Auditorlar Palatası Şurasının iclasında ölkədə auditin inkişafı və şəffaflığın artırılması üçün mühüm aktuallıq kəsb edən bir sıra məsələlər müzakirə edilib.
Qurumdan AZƏRTAC-a bildirilib ki, şura üzvləri və rəyçi mütəxəssislər tərəfindən yüksək dəyərləndirilən “Audit və hesabatlılıq: cinayət yolu ilə əldə edilmiş əmlakın leqallaşdırılmasına qarşı mübarizə” adlı kitabın nəşr edilməsinə və geniş yayılmasına dair yekdilliklə qərar qəbul edilib.
Məlumata əsasən, kitab Azərbaycanda ƏL/TMM sahəsindəki bilik və təcrübənin artırılmasına, beynəlxalq standartlara uyğun peşəkar mütəxəssislərin hazırlanmasına, ölkənin maliyyə təhlükəsizliyinin möhkəmləndirilməsinə, çirkli pulların yuyulmasına qarşı mübarizədə audit və hesabatlılığın rolu, daxili və xarici nəzarətin əhəmiyyəti, terrorçuluğun maliyyələşdirilməsi və təhlükələr, milli qanunvericilik və nəzarət mexanizmlərinin təkmilləşdirilməsinə, şəffaflıq və hesabatlılığın təmin edilməsinə xidmət edir.
Keyfiyyətə kənar nəzarət sahəsində yol verilən nöqsanlar və onların profilaktikasına dair müzakirə tədbir iştirakçılarının dərin marağına səbəb olmaqla bərabər, həm də ciddi fikir mübadiləsi şəraitində keçib, dəyərli tövsiyələrin tətbiqi məqsədəmüvafiq hesab edilib.
Haqsız rəqabətə qarşı mübarizədə xarici təcrübənin tətbiqi üzrə təklif olunan tədbirlər auditor xidməti bazarında sağlam rəqabətin bərqərar olması məqsədi güdür.
Şura iclasında xidmət bazarında qeyri-qanuni sahibkarlıq fəaliyyəti göstərən şəxslərin mövcudluğu dərin təəssüf hissi ilə qeyd edilib və qanunvericiliyi pozan hüquqi şəxslər barədə Azərbaycan Respublikasının Baş Prokurorluğuna müraciət olunması qərara alınıb.
Şura iclasında Palatanın rəhbərliyi və əməkdaşları, şura üzvləri ilə yanaşı, bir sıra auditor təşkilatlarının rəhbərləri və sərbəst auditorlar iştirak edərək, dəyərli təkliflər irəli sürüblər.
Onların sırasında Auditorlar Palatası Şurasının üzvü, sərbəst auditor Altay Cəfərov, Auditorların ixtisasartırması və peşə təhsili üzrə komitənin sədri, sərbəst auditor İlham Süleyman, sədrin elmi-metodik məsələlər üzrə müşaviri Nəcəf Talıbov, Auditin hüquqi tənzimlənməsi və cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə idarəsinin rəisi Elnur İbrahimov, Auditin innovativ inkişafı, operativ tənzimləmə və keyfiyyətin idarə edilməsi idarəsinin rəisi Qoşqar Əhmədov, Haqsız rəqabətə qarşı mübarizə idarəsinin rəisi Rövşən Cəfərli, Auditin təşkili və hesabatlılıq idarəsinin rəisi Vasif Cavadov, “Global Audit” MMC-nin direktor-auditoru Azər Pirimov, “Active Consulting CN” MMC-nin direktoru Nazim Alıyev, sərbəst auditor Üzeyir Fətiyev, “Consulting Group” MMC-nin direkor-auditoru Elçin Əkbərov və “Elvi Audit Finans” MMC-nin direktor-auditoru Elxan İsmayılovu qeyd etmək olar.
jpg_1765800994.jpg)
jpg_1765800788.jpg)
