Doğma şəhərə qayıdışın sevinci
Bu günlərdə şuşalıların taleyində şadlıq, məmnunluq dolu anlar bir-birini əvəz edir. Tarixi zəfərdən sonra başlanan bərpa-quruculuq işləri, keçmiş məcburi köçkünlərin doğma şəhəri ziyarəti, davamlı keçirilən respublika səviyyəli və beynəlxalq görüşlər, festivallar bu qəbildəndir.
Mayın 10-da yaşananların sevinci isə heç bir ölçüyə, əndazəyə sığmırdı. Elə sakinlərin özləri də möhtəşəm qayıdışı və ölkə rəhbərliyindən mənzillərinin açarlarını qəbul etmələrini 2020-ci il noyabrın 8-də Prezidentin "Əziz Şuşa, sən azadsan" bəyanatından sonrakı xoşbəxtlikləri ilə müqayisə edirdilər.
Yazıçı-publisist Kərim Kərimli Azərbaycan Respublikasının Prezidenti İlham Əliyev və birinci xanım Mehriban Əliyevanın Şuşada birinci yaşayış kompleksinin açılışında şəhərə köçmüş ilk sakinlərlə görüşləri zamanı çıxışında deyib ki, dünyada Üzeyir bəyin musiqisindən gözəl musiqi yoxdur. Sizin Şuşa uğrunda, Qarabağ uğrunda, Azərbaycanın ərazi bütövlüyü uğrunda apardığınız mübarizəni yalnız Üzeyir bəyin musiqisi fonunda demək olar: gözəl, təntənəli, möhtəşəm və əbədi! Bütün bunlara görə çox sağ olun!
Şuşa sakini bildirib ki, düz 32 ildən sonra baş verən bu hadisənin tam qiymətini vermək indi çox az adama nəsib ola bilər: "Cənab İlham Əliyevin və Mehriban xanım Əliyevanın tədbirdə iştirakı, yeni mənzillərin açarlarını sakinlərə şəxsən təqdim etmələri məsələyə dövlət rəhbərliyinin nə dərəcədə yüksək əhəmiyyət verdiyinin təsdiqidir".
Şəhid Vidadi Fərhadovun ailəsi də qala-şəhərimizə ilk qayıdanlardandır. Əslində, mərhum Vidadi Aydın oğlu tarixi zəfərimizdən dərhal sonra burada bərpa-quruculuq işlərinə qatılmışdı - Şuşa Şəhəri Dövlət Qoruğu İdarəsinin mənzil-kommunal və təmir xidmətində mühəndis kimi çalışırdı. 2021-ci il sentyabrın 19-da erməni quldurlarının Şuşaya terror hücumunda iş yoldaşlarını sığınacağa apararkən raket zərbəsinə tuş gəlib şəhadət zirvəsinə yüksəldi.
Fərhadovların yeni mənzilinin açarları həyat yoldaşı Gülbəniz Babayeva-Fərhadovaya təqdim olundu. Gülbəniz xanım Şuşanın hər daşının, ağacının, tikilisinin keçmişləri xatırlatdığını söylədi: "Mənim qaynım Füzuli Fərhadov da Birinci Qarabağ savaşı şəhididir. Gənclər təşkilatının rəhbəri, fəal ictimaiyyətçi olub. Son məqama qədər şəhəri tərk etmədi və bu müqəddəs torpağa qovuşdu. Mərhum həyat yoldaşım Vidadi Şuşasız keçən ağrılı, nisgilli 29 ili ömründən saymadı, canını dişinə tutub yaşadı. Azərbaycan Prezidentinin müdrik və qətiyyətli siyasəti, qəhrəman ordumuzun rəşadəti sayəsində işğaldan qurtulan Qarabağımıza ilk qayıdanlardan idi. Birinci imkanda özünü bərpa-quruculuq prosesinə yetirdi və nankor ermənilərin növbəti xəyanətinin qurbanı oldu. İtkilərimiz nə qədər ağır olsa da, doğma yurda məhəbbətimizi soyuda bilməz. Prezident İlham Əliyevə və Mehriban xanıma Azərbaycan uğrunda onlarla əsgər, iki şəhid vermiş Fərhadovlar ailəsi adından minnətdarlığımı yetirirəm. Çox sağ olsunlar!"
Ağbirçək, nurani xanım olan Nəsibə Eyvazlı Şuşanın, Qarabağın ağır, hüznlü vaxtlarını - ötən əsrin doxsanıncı illərinin əvvəllərini tez-tez yada salır: "1992-ci ildən Şuşada Üzeyir Hacıbəylinin ev-muzeyinə rəhbərlik edirdim. Həmin dövrü çox ağrı-acılı, rayonlarımızın ard-arda işğal olunduğu, sanki tənha qaldığımız, kimsənin bizə yiyə durmadığı bir zaman kəsiyi kimi xatırlayıram. Mühasirə halqası getdikcə daralır, ermənilərin atdığı güllə və mərmilər Şuşanın üzərinə səpələnirdi. Atamın, qardaşlarımın köməyi ilə Üzeyir bəyin şəxsi əşyalarını qablaşdırıb şəhəri tərk etdik". Nəsibə xanımın övladı Nicat Sərdar oğlu Şuşa, Qarabağ fatehlərindəndir, qazidir. 2020-ci ilin sentyabrında könüllü olaraq Vətən savaşına yollanıb, yaralanıb.
N.Eyvazova deyir ki, nankor qonşularımızın əsassız torpaq iddiaları zəminində alovlanan münaqişədə xeyli mədəniyyət ocaqlarımız - muzeylər, kitabxanalar, teatrlar, musiqi məktəbləri dağıdıldı, sənət əsərləri talan edilib aparıldı: "Bu 32 ildə ən böyük təsəllimiz döğma yurdumuzun işğaldan azad olunacağına və bizim ora dönəcəyimizə ümid işığı idi. Budur, həmin gün yetişdi. Dövlət rəhbərliyimizə - möhtərəm İlham Əliyevə və Mehriban xanım Əliyevaya təşəkkürümüzü bildiririk! Allah şəhidlərimizə rəhmət eləsin, qazilərimizə cansağlığı versin! Uca Tanrı Vətənimizi, xalqımızı, dövlətçiliyimizi qorusun!"
Qurban MƏMMƏDOV
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mərkəzi Seçki Komissiyasının növbəti iclası keçirilib
27 Iyul
İstanbulda PKK-nın 13 tərəfdarı saxlanılıb
27 Iyul
İranın yeni seçilən prezidenti sabah and içəcək
27 Iyul
Mask Olimpiadanın açılış mərasimini xristianlara qarşı hörmətsizlik adlandırıb
27 Iyul
Viktor Orban: Avropa sülh siyasətini qəbul etməlidir
27 Iyul
Olimpiadada jurnalistləri daşıyan avtobus qəzaya düşüb
27 Iyul
AKAF-ın baş katibi: Parisdə yaxşı nəticə göstərəcəyimizə inanıram
27 Iyul
Paris-2024-də ilk medalçılar bəlli olub
27 Iyul
Paris-2024: Azərbaycanın daha bir cüdoçusu mübarizəni dayandırıb
27 Iyul
Rəssam dronun ilk əsəri nümayiş olunub
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!