hadisənin baş verməsinə şərait yaratması bunu bir daha sübut edir. Baş verən bu terror barədə ağlasığmaz yalan versiyalar irəli sürərək, məişət zəminindəki adi hadisə kimi qələmə vermək və cinayətkara bəraət qazandırmağa çalışmaq İranın hakimiyyət orqanlarının məsuliyyətdən yayınmağa cəhd etməsini göstərir.

Diplomatik imtiyazları və toxunulmazlıqları olan səfirlik əməkdaşlarının qətlinə yönəldilən bu terror aktı xalqımıza və dövlətçiliyimizə qarşı açıq təhdiddir. Azərbaycan Respublikasına qarşı nümayiş etdirilən bu cür düşmənçilik münasibətini qəbuledilməz hesab edirik və İran hökumətindən bu münasibətə son qoyulmasını tələb edirik ki, ən azı tarixi və dini yaxınlığımız olan qonşu dövlət kimi öz öhdəliklərinə əməl etsin, baş verən bu terror hadisələrinə göz yummasın.

Azərbaycan Ağsaqqallar Şurası ölkəmizin İran səfirliyində baş verən terror aktını bir daha qətiyyətlə pisləyərək, xalqımızdan üzr istənilməsini və bu təxribatın təşkilatçılarının müəyyənləşdirilərək ən ciddi şəkildə cəzalandırılmasını İran hökumətindən tələb edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video