03 Iyul 2024 11:25
1654
Təhsil
A- A+

ADA Universitetinin nümayəndə heyəti Corc Vaşinqton Universitetində olub

 

ADA Universitetinin və Azərbaycan Respublikasının Elm və Təhsil Nazirliyinin nümayəndələri ABŞ-a səfər ediblər. Onlar ADA Universitetinin Corc Vaşinqton Universiteti ilə birgə təqdim etdiyi ikili diplom proqramları barədə Rəhbər Komitənin iclasında iştirak ediblər.

Bu barədə AZƏRTAC-a ADA Universitetindən məlumat verilib.

Səfər çərçivəsində ADA Universitetinin akademik işlər üzrə prorektoru Elkin Nurməmmədov və elm və təhsil nazirinin müşaviri Nicat Məmmədlinin rəhbərlik etdiyi nümayəndə heyəti ADA Universitetinin Vaşinqton Mərkəzi ilə tanış olub. Burada onlar elektrik və elektroenergetika mühəndisliyi ixtisası üzrə 2024-cü ilin yanvar ayından etibarən Vaşinqtonda təhsilini davam etdirən 14 tələbə ilə görüşüblər. Tələbələr öz təcrübələrindən danışıb, multikultural mühitdə təhsil almağın onların akademik və şəxsi perspektivlərini genişləndirdiyini vurğulayıblar.

Səfərin ikinci günündə Rəhbər Komitənin iclası keçirilib və bir sıra məsələlər müzakirə olunub. İclasda ADA-nın professor-müəllim və işçi heyətinin peşəkar inkişafı ilə bağlı müzakirələrlə yanaşı, yeni təqdim edilən Kompüter Mühəndisliyi və Yüksək Performanslı Hesablamalar proqramı barədə danışılıb.

Nicat Məmmədli bu proqramlarda iştirak edənlərin ölkəmizin insan resursunu təşkil etdiyini və insan resursunun davamlı peşəkar inkişafının Azərbaycanın əsas prioritetlərindən biri olduğunu vurğulayıb. Müşavir, həmçinin ADA nümayəndələrinin Corc Vaşinqtonu təmsil edən həmkarları ilə təcrübə mübadiləsi aparmaq üçün müntəzəm olaraq Vaşinqtona səfər etməsinin vacibliyini əlavə edib.

Görüş zamanı Kompüter Elmləri və Data Analitikası proqramına dördüncü dəfə aparılmış qəbul üzrə 20 tələbənin yay və payız semestrləri üçün Vaşinqtona gözlənilən səfəri müzakirə olunub.

Növbəti gün Corc Vaşinqton Universitetini ziyarət edən ADA heyətini universitetin Mühəndislik və tətbiqi elmlər fakültəsinin dekanı Con Lak və digər professor və administrativ heyəti qarşılayıb. Ziyarətçilər universitetin kampusuna, o cümlədən ən müasir sinif otaqlarına və laboratoriyalarına ekskursiya ediblər.

Xatırladaq ki, ADA Universiteti Corc Vaşinqton Universiteti ilə əməkdaşlıq edərək ikili diplom proqramları təklif etməyə 2020-ci ildən etibarən başlayıb. Kompüter elmləri və data analitikası, eləcə də elektrik və elektroenergetika mühəndisliyi üzrə ikili diplom təqdim edən magistr proqramlarına indiyə qədər ümumilikdə 121 tələbə qəbul edilib. Qeyd edilən magistr proqramları “Azərbaycan Respublikasında ali təhsil sisteminin beynəlxalq rəqabətliliyinin artırılması üzrə 2019-2023-cü illər üçün Dövlət Proqramı” çərçivəsində maliyyələşdirilir.

Qeyd edək ki, yeni təqdim edilən kompüter mühəndisliyi və yüksək performanslı hesablamalar ixtisasına qəbul 2025-ci ildən etibarən aparılacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video