“Xarıbülbül” musiqi festivalı hər birimizi duyğulandırdı və qürurlandırdı
Ötən həftənin ən böyük hadisəsi Qarabağın qəlbi Şuşada keçirilən “Xarıbülbül” musiqi festivalı oldu. Bu festival həm əhəmiyyətinə, həm də məzmununa görə Şuşanın işğaldan azad edilməsi qədər hər birimizi duyğulandırdı və təsirləndirdi. Heydər Əliyev Fondunun yüksək təşkilatçılığı ilə bərpa olunan bu festival 44 günlük Vətən müharibəsində tarixi Qələbəmizin yeni rəmzinə çevrilməklə həm də hər kəsi yenidən qürurlandırdı.
Ulu Öndər Heydər Əliyev Şuşanın Azərbaycan və xalqımız üçün nə qədər mühüm olduğunu bildirərək demişdi: “Qarabağsız Azərbaycan, Şuşasız isə Qarabağ yoxdur”. Vətən müharibəsi günlərində isə Prezident İlham Əliyev Türkiyənin “A Haber” televiziya kanalına müsahibəsi zamanı qeyd etmişdi ki, “Şuşasız bizim işimiz yarımçıq olar”. Bəli, 44 günlük müharibədə bütün Azərbaycan xalqı Şuşanın azad olunacağı günü böyük səbirsizliklə gözləyirdi. Çünki Şuşa bizim tariximizdir, mədəniyyətimizdir və milli mənəviyyatımızın məbədidir. Və inanırdıq, əmin idik ki, bir gün cəbhədən gələn xəbərlərdə, Ali Baş Komandan İlham Əliyevin xalqa müraciətlərində Şuşanın işğaldan azad olunması müjdəsini mütləq eşidəcəyik. Tezliklə həmin gün yetişdi və noyabrın 8-də Şuşanın işğaldan azad olunması Vətən müharibəsinin ən mühüm hadisəsi oldu. Təsadüfi deyil ki, Şuşanın azad edilməsindən sonra Ermənistan kapitulyasiya bəyanatına imza atmağa məcbur oldu. Şuşanın azad olunduğu gün isə tariximizə Zəfər günü kimi həkk olundu.
Şuşa qalasının və şəhərinin banisi Qarabağ xanlığının əsasını qoyan Pənahəli xandır. Şəhərin arxitekturası, memarlıq ansamblı xalqımızın milli dəyərlərini özündə əks etdirir. XIX əsrdən etibarən həm də Qarabağın mədəni mərkəzinə çevrilən Şuşada Azərbaycan xalqına məxsus ədəbi-bədii mühit hökm sürmüşdür. Bu şəhər milli mədəniyyətimizin ünvanı, musiqimizin beşiyi olmuşdur. Ona görə 28 illik işğal dövründə Ermənistan nə qədər çalışsa da, Şuşanı erməni şəhəri kimi tanıtdıra bilmədi. Şəhərin adını da dəyişmişdilər, abidələrimizə qarşı cinayətlər törədərək erməniləşdirməyə cəhd etmişdilər. Amma Şuşa onları qəbul etmədi, saxtakarlığı yaxına buraxmadı, 28 illik işğal dövründə ermənilərə yad şəhər oldu. Ona görə də azad olunduqdan sonra Şuşa acınacaqlı durumda idi. Şəhəri erməniləşdirə bilməyən düşmən onu dağıtmış, talan etmişdi.
İndi vəziyyət dəyişib, artıq Şuşa azaddır. İndi Şuşa xoşbəxtdir, çünki onun küçələrindən öz sahiblərinin, doğmalarının səsi gəlir. “Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik!” - deyən Prezident İlham Əliyev Şuşanın bərpasına xüsusi həssaslıqla yanaşır. Bunu yanvar ayından etibarən cənab Prezidentin 3 dəfə Şuşaya səfər etməsi də göstərir. Dövlət başçısı Novruz çərşənbəsini də Şuşada keçirdi, bayram münasibətilə xalqımıza müraciətini də müqəddəs məkandan etdi.
Xatırladaq ki, Ulu Öndər Heydər Əliyev ötən əsrin 70-ci illərində Şuşanın inkişafı ilə bağlı böyük işlər görmüş və bütün bunlar Qarabağın Azərbaycan torpaqları olması barədə həqiqətləri dünyaya çatdıraraq erməni iddialarına böyük zərbə vurmuşdu. Bu gün isə Prezident İlham Əliyev Şuşanı bərpa edir, yenidən qurur. Lakin bərpa olunan Şuşanın yalnız dağıdılmış, talan olunmuş tarixi görkəmi, binaları, küçələri deyil. Bərpa olunan həm də Şuşanın milli kimliyidir, tarixboyu daşıdığı mənəvi statusudur. İlham Əliyev Şuşanın həm də onun milli-mənəvi keçmişini özünə qaytarır. Bu gözəl Azərbaycan şəhərini nəinki Qarabağın, bütün regionun mədəni mərkəzinə çevirir.
Cənab Prezident İlham Əliyevin yüksək diqqət və qayğısı, Birinci vitse-prezident, Heydər Əliyev Fondunun prezidenti Mehriban xanım Əliyevanın təşəbbüsləri ilə Şuşanın yenidən qurulması nəticəsində həm də Vaqifin, Natəvanın, Bülbülün, Üzeyir bəy Hacıbəylinin, Seyid Şuşinskinin, Xan Şuşinskinin ruhları rahatlıq tapır, sevinir. “Xarıbülbül” musiqi festivalı isə daha təxirə salınmayacaq və beynəlxalq mədəniyyət tədbiri kimi populyarlaşaraq Qarabağın Azərbaycan torpağı olduğunu bütün dünyaya bəyan edəcək.
Könül NURULLAYEVA,
Milli Məclisin deputatı
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
Ramil Quliyevdən zədədən qayıtdıqdan sonra İLK
04 May
Everesti fəth etmək üçün icazələrin sayı azalacaq
04 May
Azərbaycan Premyer Liqasında XXXIII tur start götürür
04 May
Azərbaycan millisinin baş məşqçisi püşkü dəyərləndirib
04 May
Nigeriyada qızılca xəstəliyindən 42 nəfər ölüb
04 May
Amerika Dini Azadlıq Mərkəzinin rəhbəri Azərbaycanda tolerantlıq sahəsində görülən işlər barədə məlu...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!