Reallıq, yoxsa növbəti realiti-şou?
Süni intellekt bu dəfə Donald Trampın həbsi ilə bağlı fotolar hazırladı
Ekstravaqant həyat tərzi və açıq ünsiyyəti ilə məşhurlaşmış ABŞ-nin sabiq prezidenti Donald Tramp bu günlərdə yenidən dünyanın diqqət mərkəzində yer almağı bacarıb. Keçmiş prezident həbs olunacağını gözlədiyini bildirib və buna görə də tərəfdarlarını nümayişə çağırıb.
Bunun ardınca internetdə Trampın polis tərəfindən "güc həbsi" ilə bağlı saxta şəkillər peyda olub. Yerli medianın xəbərinə görə, şəbəkədə yayılmış fotomontajlardakı görüntülərin bəziləri süni intellekt vasitəsilə yaradılıb.
Biznesmen və siyasi xadim, mediamaqnat, yazıçı, "Trump Organization" tikinti konqlomeratının prezidenti, qumar oyunları və hotel biznesində ixtisaslaşan "Trump Entertainment Resorts" şirkətinin yaradıcısı Donald Tramp 2017 - 2021- ci illərdə ABŞ-nin 45-ci prezidenti olub. 1996-2015-ci illərdə "Dünya gözəli" müsabiqəsinin sahibi olub və bir sıra filmlərdə və televiziya seriallarında epizodik rollarda çəkilib. Donald Tramp icraçı prodüser kimi də özünü sınayıb və on ildən cox bir müddətdə NBC telekanalında "Namizəd" realiti-şousunda aparıcılıq edib.
Co Baydenin sələfi 2016-cı il seçkilərindən bir müddət əvvəl keçmiş aktrisa Stormi Danielsi "susdurmaqda" şübhəli bilinir. Əsl adı Stefani Klifford olan qadın iddia edir ki, o, 2006-cı ildə Trampla on ay yaxın münasibətdə olub və bu barədə susduğuna görə ondan xeyli məbləğdə pul alıb. Amerika prezidenti üçün belə bir ittiham tarixi və görünməmiş bir hadisə ola bilər.
Tramp ABŞ-nin cinayət məsuliyyətinə cəlb edilən ilk eks-prezidenti ola bilər
Trampın özü Danielslə münasibətdə olduğunu inkar edir, lakin həbs olunacağını gözlədiyini deyib. CNN telekanalının xəbərinə görə, keçmiş prezident tərəfdarlarını nümayişə çağırdıqdan sonra Nyu Yorkun və Vaşinqtonun polis qüvvələri həyəcan təbili çalıb. Belə ki, 2021-ci il yanvarın 6-da Vaşinqtondakı ABŞ Kapitolisində baş vermiş xoşagəlməz hadisələrə bənzər növbəti zorakılıq qorxuları yenidən gündəmə gəlib.
Jurnalist Eliot Higginsin dediyinə əsasən, Tramp süni intellektdən istifadə edərək saxta şəkillər yaradıb və həmin fotoları tviter hesabında yerləşdirib.
ABŞ-nin keçmiş lideri həqiqətən də ötən həftə həbs olunacağından qorxurdu. Bu barədə onun vəkili Co Takopina NBC telekanalına müsahibəsində bildirib. Onun sözlərinə görə, bu cür qorxuya səbəb Nyu Yorkdakı rayon prokurorluğundan sızmalar olub. Məsələn, məxfi xidmətin əməkdaşlarının Nyu York Polis Departamentinin nümayəndələri ilə eks-prezidentin martın 22-də məhkəməyə gətirilməsinin logistikası ilə bağlı görüşünün olacağı barədə məlumatlar yayılıb.
Ümumiyyətlə, Tacopinanın da qeyd etdiyi kimi, müvəkkilinin həbsi ilə bağlı çoxlu şayiələr olub və Tramp bu sızmalara əsaslanaraq həbsin baş verəcəyini güman edib. Vəkilin dediyinə görə, o, həqiqətən, heç bir şey uydurmayıb və həbs olunmaq istəmir.
Dünyaşöhrətli sahibkar İlon Mask isə proqnozlaşdırıb ki, Donald Trampın ictimaiyyət arasında əlləri qandallı görünməsi onun növbəti prezident seçkilərində qələbəsini təmin edəcək. Cəmiyyətin əhəmiyyətli hissəsinin hazırkı hökumətin keçmiş Amerika liderini əsassız olaraq təqib etdiyinə inandığı bir şəraitdə Trampın tamaşaya məhəbbətlə hazırladığı "Mən məhbusam" televiziya layihəsi istər-istəməz ona böyük siyasi və maliyyə dividendləri gətirəcək. Eyni zamanda bu layihə ikinci müddətə prezidentliyə namizəd olmaq planlarını açıqlayan hazırkı dövlət başçısı Co Baydenin ambisiyalarını boğacaq.
Bununla belə, Tramp "qurbanlıq quzu" rolunu oynamağa meyilli deyil. Əksinə, o, Bayden komandasını ifşa etmək üçün özünə qarşı hücumlardan bəhrələnməkdən həzz alır. Ağ evin nəzarətində olan prokurorların Trampı parlamentə hücumla nəticələnən, Kapitoli yaxınlığında iğtişaşlar təşkil etməkdə təqsirləndirmək və "məxfi" qrifli sənədləri özündə saxladığına görə onu cəzalandırmaq cəhdlərinin uğursuzluğu buna bariz nümunədir. Bu ittihamlar qalmaqallı eks-prezidentin hüquqşünaslar komandası tərəfindən puça çevrilib və onun populyarlığını daha da artırıb.
Sabiq prezidentə qarşı ittiham irəli sürüləcəkmi?
Trampla münasibəti barədə susduğuna görə 130 min dollar aldığı iddia edilən aktrisaya rüşvət vermək ittihamı ilə Trampı həbsə göndərmək cəhdi, görünür, Bayden ətrafının respublikaçı namizədi seçkidən kənarda saxlamaq üçün son şansıdır. Məhkəmənin Trampın ən yüksək dövlət vəzifəsinə namizədliyini qadağan etmək hüququ var. Hazırlanmış həbs realiti-şousunun bəlkə də ən təhlükəli nəticəsi budur. İşlər planauyğun getmədiyi təqdirdə, Tramp, hər ehtimala qarşı, əvvəlcədən tərəfdarlarından etiraz aksiyalarına çıxmalarını istəyib.
Ekspertlər, hakimiyyət eks-prezidenti həbsə göndərməyə cəsarət edərsə, hadisələrin belə inkişafını böyük ehtimal edirlər. Heç kim vətəndaş müharibəsinə çağırmasa da, Tramp tərəfdarları mövcud qanunsuzluğa dözmək istəmirlər. Onlar əmindirlər ki, Ağ evin indiki sahibi nəinki son seçkiləri saxtalaşdırıb, o, həm də açıqlanmayan sosial müqaviləni pozub - məğlub olan rəqibin təqibini davam edib və ölkəni polis dövlətinə çevirib.
Stormi Danielsə ödəniş faktı pozuntu olmasa da, Trampın vəkili 130 min dolları məhkəmə xərcləri kimi sənədləşdirib və bu, artıq maliyyə sənədlərinin saxtalaşdırılması, yəni cinayət kimi qiymətləndirilə bilər.
Trampa qarşı ittihamların irəli sürülməsi ilə bağlı qərar vermək Manhetten rayonunun prokuroru Elvin Breqqin səlahiyyətindədir. Məhz o, cinayət işinin açılması üçün kifayət qədər əsasların olub-olmadığını öyrənmək məqsədilə xüsusi böyük münsiflər heyətini çağırıb və həbs qərarının verilib-verilməyəcəyini, habelə veriləcəyi təqdirdə bunun hansı tarixdə olacağını ancaq özü bilir.
Trampın vəkilləri bildiriblər ki, eks-prezidentə böyük münsiflər heyəti qarşısına çıxmaq imkanı verilib ki, bu da istintaqın yekunlaşmaq üzrə olduğuna işarə sayıla bilər.
Rizvan CƏFƏROV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!