25 Yanvar 2022 16:24
241
DÜNYA

Müxalif “Ermənistan” bloku prezident postuna öz namizədini irəli sürəcək

 

Müxalif parlament bloku olan “Ermənistan” Armen Sarkisyanın istefasından sonra prezident postuna öz namizədini irəli sürməyə hazırlaşır.

AZƏRTAC Ermənistan KİV-lərinə istinadla xəbər verir ki, bunu blokun katibi, parlamentin deputatı Arsvik Minasyan brifinq zamanı deyib. “Biz prezident postuna irəli sürəcəyimiz konkret namizədi hələlik müzakirə etməmişik, lakin bizim namizədimiz olacaq”, - deyə Minasyan bildirib.

Ermənistan parlament idarəetməsi formasına malik respublika olduğundan, ölkə prezidenti qanunverici orqan tərəfindən seçilir. Baş nazir Nikol Paşinyanın “Vətəndaş sazişi” fraksiyası müxalifətin iştirakı olmadan yeni prezidenti seçmək üçün kifayət qədər səsə malikdir.

Qeyd edək ki, 2018-ci ildə Ermənistan prezidenti seçilən Armen Sarkisyan yanvarın 23-də axşam saatlarında istefa verib. O, bu addımını prezidentin həm daxili, həm də xarici siyasətdə mühüm məsələlərə təsir etmək imkanının olmaması ilə izah edib.

Ermənistan prezidenti parlament tərəfindən 7 il müddətinə seçilir. Respublika konstitusiyasına görə, prezident istefa verdikdən sonra parlament 25 gündən tez və 35 gündən gec olmayaraq yeni dövlət başçısı seçməlidir. Yeni prezident seçilənədək dövlət başçısının səlahiyyətlərini parlamentin spikeri icra edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video