Şuşa azərbaycançılığın mərkəzidir
Qarabağda həyat müxtəlif xalqların nümayəndələrinin dostluğu və həmrəyliyi ilə qaynamağa başlayır
Azərbaycan multikultural ölkədir. Burada həmişə müxtəlif millətlərin nümayəndələri birlikdə yaşayıblar. Tariximizdə elə bir dövr yoxdur ki, bu ərazidə yalnız bir xalq yaşasın.
Azərbaycan xalqı deyəndə onun tərkib hissəsinin türklər, ləzgilər, talışlar, ingloylar, udilər, tatlar, kürdlər, avarlar, saxurlar, molokanlar, qaraçılar, almanlar, ruslar, yəhudilər və başqa etnik qruplar təşkil etdiyini vurğulamağa lüzum olmayıb. Küll halında Azərbaycan xalqı adlanıb. Azərbaycan kimsəni öz ərazisindən qovmayıb, ona təzyiq göstərməyib, ayrı-seçkilik salmayıb. Əksinə, milli azlıqlar qaynayıb-qarışıb, ortaq mədəniyyətli olublar. Bu multikulturallığın nəticəsidir ki, Azərbaycan öz torpaqları uğrunda müharibəyə cəlb ediləndə onun qoynunda yaşayan bütün xalqlar vətənin müdafiəsinə qalxmışdılar.
Şəhidlərin xatirəsinə həsr edilmiş festival
“Mən burda doğulmuşam, mənim atam, babam bu torpaqda doğulub, yaşayıb, Azərbaycan mənim vətənimdir”, - deyən Milli Qəhrəman, Şuşa döyüşlərində qəhrəmancasına şəhid olan yəhudi əsilli Albert Aqarunov bu sözləri ilə həm də Azərbaycanda yaşayan bütün millətləri təmsil edirdi.
44 günlük Vətən müharibəsində də işğal altında olan torpaqlarımızın azadlığı uğrunda Azərbaycanı vətən bilən bütün millətlərin nümayəndələri döyüşdülər...
Mayın 12-13-də Qarabağın tacı Şuşada keçirilən “Xarıbülbül” festivalında da Azərbaycanda yaşayan bütün xalqların nümayəndələri iştirak etdilər. Şuşanı azad edənlər Şuşada bayram etdilər. 29 illik fasilədən sonra bərpa edilən bu festivalda iştirak etmək Qarabağ uğrunda döyüşən bütün millətlərin nümayəndələrinin mənəvi haqqı idi.
Prezident İlham Əliyev festivalın açılışında xüsusi vurğuladı ki, uzun fasilədən sonra bu il birinci dəfə keçirilən “Xarıbülbül” musiqi festivalı şəhidlərimizin əziz xatirəsinə həsr olunub: “Biz bu günü bizim qəhrəman hərbçilərimizə borcluyuq, Azərbaycan xalqına borcluyuq. Xalq birləşdi, xalq həmrəylik göstərdi, bir yumruq kimi birləşdi və bu Qələbəni Azərbaycan xalqı qazandı. Bu, bizim hamımızın qələbəsidir. Bugünkü festivalda ölkəmizdə yaşayan müxtəlif xalqların nümayəndələri çıxış edəcəklər. Bu tövsiyəni festivalın təşkilatçısı olan Heydər Əliyev Fonduna mən vermişdim, çünki Vətən müharibəsində Azərbaycanda yaşayan bütün xalqların böyük payı vardı”.
Azərbaycanda yaşayan, 29 illik işğaldan Şuşanı, Qarabağı azad edən millətlərin nümayəndələri Heydər Əliyev Fondunun Şuşada təşkil etdiyi “Xarıbülbül” festivalında da fəal oldular. Bu dəfə mədəniyyətləri ilə. Şuşada “Xarıbülbül” festivalının ənənəsi bərpa edildi. Bu ildən etibarən hər il Cıdır düzündə “Xarıbülbül” festivalı keçiriləcək.
Bu festival Azərbaycanda yaşayan xalqların nümayəndələrini əhatə etdi. Uzun fasilədən sonra Cıdır düzündə mədəniyyət tədbiri keçirildi. Azərbaycanda yaşayan bütün xalqların musiqi mədəniyyəti nümayiş olundu. Kədərimizi, faciəmizi birlikdə yaşadığımız kimi, qələbəmizi də birlikdə qeyd etdik.
Növbəti illərdə isə bu festival bütün dünyanı əhatə edəcək. Beləliklə, Azərbaycan yenə də dünyaya tolerantlıq, multikulturalizm və sülh mesajı verdi. Bu mesaj Vətən müharibəsi ilə də verilmişdi. Azərbaycanda bütün xalqların dostluq, qardaşlıq, həmrəylik şəraitində yaşaması 44 günlük müharibədə özünü göstərdi. Ölkəmiz milli birlik, milli həmrəylik sayəsində qələbə qazandı. Festivalda həmin milli birlik və həmrəylik bir daha nümayiş olundu.
Çoxkonfessiyalılıq inkişafın əsaslarından biridir
Azərbaycan dövləti davamlı inkişaf edir, yüksəlişin nümunələrini yaradır. Bu, Prezident İlham Əliyevin düşünülmüş siyasətinin, düzgün idarəetmənin nəticəsidir. Eyni zamanda Azərbaycanın yüksəlişinə çoxkonfessiyalılıq da mühüm töhfələr verir.
Dövlətimiz dünyaya sübut edir ki, multikulturalizm şəraitində nəinki yaşamaq mümkündür, hətta bununla inkişaf etmək olur. Ölkəmizdə keçirilən beynəlxalq tədbirlər Azərbaycanın timsalında müxtəlif xalqların birgəyaşayışının mümkünlüyünün təbliğatçısıdır.
“Xarıbülbül” festivalı dünyaya Cıdır düzündən Kənan Bayramovun ifasında “Bayatı-şiraz”la pərvazlandı. Şuşanın dağlarında Azərbaycan milli musiqisi ilə bərabər Azərbaycan mədəniyyətinin tərkib hissəsi olan talış, ləzgi, tat, molokan musiqiləri də əks-səda verdi. Azərbaycanda yaşayan 100-dən artıq etnosdan bir çoxunun mədəniyyəti Şuşada festivalda təmsil olundu.
Tarixboyu Azərbaycanda yaşayan xalqlar arasında münasibətlər ahəngdar olub, etnik münaqişələr və gərginlik üçün zəmin olmayıb. Münasibətlərin axarını pozmağa, gərginlik və milli münaqişə yaratmağa cəhd edənlər istəklərinə nail ola bilməyiblər. Bu birliyi pozmaq istəyənlər həmişə uğursuzluğa düçar olublar.
Birlik, qayıdış, ləyaqət bayramı
Xalqların inkişafı bütün zamanlarda bir-biri ilə bağlı olub. Bir xalqın dilinin inkişafı onun digər dillərlə mübadiləsi ilə mümkün olduğu kimi, onun tərəqqisi də digər xalqlarla qaynayıb-qarışması, birlikdə dinc şəraitdə yaşaması ilə mümkündür. Azərbaycan bu baxımdan hər zaman örnək olub. “Xarıbülbül” festivalı da bunun bariz nümunəsidir. Azərbaycandakı millətlərin ənənəvi məişət və mədəniyyətlərindəki ümumi və spesifik cəhətlər tarixboyu sıx vəhdətdə olub və bir-birini tamamlayıb. Bununla yanaşı, hər bir xalq spesifik, lokal dəyərlərə də malikdir. Respublikamızda fəaliyyət göstərən mədəniyyət mərkəzləri bu xalqların nümayəndələrinin adət-ənənələrinin dirçəlişi, qorunub saxlanması sahəsində böyük rol oynayır. Onlar respublikamızın siyasi-ictimai həyatında da fəal iştirak edirlər. “Xarıbülbül” festivalında bir araya gələn mədəniyyətlər də Şuşada şübhəsiz ki, bir ocaq ətrafında birləşib Qarabağın mədəni həyatına öz töhfələrini verəcəklər. Festival bunu göstərdi, həm də buna zəmin yaratdı.
Azərbaycan xalqı onun üçün əziz olan Cıdır düzündə birlik bayramını, qayıdış bayramını, ləyaqət bayramını qeyd etdi.
“Bayatı-şiraz”la başlayan tədbir Heydər Əliyevin Şuşa haqqında fikrinin səslənməsi, ardınca İlham Əliyevin sözləri ilə başa çatdı. Prezidentlə bərabər iştirakçıların hamısı kövrəlmişdi. Çünki haqq-ədalət qalib gələndə onun təntənəsi insanlığı kövrəldir. Haqqın qələbəsi əbədidir, Azərbaycanın qələbəsi isə haqqın qələbəsidir.
Şuşada işğal vaxtı suyu qurumuş “Xan qızı” bulağının yenidən çağlaması isə rəmzi məna daşıyır. Qarabağda həyat öz əvvəlki axarı, xaqların birliyi və həmrəyliyi, dostluğu ilə həmin bulaq kimi yenidən qaynamağa başlayır və Şuşa həm də azərbaycançılığın mərkəzi kimi dirçəlir...
Ramilə QURBANLI,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!