19 Aprel 2024 19:46
321
CƏMİYYƏT
A- A+

EMTA ETRA ilə birgə Bakıda beynəlxalq seminar təşkil edib


Aprelin 19-da Enerji Məsələlərini Tənzimləmə Agentliyi (EMTA) və Enerji Tənzimləyicilərinin Regional Assosiasiyasının (ETRA) birgə əməkdaşlığı ilə Bakıda kommunikasiyanın təşkilinə dair beynəlxalq seminar keçirilib. Tədbir vacib tənzimləyici qərarlar ətrafında kommunikasiya bacarıqlarının mənimsənilməsinə həsr olunub.
Açılış nitqi ilə çıxış edən Agentliyin İdarə Heyətinin sədri Samir Axundov tədbir iştirakçılarını salamlayaraq, Azərbaycanın beynəlxalq əhəmiyyətli bir sıra tədbirlərə yüksək səviyyədə ev sahibliyi etdiyini, bu ilin noyabrında BMT-nin İqlim Dəyişikliyi Konfransı – COP29-un Azərbaycanda keçiriləcəyini vurğulayıb. Ölkəmizin müxtəlif sahələrdə yüksək səviyyəli görüşlər və konfranslar üçün unikal platformaya çevrildiyini deyən Samir Axundov bugünkü tədbirin də qarşılıqlı müzakirə və təcrübə mübadiləsi baxımından iştirakçılar üçün faydalı olacağına inamını ifadə edib.
Beynəlxalq seminarda Azərbaycan, Gürcüstan, Türkiyə, Latviya, Şimali Makedoniya, Yunanıstan, Kanada, Nigeriya, Albaniya, Polşa, Qazaxıstan, Oman, Moldova və Rumıniyadan olan milli enerji tənzimləmə qurumlarının kommunikasiya mütəxəssisləri, eləcə də strateji kommunikasiya xidmətləri göstərən və bu sahədə tədqiqatlar aparan aparıcı şirkətlərin nümayəndələri iştirak ediblər.
Tədbirdə təqdimatlar üzrə çıxışlar və müzakirələrdən sonra sual-cavab sessiyaları baş tutub.
15 ölkədən 30-dək kommunikasiya mütəxəssisini bir araya gətirmiş seminarın keçirilməsində məqsəd effektiv kommunikasiyanın prinsip və metodlarını müzakirə etmək, sosial rifaha təsir edən vacib tənzimləyici qərarların ictimaiyyətə çatdırılmasında ən yaxşı təcrübələri daha yaxından nəzərdən keçirmək, bununla yanaşı həm uğurlu, həm də qeyri-effektiv kommunikasiya kampaniyaları və vasitələri kontekstində müxtəlif ölkələrin kommunikasiya nümunələrini təqdim etmək olub.
Qeyd edək ki, 2000-ci il dekabrın 11-də Buxarestdə təsis olunmuş Enerji Tənzimləyicilərinin Regional Assosiasiyası (ETRA) 43 ölkəni təmsil edən 47 tənzimləyici qurumu özündə birləşdirərək enerji tənzimlənməsi sahəsində bilik və təcrübələrin mübadiləsi üçün platforma rolunu oynayır. EMTA yarandığı ilk vaxtlardan ETRA ilə əlaqələr qurub və 2018-ci ilin aprel ayından təşkilatın assosiativ üzvüdür.
 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video