Dövlət Statistika Komitəsindən verilən məlumata görə, cari ilin yanvar-may aylarında ölkə üzrə istehsal olunan kənd təsərrüfatı məhsullarının faktiki qiymətlərlə dəyəri 3 milyard 706,1 milyon manat olmuşdur. Onun 2 milyard 838,9 milyon manatlığı heyvandarlıq, 867,2 milyon manatlığı bitkiçilik məhsullarının payına düşür.
Ötən ilin müvafiq dövrü ilə müqayisədə kənd təsərrüfatı məhsullarının istehsalı 1,5, o cümlədən heyvandarlıq məhsulları istehsalı 1, bitkiçilik məhsulları istehsalı 3,1 faiz artmışdır.
Ölkədə yazlıq kənd təsərrüfatı bitkilərinin əkini əsasən başa çatmışdır. Bu il iyunun 1-i vəziyyətinə 369,8 min hektarda yazlıq bitkilərin səpini aparılmışdır. Həmin dövrdə 73,1 min hektarda dənli və dənli paxlalı bitkilər (ondan 33,9 min hektarı dən üçün qarğıdalı), 44,8 min hektarda kartof, 59,3 min hektarda tərəvəz, 17,3 min hektarda bostan bitkiləri, 100,6 min hektarda pambıq, 12,7 min hektarda dən üçün günəbaxan, 7,2 min hektarda şəkər çuğunduru, 2,5 min hektarda tütün, 47,8 min hektarda çoxillik otlar, 3,8 min hektarda birillik otlar və 0,7 min hektarda sair yazlıq bitkiləri əkilmişdir.
Yaz-tarla işləri ilə yanaşı, kənd təsərrüfatı məhsullarının yığımı da aparılır. İyun ayının 1-nə kimi tarlalardan 437 min ton və ya keçən ilin müvafiq dövrünə nisbətən 1,8 faiz çox tərəvəz, 168,7 min ton (5,3 faiz çox) kartof, 99 min ton (11,3 faiz çox) taxıl, 34,8 min ton (3,3 faiz çox) meyvə və giləmeyvə, 498,7 ton (10 faiz çox) yaşıl çay yarpağı yığılmışdır.
Cari ilin yanvar-may aylarında quş əti də daxil olmaqla ölkə üzrə diri çəkidə 233,6 min ton ət, 916,5 min ton süd, 1 milyard 11,2 milyon ədəd yumurta, 11,2 min ton yun, 1,3 ton barama istehsal edilmiş, ötən ilin müvafiq dövrünə nisbətən yumurta istehsalı 2,8, ət istehsalı 1,2, süd istehsalı 0,2 faiz artmış, yun istehsalı 1,4, barama istehsalı 58,1 faiz azalmışdır.
"Azərbaycan"
jpg_1765911295.jpg)
