28 Fevral 2025 09:10
2694
Oxucu məktubları
A- A+
Müraciətlərimiz cavabsız qalmadı

Müraciətlərimiz cavabsız qalmadı


Şəmkir Rayon İcra Hakimiyyəti başçısı qəsəbəmizdə sakinlərlə səyyar görüş keçirərkən mən də söz alıb çıxış etdim. Bildirdim ki,  qəsəbəmizin Nizami Gəncəvi və Mirzə Ələkbər Sabir küçələrində olan elektrik dayaqları qəzalı vəziyyətdədir. Bundan başqa, qəsəbədəki subartezian quyusunda suyun təzyiqi aşağı düşdüyündən, əhali su ilə normal təmin olunmur. 

RİH-nin başçısı Şəmkir Elektrik Şəbəkəsinin və Şəmkir Su Meliorasiya Sistemləri İstismarı İdarəsinin rəhbərlərinə vəziyyətin öyrənilməsi və aradan qaldırılması ilə bağlı tapşırıqlar verdi. Növbəti gün qaldırdığımız məsələlərlə əlaqədar işlərə başlanıldı. Qısa vaxt ərzində nöqsanlar aradan qaldırıldı. İndi həmin küçələrdə yeni elektrik dayaqları basdırılmışdır. Artezian quyusu isə əsaslı şəkildə təmir edilmişdir.

Hörmətli redaksiya! Xahiş edirik, bizim minnətdarlığımızı bu işdə əməyi olan hər kəsə çatdırasınız. Arzu edirik kommunal təsərrüfatı işçiləri hər zaman bu cür operativ olsunlar.


Umud ƏLYAROV,

Şəmkir rayonu, Zəyəm qəsəbəsinin sakini 

Digər Xəbərlər

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!