Ağsu və Zərdabda növbəti toxum sərgi-satış yarmarkaları keçirilib
Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə mövsümün növbəti toxum sərgi-satış yarmarkası və Aqrar Biznes Festivalı Ağsu və Zərdab rayonlarında keçirilib.
Nazirliyin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, toxum sərgi-satış yarmarkalarında Mərkəzi Aran və Dağlıq-Şirvan iqtisadi rayonlarından olan toxumçu fermerlər və toxum istehsalı və satışı ilə məşğul olan şirkətlər iştirak edib, öz məhsullarının nümayiş və satışını həyata keçiriblər.
Yarmarkalarda əkin materialı kimi sertifikatlı toxumlara üstünlük verməyin vacibliyi, yerli şəraitə və torpaq xüsusiyyətlərinə uyğun toxum seçimi, məhsuldarlığın artırılmasında aqrotexniki qulluğun rolu barədə iştirakçılara məlumat verilib.
Rəsmi açılış hissəsində çıxış edən Aqrar İnnovasiya Mərkəzinin direktoru Anar Cəfərov ötən ildən fərqli olaraq Mərkəzin təşkilatçılığı ilə bu il toxum sərgi-satış yarmarkalarının 9 iqtisadi rayon üzrə 13 bölgədə keçiriləcəyini qeyd edib. Anar Cəfərov fermerlərin aqrar innovasiyalara və maliyyə mənbələrinə çıxışını əlçatan edən bu festivallarda əməkdaşlıq imkanlarının geniş olduğunu vurğulayıb. Qeyd olunub ki, ötən il 7 iqtisadi rayonu əhatə etməklə 8 toxum sərgi-satış yarmarkası keçirilib.
Azərbaycan Toxumçular Assosiasiyasının sədri Mədinə Əliyeva bildirib ki, yarmarkanın keçirilməsində məqsəd yerli toxum bazarının formalaşması, payızlıq əkinlər ərəfəsində yerli toxuma olan tələbatın ödənilməsi, toxum istehsalçıları ilə fermerlər arasında birbaşa münasibətlərin qurulmasına kömək etməkdir.
Aqrar Sahə İşçilərinin Həmkarlar İttifaqı Birliyinin sədri Fuad Məmmədov çıxışında qeyd edib ki, payızlıq əkinlər ərəfəsində müxtəlif bölgələrdə bu cür toxum sərgi satış yarmarkalarının təşkili fermerlərin keyfiyyətli və sertifikatlaşdırılmış toxuma əlçatanlığını təmin edir. Rəhbərlik etdiyi ictimai təşkilatın bu cür tədbirlərə daim dəstək verdiyini vurğulayan birlik sədri, ötən illərdə təşkil olunmuş belə yarmarkalarda keyfiyyətli toxum almış fermerlərin bol məhsul əldə etdiyini xatırladıb və kənd təsərrüfatı məhsullarının istehsalçılarını sərgi-satış yarmarkasının yaratdığı imkanlardan faydalanmağa çağırıb.
Yarmarkada rayonlaşdırılmış və sertifikatlı toxumlar nümayiş olunub, mütəxəssislər tərəfindən fermerlərə dənli bitkilərin və tərəvəzlərin əkin texnologiyası ilə bağlı tövsiyələr verilib. Tədbir çərçivəsində Aqrar Xidmətlər Agentliyinin mütəxəssisləri fermerlər üçün “Buğda və arpanın sertifikatlaşdırılması” mövzusunda məlumatlandırma sessiyası təşkil ediblər.
Ağsuda Mərkəzi Aran iqtisadi rayonunun yekun tədbiri olaraq keçirilmiş Aqrar Biznes Festivalında da kənd təsərrüfatına dair müxtəlif məhsul və avadanlıqlar sərgilənib. Tədbirdə iştirak edən dövlət qurumları və özəl şirkətlər fəaliyyət istiqamətlərinə uyğun olaraq öz xidmətləri barədə iştirakçılara məlumat verərək, məhsullarını təklif ediblər.
Festival çərçivəsində toxum sərgi-satış yarmarkası ilə yanaşı, “Mərkəzi Aran iqtisadi rayonunun aqrar sektorunun gələcək inkişaf perspektivləri” mövzusunda panel müzakirələr keçirilib. Müzakirələrdə ölkədə fəaliyyət göstərən yerli özəl şirkətlərin mütəxəssisləri öz təcrübələrini bölüşüb, regionun kənd təsərrüfatının prioritet istiqamətləri ətrafında fikir mübadiləsi aparıblar.
Ağsu və Zərdab rayonlarında keçirilən tədbirlər çərçivəsində fermerlər üçün kredit yarmarkası da təşkil olunub. Kredit yarmarkasında fermerlərə müxtəlif kredit məhsulları təklif olunub və informasiya materialları təqdim edilib.
Qeyd edək ki, toxum sərgi-satış yarmarkalarının müxtəlif regionlarında keçirilməsində əsas məqsəd toxum bazarının daha da inkişafına nail olmaq, fermerlərin sertifikatlı toxumlara əlçatanlığını təmin etməkdir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azercell abunəçilərinin nəzərinə!
30 Avqust
Mərkəzi Seçki Komissiyasının 2024-cü il 28 avqust tarixli iclas protokolunun təsdiq edilməsi barədə ...
30 Avqust
2024-cü il sentyabrın 1-nə təyin edilmiş Azərbaycan Respublikasının Milli Məclisinə növbədənkənar se...
30 Avqust
2024-cü il sentyabrın 1-nə təyin edilmiş Azərbaycan Respublikasının Milli Məclisinə növbədənkənar se...
30 Avqust
2024-cü il sentyabrın 1-nə təyin edilmiş Azərbaycan Respublikasının Milli Məclisinə növbədənkənar se...
30 Avqust
Birinci vitse-prezident Mehriban Əliyeva Paralimpiya Oyunlarında bürünc medal qazanan Sabir Zeynalov...
29 Avqust
Konfrans Liqası: "Zirə" "Omoniya"ya minimal hesabla qalib gəlib
29 Avqust
"Neftçi" və "Qarabağ"ın növbəti oyunlarının təyinatları açıqlanıb
29 Avqust
Nazir: Ermənistanın yeni konstitusiyaya ehtiyacı var
29 Avqust
Ukrayna Müdafiə Nazirliyi F-16 təyyarəsinin qəzaya uğradığını təsdiqləyib
29 Avqust
DİQQƏT ÇƏKƏNLƏR
Azərbaycan-Rusiya münasibətləri qarşılıqlı faydalar yaradır23 Avqust 2024
Azərbaycan naminə missiya22 Avqust 2024
Xalqa xidmət, dövlətə sədaqət missiyası21 Avqust 2024
Prezident İlham Əliyev və Prezident Vladimir Putin mətbuata bəyanatlarla çıxış ediblər YENİLƏNİB-2...19 Avqust 2024
Azərbaycan-Rusiya: çoxəsrlik tarixə malik iqtisadi əlaqələrin yeni istiqamətləri18 Avqust 2024
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!