Azərbaycan millisinin baş məşqçisi: İnanıram ki, Avropa çempionatına da vəsiqə qazanacağıq
“Yığmada çıxış edən hər bir futbolçumla fəxr edirəm”.
Bu sözləri AZƏRTAC-a açıqlamasında qadın futbolçulardan ibarət Azərbaycan millisinin baş məşqçisi Siyasət Əsgərov Avropa çempionatının seçmə mərhələsində ilk dəfə pley-offa vəsiqə qazanmaları barədə danışarkən deyib.
O, tarixi uğura görə xoşbəxt olduğunu bildirib: “Bu cür komandanın baş məşqçisi olduğum üçün qürur duyuram. Azərbaycan futbol millisi ilk dəfə Avropa çempionatının pley-off mərhələsində mübarizə aparacaq. Ölkədə son illər qadın futbolunun yüksəlişi davam edir. B divizionuna yüksəlməklə ölkə futbolunun tarixinə düşmüşdük. İndi isə yeni səhifə açdıq. Bu kollektivə, burada işləyən texniki heyətə təşəkkür edirəm. Təəssüflər olsun ki, pley-offa vəsiqə əldə etsək də, C Liqasına düşdük. Düşünürəm ki, indiyədək qazandığımız uğurlar sevindiricidir”.
Mütəxəssisi Avropa çempionatının seçmə mərhələsində keçirdikləri son oyunlarda Macarıstana 0:5, İsveçrəyə isə 0:3 hesablı məğlubiyyətləri də şərh edib: “Bu matçlardan ən azı 1 xal götürməli idik. Milli komanda toplanışa tam heyətlə gəlməmişdi. Çünki Rusiyada və Qazaxıstanda legioner həyatı yaşayan oyunçular hazırlığa iyulun 7-də qoşuldular. Türkiyədə oynayan qızlarda isə durum fərqli idi. Onlarda liqa mayın əvvəli bitmişdi və uzun müddətdir oynamırdılar. Macarıstanla qarşılaşmadan öncə iki futbolçum sarı vərəqə cəzalısı, digər ikisi isə zədəli idi. Bu amillər, eləcə də Bakıda qeydə alınan böyükhesablı məğlubiyyət komandaya mənfi təsir etdi. Çünki həmin qızlar B Liqasına vəsiqə qazanmaqla ölkədə olan insanların qadın futboluna baxışına dəyişmişdilər. Onlar düşünürdülər ki, macarlara məğlubiyyət komandanın hər şeyə sıfırdan başlamasına səbəb olacaq. Lakin ruhdan düşmədilər və meydanda sonadək döyüşdülər. Sarı vərəqə limitində olan oyunçular yığmaya İsveçrə ilə son görüşdə qoşula bildilər. Bilirsiniz ki, rəqib də Avropa qadın futbolunda sayılıb-seçilən ölkələrdən biridir. Matçdan əvvəl pley-off vəsiqə qazandığımızı bilsək də, isveçrəlilərlə görüşdə xal qazanmaq istəyirik. Növbəti raunda çıxmaq şansımız digər qrupda keçirilən Portuqaliya-Malta oyunundan asılı idi. Oradakı nəticə hər şeyi rəsmiləşdirdi”.
Baş məşqçi iyulun 19-da keçiriləcək püşkatma mərasimini gözlədiklərini söyləyib: “Pley-off mərhələsindəki rəqiblərimiz bəlli olacaq. Orada iki komandanı keçib final mərhələsinə vəsiqə qazana bilərik. İnanıram ki, bunu bacaracağıq”.
Qeyd edək ki, Azərbaycan millisi püşkatmada səpələnməmişlər səbətində yer alacaq. Yığmanın potensial rəqibləri Portuqaliya, Şotlandiya, Uels, Serbiya, Ukrayna və Şimali İrlandiya kollektivləridir. Oyunlar oktyabrın 23-də və 29-da keçiriləcək.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Andrey Yatskin Azərbaycanda keçiriləcək parlament seçkilərində MDB PA müşahidə missiyasının koordina...
17 Iyul
“Euronews”: Yay mövsümündə Azərbaycanda hər kəsin zövqünə uyğun əyləncə var
17 Iyul
Dövlət Neft Fondu qızıla olan investisiyanın həcmini artırıb
17 Iyul
Multikulturalizm Mərkəzinin rəhbəri Malayziyada İslamofobiya tədbirində məruzə ilə çıxış edib...
17 Iyul
YAP tərəfindən deputatlığa irəli sürülmüş namizədlərin adları açıqlanıb
17 Iyul
MSK Şəkidə seçki hüququ ilə bağlı müraciətlərə baxılmasına həsr olunan regional seminar keçirib...
17 Iyul
Oğuzun yeni icra başçısı kollektivə təqdim olunub
17 Iyul
Daha yeddi itkin-şəhidin dəfn mərasimi keçiriləcək
17 Iyul
SOCAR ilə Sloveniya şirkəti arasında qaz təchizatı sahəsində Anlaşma Memorandumu imzalanıb
17 Iyul
DİN: Ötən gün 32 cinayətin üstünün açılması təmin olunub
17 Iyul
DİQQƏT ÇƏKƏNLƏR
Azərbaycan islam həmrəyliyini möhkəmləndirən ölkədir17 Iyul 2024
![](/uploads/img/posts/2024/07/17/Clipjpg-1721164495.jpg)
Ən böyük azərbaycanlı14 Iyul 2024
![](/uploads/img/posts/2024/07/14/h-0jpg-1720931652.jpg)
İlk Qurtuluş günü13 Iyul 2024
![](/uploads/img/posts/2024/07/13/1-16-1 copy Копированиеjpg-1720822565.jpg)
Qarabağ türk dünyasının əbədi dostluğunun rəmzinə çevrilir12 Iyul 2024
![](/uploads/img/posts/2024/07/12/17202756864283358409jpg-1720740093.jpg)
Prezident İlham Əliyev və Baş nazir Məhəmməd Şahbaz Şərif mətbuata bəyanatlarla çıxış ediblər YENİLƏ...11 Iyul 2024
![](/uploads/img/posts/2024/07/11/17207173555827441072_1200x630jpg-1720721554.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!