Bakı Hüquq Mərkəzi oxucuların suallarına cavab verir
Ərim nikaha daxil olmamışdan bir neçə ay əvvəl ipoteka krediti hesabına mənzil almışdı. Nikah müddətində hər ikimiz işləməklə həmin krediti ödəmişik. Ailə münasibətlərimiz kəskinləşdiyi üçün boşanma ərəfəsindəyik. Bilmək istəyirəm: həmin mənzildən qanunla mənə pay düşür?
Yeganə MƏMMƏDOVA,
Bakı şəhəri
Azərbaycan Respublikası Ailə Məcəlləsinin 32-ci maddəsindən və Azərbaycan Respublikası Konstitusiya Məhkəməsi Plenumunun “Azərbaycan Respublikasında mənzil fondunun özəlləşdirilməsi haqqında” Azərbaycan Respublikası Qanununun 1-ci, 5-ci və 12-ci maddələrinin şərh edilməsinə dair” 21 dekabr 2012-ci il tarixli Qərarında ifadə etdiyi mövqedən aydın olur ki, hər hansı əmlakın ər-arvadın birgə mülkiyyəti sayılması üçün 3 şərt tələb edilir:
I- Tərəflər nikahda olmalıdır (m. 32.1);
II- Əmlak əvəzli əqd əsasında əldə edilməlidir (m. 32.2, 34.1);
III- Əmlak ər-arvadın ümumi gəlirləri hesabına əldə edilməlidir (m. 32.2, 34.1).
Sizin qeyd etdiyiniz halda nikah və ümumi gəlir hesabına əldə edilmə şərtləri mövcud deyildir. Bu baxımdan sizin həmin mənzil üzərində hər hansı mülkiyyət hüququnuz yaranmamışdır. Başqa sözlə, sizə həmin mənzildən hər hansı pay düşmür.
Bununla belə, sizin sözügedən mənzilin əldə edilməsinə verdiyiniz maddi dəstək də diqqətdən qaçırılmamalıdır. Çünki Azərbaycan Respublikası Ailə Məcəlləsinin 32.2.1-ci maddəsinə görə, sizin və ərinizin əmək fəaliyyəti nəticəsində əldə etdiyi gəlirlər sizin ümumi birgə mülkiyyətinizə daxildir.
Eyni zamanda, sözügedən mənzil üzrə yaranmış kredit borcunu ödəmək öhdəliyini isə siz deyil, əriniz daşısa da, həmin mənzilin əldə edilməsinə sərf edilmiş kredit məbləğinin ödənilməsi məhz birgə nikah dövründə, sizin və ərinizin fəaliyyəti nəticəsində əldə edilmiş pul vəsaiti hesabına təmin edilmişdir. Bu baxımdan tərəflər (siz və əriniz) arasında baş tutacaq əmlak bölgüsü ilə bağlı hər hansı mübahisədə siz bu halın diqqətə alınmasını tələb edə bilərsiniz.
Cavablandırdı:
Dünyamin NOVRUZOV,
Bakı Hüquq Mərkəzinin hüquq məsləhətçisi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ukrayna 1000 kilometrdən çox uçuş məsafəsi olan hücum pilotsuz təyyarələrinin istehsalına başlayıb...
30 Iyun
İsmayıllıda torpaq sürüşməsi səbəbindən Qoydan kəndinin sakinləri köçürülür
30 Iyun
Zelenski: Ukraynanın əlavə hava hücumundan müdafiə vasitələrinə ehtiyacı var
30 Iyun
Hərbi institutda hərbi vətənpərvərlik mövzusunda tədbir keçirilib
30 Iyun
Sabah Bakıda hava əsasən yağmursuz keçəcək
30 Iyun
Avstriyada Millətlər Festivalında Azərbaycan mədəniyyəti təbliğ olunub
30 Iyun
Azərbaycanın energetika naziri İtaliyaya səfər edib
30 Iyun
Xarici işlər nazirinin müavini Xorvatiyada işgüzar səfərdə olub
30 Iyun
Rusiyanın Xəzər flotiliyasının hərbi gəmiləri Bakı limanını tərk edib
30 Iyun
Fransada növbədənkənar parlament seçkiləri üzrə səsvermə başlayıb
30 Iyun
DİQQƏT ÇƏKƏNLƏR
Prezident İlham Əliyev BMT-nin Baş katibinin müavini və Ətraf Mühit Proqramının icraçı direktorunu q...27 Iyun 2024
Prezident İlham Əliyevə İtaliyanın “Leonardo” şirkətinin istehsalı olan hərbi nəqliyyat təyyarəsi tə...26 Iyun 2024
Azərbaycan beynəlxalq əməkdaşlıq platformasına çevrilir25 Iyun 2024
İlham Əliyevin əməkdaşlıq modeli qlobal platformaya çevrilir21 Iyun 2024
Qurtuluş missiyası15 Iyun 2024
ÇOX OXUNANLAR
Prezident növbədənkənar parlament seçkilərini təyin etdi29 Iyun 2024
Sülh uğrunda müharibə26 Iyun 2024
Davamlı inkişaf, səmərəli islahat, real nəticə25 Iyun 2024
Böyük tarixdən başlanan Zəfər yolu23 Iyun 2024
“Euronews” televiziyasında Prezident İlham Əliyevin müsahibəsi yayımlanıb22 Iyun 2024
Adın nədir - Daşdəmir...21 Iyun 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!