Avropa Parlamenti (AP) Türkiyəyə qarşı yol verdiyi səhvləri etiraf etməli və düzəltməlidir.
AZƏRTAC xəbər verir ki, bu barədə Türkiyənin hakim Ədalət və İnkişaf Partiyasının (AK Parti) baş katibinin müavini, rəsmi nümayəndəsi Ömər Çelikin AP-nin Türkiyə ilə bağlı qalmaqallı hesabat layihəsinə cavab olaraq verdiyi açıqlamasında deyilir.
“AK Parti”nin nümayəndəsi Avropa Parlamenti məruzəçisinin nəticələrini “siyasi cəhətdən utanmalı” adlandırıb və Avropa dəyərlərinin təhrif edilməsinin yolverilməz olduğunu vurğulayıb.
“Heç kimin Avropa Parlamentinin adı arxasında gizlənərək Türkiyə hökumətinin üzvlərini təhqir etməyə və ya onlara hörmətsizlik etməyə hüququ yoxdur”, - deyə Ö.Çelik Avropa Parlamenti məruzəçisinin hərəkətlərinin arxasında duran dairələrin məqsədlərini hərtərəfli araşdırmağa çağırıb.
Türkiyəli siyasətçi qeyd edib ki, bir vaxtlar hörmətli “siyasət və insan haqları məktəbi” hesab edilən Avropa Parlamenti bu gün “müstəmləkə dövrü komissarlarının ritorikası”na yol verən şəxslərin “məqsədyönlü lobbiçiliyi” səbəbindən nüfuzunu itirir.
“AK Parti” baş katibinin müavini Türkiyə ilə bağlı əvvəlki AP hesabatlarını xatırlatıb, bildirib ki, həmin hesabatların müəllifləri də “həqiqəti əks etdirmək və Ankara ilə dialoq üçün qapı açmaq deyil, siyasi qrupları razı salmaq səyinə” əsaslanırdı.
Ö.Çelik əmin edib ki, Ankara Türkiyə Cümhuriyyətinin suveren hüquqlarına qarşı hörmətsizliyə dözməyəcək.
“Avropa Parlamenti üçün ən düzgün variant bu “siyasətçilər” kateqoriyasını “ibtidai demokratiya məktəbinə” qoymaq olardı”, - deyə Türkiyənin hakim partiyasının nümayəndəsi təklif edib.
677jpg_1781134810.jpg)
jpg_1781515609.jpg)
