"Estafeti yeni nəslə ötürmək qərarına gəldim"
Co Baydenin xalqa müraciəti siyasi etirafdan daha çox seçkiqabağı təbliğata bənzəyib
ABŞ Prezidenti Co Bayden xalqa niyə partiya yoldaşlarının təzyiqinə boyun əydiyini və seçki yarışından geri çəkildiyini izah etməyə çalışıb. Onun qısa müraciəti ümumi sözlər, xidmətlərinin sadalanması və vitse-prezident Kamala Harrisə səs verməyə çağırışlardan ibarət olub. Eyni zamanda Baydenin çıxışı siyasi etirafdan daha çox seçkiqabağı təbliğata bənzəyib. Demokratın əleyhdarları onun çıxışından məyus olduqlarını bildiriblər, müttəfiqləri isə təqaüdə çıxan veterana hörmət etməyə çağırıblar.
Amerikalılar dörd il bundan əvvəl böyük inam bəslədikləri və bir neçə gün əvvəl seçkidən geri çəkilən prezidentin çıxışı zamanı onların gözləri qarşısında tarixin yazılacağını gözləyirdilər. Lakin gözləntilər özünü doğrultmayıb. Əvəzində Co Bayden Demokratlar Partiyasını və vitse-prezident Kamala Harrisi ABŞ prezidentliyinə namizəd kimi dəstəkləmək üçün 11 dəqiqəlik təşviqat nitqi ilə çıxış edib və administrasiyasının nailiyyətlərini sadalayıb.
Co Bayden çıxışının əvvəlində bildirib: "Əziz amerikalı həmyerlilərim, mən sizə bu axşam Oval kabinetdə iş masamın arxasından müraciət edirəm. Bu müqəddəs yerdə məni Amerikanın görkəmli prezidentlərinin portretləri əhatə edir. Tomas Cefferson millətimizin riayət etdiyi ölməz sözləri yazıb. Corc Vaşinqton göstərdi ki, ABŞ prezidentləri kral deyil. Avraam Linkoln bizi qəzəbdən əl çəkməyə çağırdı. Franklin Ruzvelt bizi qorxudan qurtulmağa ruhlandırdı. Mən bu vəzifəyə hörmət edirəm, amma ölkəmi daha çox sevirəm. Sizin prezidentiniz olmaq mənim həyatımın şərəfidir, lakin təhlükə altında olan demokratiyanı qorumaq, inanıram ki, hər hansı tituldan daha vacibdir".
Baydenin sözlərinə görə, partiyanı bu kritik vəziyyətdə birləşdirməyə ehtiyac var idi, ona görə də heç kim və heç nə, o cümlədən şəxsi ambisiyalar, demokratiyanı xilas etmək yolunda mane olmamalıdır. Buna görə də ABŞ Prezidenti "estafeti yeni nəslə ötürmək qərarına gəldim" deyib.
Amerikanın "krallar və diktatorlar" tərəfindən idarə olunmadığını, onun gələcəyini xalqın müəyyən etdiyini vurğulayan Co Bayden "mən seçimimi etdim" deyib.
O, sabiq prezident Donald Trampla debatdakı uğursuz performansından fərqli olaraq inamla danışıb. Baxmayaraq ki, otaqdakı media nümayəndələrinin dediyinə görə, bəzi sözləri ayırd etmək onlar üçün çətin olub. Bundan əlavə, çıxış monoton olub və Prezident telesuflyordan gözlərini çəkməyib.
Co Bayden heç yerə getməyəcəyinə və Oval kabinetdə qalan altı ay ərzində başladığı işi axıra çatdıracağına söz verib. Bu müddət ərzində o, zəhmətkeş ailələrin xərclərini azaltmaq, şəxsi azadlıqların və vətəndaş hüquqlarının qorunmasını prioritetləşdirmək, həmçinin ekstremizmə qarşı çıxmaq, silahlara daha güclü nəzarət üçün mübarizə aparmaq və iqlimin müdafiəsi problemlərini həll etmək və Ali Məhkəmə islahatı həyata keçirmək niyyətində olduğunu söyləyib.
Xarici siyasətə gəlincə, Prezident qlobal azadlıq və təhlükəsizliyi müdafiə edəcəyinə söz verib.
Bundan əlavə, Bayden Sakit okean regionundakı müttəfiqlərini qoruyacağını və Çinin yüksəlişinə qarşı çıxacağını, həmçinin Yaxın Şərqə sülh və təhlükəsizlik gətirəcəyini vəd edib. O, təkcə Qəzzadan deyil, hər yerdən "amerikalıları evlərinə gətirmək üçün gecə-gündüz işləyəcəyinə" söz verib.
Bu arada Ağ Evin keçmiş rəhbəri və Respublikaçılar Partiyasından prezidentliyə namizəd Donald Tramp keçmiş rəqibinin çıxışını şərh edərək onu bəyənmədiyini vurğulayıb: "Oval kabinetdə hiyləgər Co Baydenin çıxışı çətin başa düşülən və çox pis idi. Həm ABŞ Prezidenti, həm də onun himayədarı Kamala Harris Amerikanın böyük rüsvayçılığıdır".
Qeyd edək ki, Donald Trampın qiymətləndirməsi ümumilikdə mühafizəkar ictimaiyyətin reaksiyası ilə üst-üstə düşüb.
Rizvan CƏFƏROV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Yeni buz forması kəşf edilib
27 Iyul
Yeni axtarış sistemi işə salınır
27 Iyul
Parlament seçkilər ilə əlaqədar 6 milyon 516 min 567 seçki bülleteni çap ediləcək
27 Iyul
Azərbaycanın güllə atıcısı Paris olimpiadasında 24-cü olub
27 Iyul
Parlament seçkilərində müşahidəçi qismində iştirak etmək üçün indiyədək 2794 nəfər akkreditasiyadan ...
27 Iyul
Gəncədə sənaye müəssisələrinin rəhbərlərilə görüş keçirilib
27 Iyul
Milli Məclisə növbədənkənar seçkilərdə iştirak üçün 1255 nəfər müraciət edib
27 Iyul
Rövzət Qasımov: Ombudsman Aparatı və MSK parlament seçkiləri ilə əlaqədar birgə maarifləndirmə tədbi...
27 Iyul
Sorğu: Almaniyalıların 73 faizi hökumətin işindən narazıdır
27 Iyul
“Paris-2024”: Azərbaycan avarçəkəni 1/4 finala vəsiqə qazanıb
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!