Bakıda açılmış BMT-nin İqlim Dəyişikliyi üzrə Çərçivə Konvensiyasının (COP-29) 29-cu Tərəflər Konfransında 60-dan çox dövlət öz pavilyonlarını təqdim edib. TASS agentliyi xəbər verir ki, Rusiya stendi iri qırmızı yuva kuklaları – matryoşkalarla və buğda sünbülləri ilə bəzədib.
Qırğızıstan pavilyonu öz milli koloriti ilə seçilir - burada keçədən hazırlanmış qırğız yurtasını görmək olar.
Çin stendində tədbir iştirakçıları üçün yelpiklər rənglənir və onlara hədiyyə verilir.
Növbəti COP-30 konfransı Braziliyada keçiriləcək. Bu ölkənin rəngarəng stendində “COP-30-da görüşənədək” yazısı bunu xatırladır.
Türkiyə pavilyonunda “ebru” - su ilə boyama texnikası üzrə ustad dərsi keçirilir. Oman pavilyonu is’ 2025-ci ilin fevralında sultanlıqda iqlim həftəsini elan edir.
Bazar ertəsi Azərbaycanın paytaxtında BMT-nin İqlim Dəyişikliyi üzrə Çərçivə Konvensiyasının (COP-29) 29-cu Tərəflər Konfransı öz işinə başlayıb. Konfrans zamanı 100-dən çox ölkədən olan nümayəndələr qlobal istiləşmənin mənfi təsirləri ilə mübarizə aparmaq üçün effektiv həllərin işlənib hazırlanmasını nəzərdən keçirəcək, ədalətli və hamı üçün bərabər olan yaşıl gündəliyi uyğunlaşdıracaqlar. BMT-də əsas vəzifələrdən biri qlobal temperaturun 1,5 dərəcədən çox artmasının qarşısını almaqdır.
İştirakçılar inkişaf etməkdə olan ölkələr üçün iqlimin maliyyələşdirilməsi məsələlərini necə həll edəcəyini müzakirə edəcəklər.
Təşkilatçıların sözlərinə görə, forum günlərində (noyabrın 22-dək) Bakıya müxtəlif ölkələrdən 80 minə qədər nümayəndə, o cümlədən iri biznes və vətəndaş cəmiyyətinin nümayəndələri, alim və ekspertlər gələcək.
Rizvan CƏFƏROV,
“Azərbaycan”
