12 Aprel 2024 23:22
679
SİYASƏT
A- A+
Azərbaycan Prezidentin xüsusi tapşırıqlar üzrə nümayəndəsi Sloveniyada işgüzar səfərdə olub

Azərbaycan Prezidentin xüsusi tapşırıqlar üzrə nümayəndəsi Sloveniyada işgüzar səfərdə olub

 

Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyovun Sloveniyaya işgüzar səfəri baş tutub.

AZƏRTAC xəbər verir ki, səfər çərçivəsində Sloveniya Respublikası Prezidentinin beynəlxalq münasibətlər üzrə müşaviri Zlatko Şabiç, Sloveniya Baş nazirinin Ofisində Beynəlxalq məsələlər üzrə dövlət katibi Voyko Volk, Milli Assambleyanın vitse-prezidenti Daniyel Krivets, Xarici və Avropa İşləri üzrə Nazirliyində siyasi məsələlər üzrə Baş direktor Mateya Norçiç Stamtsar ilə görüşlər keçirilib.

Görüşlər zamanı qarşı tərəf fevralın 7-də Azərbaycanda keçirilmiş seçkilərdə qələbə münasibətilə Prezident İlham Əliyevə bir daha təbriklərini çatdırıb.

Azərbaycan və Sloveniya arasında mövcud ikitərəfli əlaqələrin səviyyəsindən məmnunluq ifadə olunub. 2026-cı ildə ölkələrimiz arasında diplomatik əlaqələrin otuz illik yubileyinin qeyd olunacağına toxunularaq, iqtisadi, enerji sahələri daxil olmaqla bir sıra potensial sahələr üzrə əməkdaşlığın daha da inkişaf etdirilməsinin, siyasi dialoqun gücləndirilməsinin, qarşılıqlı səfərlərin həyata keçirilməsinin əhəmiyyəti vurğulanıb. Bu xüsusda, bu ilin mart ayında Bakıda keçirilmiş Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclaslarında iştirak məqsədilə Sloveniyanın ətraf mühit, iqlim və energetika nazirinin ölkəmizə səfəri məmnunluqla xatırlanıb.

Əməkdaşlığın parlament ölçüsünə toxunularaq, hər iki parlamentdə mövcud dostluq qrupları arasında təmasların fəallaşdırılmasının və qarşılıqlı səfərlərin həyata keçirilməsinin ikitərəfli münasibətlərin möhkəmləndirilməsinə töhfə verəcəyi qeyd olunub. Eyni zamanda, çoxtərəfli beynəlxalq parlament platformaları çərçivəsində qarşılıqlı dəstəyin nümayiş olunmasının əhəmiyyətinə toxunulub.

BMT Təhlükəsizlik Şurasının qeyri-daimi üzvlüyünə seçilməsi və səlahiyyətlərinin icrasına başlaması münasibətilə Sloveniya tərəfinə təbriklər çatdırılaraq, ölkələrimizin beynəlxalq təşkilatlar çərçivəsində əməkdaşlığına dair fikir mübadiləsi aparılıb.

Görüşlər əsnasında Azərbaycanın ev sahibliyi edəcəyi BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29), ölkəmiz ilə Avropa İttifaqı arasında əlaqələr, regional və beynəlxalq gündəlikdə duran məsələlər müzakirə edilib.

Sloveniya tərəfi COP29-a ev sahibliyi etməsi münasibətilə Azərbaycan tərəfinə təbriklərini çatdıraraq, hazırda dünyada müşahidə olunan dəyişikliklər səbəbindən iqlim üzrə konfransın böyük əhəmiyyət kəsb etdiyini vurğulayıb və Azərbaycan tərəfi ilə COP29-a hazırlıq istiqamətində sıx əməkdaşlıq etməyə hazır olduqlarını bildirib.

Səfər çərçivəsində sözügedən tədbirlə bağlı Azərbaycan Prezidenti tərəfindən Sloveniya Prezidentinə ünvanlanmış dəvət məktubu qarşı tərəfə çatdırılıb.

Azərbaycan Prezidentinin xüsusi tapşırıqlar üzrə nümayəndəsi Sloveniya tərəfini Azərbaycanla Ermənistan arasında normallaşma və sülh prosesi üzrə aparılan danışıqların inkişafı və mövcud vəziyyət, sülh prosesinin irəlilədilməsi istiqamətində ölkəmizin səyləri barədə ətraflı məlumatlandırıb. Regionda davamlı sülhün və sabitliyin bərqərar olunması üçün tarixi imkanın yarandığı qeyd olunaraq, Ermənistanın sülh prosesinə ciddi yanaşdığını sübut etmək üçün ziddiyyətli bəyanatlar və təxribatçı addımlardan çəkinməli, beynəlxalq hüququn norma və prinsiplərinə hörmət etməli olduğu vurğulanıb. Eyni zamanda, Azərbaycan ilə sərhədyanı ərazilərdə hərbi infrastrukturun yaradılması, bölgədə militarizmin təşviqi, 2024-cü il 5 aprel tarixli üçtərəfli Brüssel görüşü, Avropa sülh mexanizmi xətti ilə və ABŞ büdcəsi hesabına Ermənistanın silahlandırılması kimi regionda ayırıcı xətlərin və nəticə etibarilə gərginliyin yaranmasına səbəb ola biləcək xarici təxribatçı, qeyri-şəffaf, qeyri-inklüziv təşəbbüslər və addımların qəbuledilməzliyi vurğulanmış və bunun regionda davamlı sülhə nail olunmasına heç bir töhfə vermədiyi bildirilib.

Keçirilmiş görüşlər əsnasında, həmçinin xalqlarımız arasında xüsusi bir bağ rolu oynayan və dostluq rəmzi olan Mehdi Hüseynzadənin “Mixaylo” irsinə toxunulub, qəhrəmanın xatirəsinə göstərilən böyük hörmətə, doğma və xoş münasibətə, habelə illik əsasda təşkil olunan tədbirlərdə dövlət səviyyəsində nümayiş etdirilən ehtirama görə Sloveniya tərəfinə dərin təşəkkür ifadə olunub.

Səfər çərçivəsində E.Əmirbəyov Sloveniya televiziya məkanının aparıcı kanalı olan RTVSLO-da (TV Slovenija 1) yayımlan “Dnevik” xəbər verilişinə, eyni zamanda, Sloveniya media bazarının ən nüfuzlu şirkətlərindən biri olna “Delo” nəşrinə müsahibə verib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Ülviyyə ZÜLFİQAR: "Ermənistan Təpəbaşı məscidində içki istehlak etməklə bütün müsəlman aləminə hörmətsizlik edir"

08:45
12 Fevral

Ermənistan hakimiyyəti revanşizmin ictimai rəydə aparıcı ideologiya kimi qalmasında maraqlıdır

08:40
12 Fevral

Malıbəyli və Quşçular qətliamından 33 il ötür

08:35
12 Fevral

Rusiyanın məsuliyyətdən yayınması mümkün deyil

08:30
12 Fevral

ABŞ informasiya siyasətində korrektələr edir

08:25
12 Fevral

"Azərbaycanla müharibə etmək Ermənistan üçün faciə olar"

08:20
12 Fevral

Təqsirləndirilən erməniəsilli şəxslər məhkəmədə əməllərinə görə cavab verirlər

08:15
12 Fevral

Son 20 ildə Azərbaycanda mükəmməl dəmir yolu infrastrukturu yaradılıb

08:10
12 Fevral

Avropanın daha bir ölkəsi Azərbaycanla əməkdaşlığı genişləndirir

08:05
12 Fevral

Yeni dövrün əsas hədəfləri

08:00
12 Fevral

"Azərbaycan Respublikasında 2025-ci ilin "Konstitusiya və Suverenlik İli" elan edilməsi ilə bağlı Tədbirlər Planı"nın təsdiq edilməsi haqqında

01:13
12 Fevral

"Azərbaycan Respublikası Hökuməti ilə Rusiya Federasiyası Hökuməti arasında "Şimal-Cənub" beynəlxalq nəqliyyat dəhlizi ilə tranzit yük daşımalarının inkişafı məqsədilə əməkdaşlıq haqqında Saziş"in təsdiq edilməsi barədə

01:12
12 Fevral

"Avtomatlaşdırılmış Qida Təhlükəsizliyi" informasiya sistemi haqqında Əsasnamə"nin təsdiq edilməsi barədə

01:11
12 Fevral

Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə bağlı TƏDBİRLƏR PLANI

01:10
12 Fevral

"Avtomatlaşdırılmış Qida Təhlükəsizliyi" informasiya sistemi haqqında ƏSASNAMƏ

01:09
12 Fevral

Böyük Britaniya və ABŞ beynəlxalq süni intellekt bəyannaməsini imzalamaqdan imtina edib

22:57
11 Fevral

Sülh və insanlıq əleyhinə, müharibə və digər ağır cinayətlərdə təqsirləndirilən erməniəsilli şəxslərin məhkəməsi davam etdirilib 

22:22
11 Fevral

Zelenski: Ukrayna Rusiyaya ərazi mübadiləsi təklif edə bilər

21:53
11 Fevral

Misli Premyer Liqası: "Qarabağ" "Səbail"i darmadağın edib  

21:52
11 Fevral

Ursula Fon der Lyayen süni intellektin inkişafı üçün 200 milyard avro ayrılacağını açıqlayıb

20:33
11 Fevral

Qeyri-hökumət təşkilatı Fransada korrupsiya ilə bağlı vəziyyətin son dərəcə pisləşdiyini açıqlayıb

20:11
11 Fevral

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!