Masallı Rayon Statistika İdarəsindən verilən məlumatda bildirilir ki, bu ilin 6 ayında kənd və meşə təsərrüfatı, eləcə də balıqçılıq sahəsi üzrə məhsul buraxılışının ümumi dəyəri 2025-ci ilin eyni dövrünə nisbətən 6,7 faiz artaraq 175 milyon 589,1 min manat olmuşdur. Onun 108 milyon 847,5 min manatı (62 faizi) bitkiçilik, 66 milyon 741,6 min manatı (38 faizi) heyvandarlıq məhsullarının payına düşmüşdür.
Rayon üzrə əkin sahələrinin 13 min 392 hektarı (72,7 faizi) dənli və dənli-paxlalı bitkilər, 90 hektarı (0,5 faizi) texniki bitkilər, 3 min 716,3 hektarı (20,2 faizi) kartof, tərəvəz və bostan bitkiləri, 1218,5 hektarı (6,6 faizi) yemlik bitkilər olmuşdur.
Cari ilin iyul ayının 1-nə kimi tarlalardan qarğıdalı da daxil olmaqla 30 min 475,8 ton və ya keçən ilin müvafiq dövrünə nisbətən 20 faiz çox dənli və dənli-paxlalı bitkilər, 24 min 780 ton (54,5 faiz çox) kartof, 40 min 38,5 ton (0,7 faiz az) tərəvəz, 2 min 297 ton (5,2 faiz çox) bostan məhsulları, 2 min 448 ton (21,6 faiz çox) meyvə və giləmeyvə, 27,8 ton (6,9 faiz çox) yaşıl çay yarpağı toplanmışdır.
6 ay ərzində rayon üzrə diri çəkidə 3 min 632,4 ton ət, 26 min 264,2 ton süd, 36 milyon 790 min ədəd yumurta və 144,3 ton yun istehsal edilmişdir və 2025-ci ilin müvafiq dövrünə nisbətən ət istehsalı 0,6 ton, yumurta istehsalı min ədəd artmış, süd istehsalı 2,6 ton azalmış, yun istehsalı eyni qalmışdır. İyul ayının 1-i vəziyyətinə rayonda 74 min baş qaramal (ondan 37,2 min baş inək və camışlar), 96,3 min baş qoyun və keçi olmuşdur. Əvvəlki ilin müvafiq dövrü ilə müqayisədə qaramalın sayı 65, inək və camışların 20, qoyun və keçilərin sayı 108 baş artmışdır.
Seyran CAVADOV,
“Azərbaycan”
