Çinin Beihang Universitetinin alimləri kiçik ölçülü pilotsuz uçan vasitələrinin məhdudiyyətlərini aradan qaldırmaq üçün ultra yüngül, Günəş enerjisi ilə işləyən "CoulombFly" dronlarını hazırlayıblar. İnsan ovucuna sığacaq qədər balaca olan uçuş aparatı Günəş şüaları üzərinə düşdüyü müddətcə uça bilir. O, cəmi 4.21 qram ağırlığında, yəni təxminən bir qənd ağırlığına sahib olan adlı uçuş aparatı yüngül fırlanan mühərriki sayəsində uça bilir.

Dronun hazırlanmasında məqsəd kiçik uçan robotların hazırkı nəsli ilə bağlı bəzi məhdudiyyətləri aradan qaldırmaqdır. Belə ki, hazırki dronlar miqyasına görə effektiv olsalar da, uçuş vaxtları 10 dəqiqə ilə məhdudlaşır. Çinli alimlər 10 santimetrlik pər, yüksək gərginlikli güc çeviricisi və günəş batareyaları ətrafında elektrostatik hərəkət sistemi dizayn ediblər. Mühərrik bir rotor və statordan ibarətdir. Stator halqada yerləşdirilmiş 8 cüt alternativ müsbət və mənfi elektrodu birləşdirir. Hər bir elektroda bir fırça əlavə olunur ki, bu da yükü rotor bıçaqlarına ötürür. Elektrodlara yüksək birbaşa cərəyan gərginliyi tətbiq edildikdə, yaranan elektrostatik sahələr rotoru idarə edir və onun bıçaqları növbə ilə hər bir müsbət və mənfi elektroddan keçərək yükü ötürür.

Yeni robot Günəş enerjisi ilə işləyən və uzun uçuşlu mikro hava vasitələrinin inkişafında əhəmiyyətli bir mərhələ kimi qiymətləndirilir. Uçuş üçün elektrostatik hərəkət sistemindən istifadə mikro-təyyarələr və nano-təyyarələr üçün yenilikçi və effektiv üsul ola bilər. Cihazın mənfi cəhəti isə odur ki, onun məhdudiyyətləri var, çünki modelin uçuşa nəzarəti yoxdur və hazırda sabit qalmaq üçün şaquli relslərə əsaslanır.

Ülkər XASPOLADOVA,

“Azərbaycan”