Bərdə terroru erməni faşizminin daha bir hərbi cinayəti idi
Dünya tarixində çox sayda müharibələr olub. Müharibənin isə öz qanunları var. Əsgər əsgərlə döyüşər, dinc əhali hədəf alınmaz, mülki obyektlər dağıdılmaz. Ancaq neyləyək ki, ermənilər müharibəni də öz xislətlərinə uyğun aparırlar.
2020-ci ilin müxtəlif zamanlarında Ermənistan silahlı qüvvələri tərəfindən Tərtərə, Gəncəyə, Bərdəyə çox sayda "Smerç", "Toçka-U", "Elburus" və "Qrad" tipli raketlər atıldı. Bu şəhərlər cəbhə xəttindən xeyli uzaq məsafədə yerləşir. Düşmən terroru böyük faciəyə səbəb oldu. Uşaqlar, qadınlar, qocalar, günahsız insanlar həyatla vidalaşdılar.
Müəllifi erməni faşistləri olan Bərdə terroru öz miqyası, ağrı-acısı ilə daha dəhşətli idi. 2020-ci il sentyabrın 27-dən oktyabrın 10-dək Ermənistan silahlı qüvvələri tərəfindən Bərdə rayonu ərazisinə 70-dən çox müxtəlif təyinatlı raket atılmışdır. Nəticədə 28 nəfər dinc sakin ölmüş, 108 nəfər yaralanmışdır.
Ermənilərin terrorçu xislətini, onların xüsusi amansızlıqla törətdikləri qanlı faciəni yaddaşlara bir daha həkk etmək üçün olanları xronoloji ardıcıllıqla xatırlamağı məqsədəuyğun hesab edirik:
5 oktyabr 2020-ci ildə Bərdə şəhərinə "Elburus" və "Qrad" raketləri atılmış, 2 nəfər ölmüş və 6 nəfər yaralanmışdır.
8 oktyabr 2020-ci ildə Qasımbəyli kəndində 2 "Smerç" və 2 "Elburus" raket zərbələri endirilmiş, nəticədə 6 nəfər dinc sakin yaralanmışdır.
27 oktyabr 2020-ci ildə Qarayusifli kəndinə 2 "Smerç" və 2 "Elburus" raketləri atılmış, 5 nəfər kənd sakini həlak olmuş, 14 nəfər yaralanmışdır.
28 oktyabr 2020-ci ildə Bərdə şəhərinə Ermənistan silahlı qüvvələri tərəfindən atılan çoxsaylı ballistik raketlər böyük faciə törətmiş, 20 dinc sakin həyatını itirmiş, 82 nəfər isə yaralanıb müxtəlif xəsarətlər almışdır.
7 noyabr 2020-ci ildə rayonun Nəcəfqulubəyli kəndinə atılan raket 1 nəfər dinc sakinin ölümünə səbəb olmuşdur.
Bax, erməni faşizminin cəbhə xəttindən xeyli uzaqda yerləşən Bərdə rayonunda törətdiyi qanlı terrorun ürək dağlayan acı mənzərəsi təxminən belədir. Qarabağı otuz il işğal altında saxlayan erməni ordusu şanlı Azərbaycan əsgərinin qisas əməliyyatları nəticəsində darmadağın oldu. 44 günlük müharibədə igidlərimiz erməniləri diz çökdürdü. Müzəffər Ali Baş Komandanın "dəmir yumruğ"u düşməni kapitulyasiya aktına qol çəkməyə məcbur etdi. Doğrudur, qələbə qurbansız olmur. Say-seçmə oğullar itirdik, şəhidlər verdik. Amma əyilən qəddimizi düzəltdik, xəcalətdən qurtulduq. Qarabağı azad edib itən qürurumuzu qaytardıq. Oğul itirən şəhid anasının "Təki Vətən yaşasın" kəlməsi milyon-milyon ürəklərə yenilməz təpər oldu.
Neyləyək ki, qismətimizə namərd qonşular düşüb. Başı qaçmış ermənilərin təxribatları bu gün də davam edir. İmza atdığı məlum müqavilənin şərtlərini yerinə yetirməyən, silahlı qüvvələrini Qarabağdan çıxaracağı barədə öhdəliyinə əməl etməyən Ermənistan rəhbərliyi bir yandan yeni döyüş əməliyyatlarına göstəriş verir, digər tərəfdən isə aparıcı dünya dövlətlərinə yalvarıb döyüşləri dayandırmağa köməklik istəyir. Bu, riyakarlığın, simasızlığın son mərhələsidir!
Prezident, Silahlı Qüvvələrin Ali Baş Komandanı İlham Əliyev Bərdə terroru sonrası xalqa, Bərdə camaatına başsağlığı verərək əmin etdi ki, düşməndən layiqli qisas alınacaq, bu qan yerdə qalmayacaq. Bu, kişi sözü, müzəffər sərkərdənin verdiyi vəd idi. Və bu şərəfli vədin ardınca 44 gün davam edən şanlı savaşın uğurları sıralandı...
Bu gün Bərdədə şanlı Qələbənin doğurduğu xoş ovqat yaşanır. Amma təbii ki, heç kim unudulmur, heç nə yaddan çıxmır. İnsanlar axın-axın faciə baş verən meydana axışır, günahsız qurbanların xatirəsini ehtiramla yad edirlər. Biz xoşbəxtik ki, Azərbaycan kimi qüdrətli dövlətimiz, vətənimizi təhlükədən qorumağa qadir güclü ordumuz var.
Lazım QULİYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Sorğu: Almaniyalıların 73 faizi hökumətin işindən narazıdır
27 Iyul
“Paris-2024”: Azərbaycan avarçəkəni 1/4 finala vəsiqə qazanıb
27 Iyul
“SpaceX” orbitə daha 23 internet peyki çıxarıb
27 Iyul
Gənc əsgərlərin hazırlığı daim diqqət mərkəzindədir
27 Iyul
Dünya səyyahları Füzulidə minaların zərərsizləşdirilməsini izləyiblər
27 Iyul
Paris-2024: Azərbaycan cüdoçusu mübarizəni dayandırıb
27 Iyul
Sabahın hava proqnozu
27 Iyul
Türkiyə nəşri: Azərbaycan musiqi festivalı ilə dünyanı heyran edir
27 Iyul
İqtisadiyyat naziri Yevlax Pilot Aqroparkındakı müəssisələrin fəaliyyəti ilə tanış olub
27 Iyul
Faktiki hava: Bəzi çaylardan sel keçib
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!