Yaponiya müdafiə büdcəsini rekord dərəcədə artırır
Martın 28-də Yaponiya parlamentinin yuxarı palatası aprel ayında başlayacaq yeni maliyyə ili üçün dövlət büdcəsi haqqında qanun layihəsini təsdiqləyib.
AZƏRTAC Yaponiya mediasına istinadla xəbər verir ki, 114,38 trilyon yen (874,77 milyard ABŞ dolları) məbləğindəki büdcə sosial müdafiə və ölkənin özünümüdafiə qüvvələri üçün xərclərin rekord dərəcədə artımını nəzərdə tutur. Yaşlı insanların sayının ölkənin ümumi əhali sayında payının artması səbəbindən dünyanın ən sürətlə qocalan əhaliyə malik ölkələrindən biri olan Yaponiyanın hökuməti sosial müdafiə xərclərini 282,13 milyard dollar planlaşdırıb.
Müdafiə xərcləri isə qonşu ölkələrin təhlükəsizlik təhdidləri fonunda ötən illə müqayisədə 26 faiz artırılaraq, 52,15 milyard dollar nəzərdə tutulub. Bu, 1952-ci ildən bəri ən yüksək illik artım göstəricisidir. Artımı təmin etmək üçün aprelin 1-dən etibarən vergi olmayan gəlirlər ölkənin müdafiə xərclərinin qarşılanmasına yönəldiləcək. Baş nazir Fumio Kişidanın rəhbərlik etdiyi hökumət bununla da Yaponiyanın müdafiə xərclərinin ümumi daxili məhsulda (ÜDM) uzun illər davam edən 1 faizlik payının 2027-ci ildən etibarən 2 faizə çatdırılmasını təmin etməyi hədəfləyib.
Yeri gəlmişkən qeyd edək ki, 2024-cü ildən başlayaraq korporativ və gəlir vergisinin, habelə bəzi istehlak mallarına tətbiq olunan vergilərin artırılmasından əldə ediləcək vəsait də ölkənin müdafiə imkanlarının genişləndirilməsinə yönəldiləcək. Bundan başqa, əsasən təbii fəlakətlər üçün nəzərdə tutulan və xərclənməsi üçün parlament təsdiqinə ehtiyac olmayan ehtiyat fonddakı qalıq vəsaitlərinin də müdafiə məqsədilə istifadəsi mümkün olacaq.
İkinci Dünya müharibəsində məğlubiyyətdən sonra pasifist mövqe tutan Yaponiyanın hərbi xərclərini bu dərəcədə artırmasına müxalifət, habelə ictimaiyyət nümayəndələri də etiraz edirlər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Prezident: Bəzi ölkələr Azərbaycana qarşı soyuq müharibəyə başlayıblar
23 Aprel
Ombudsman Aparatı uşaq hüquqları ilə bağlı təlim təşkil edib
23 Aprel
Avstriyalı ekspert: Prezident İlham Əliyevlə görüşümüz çox maraqlı və faydalı oldu
23 Aprel
“Laçın” dövlət sərhədindən buraxılış məntəqəsinin qurulmasının ildönümü münasibətilə silsilə tədbirl...
23 Aprel
Ceyms Şarp: COP29-a ev sahibliyi etmək Azərbaycan üçün geniş imkanlar yaradacaq
23 Aprel
Ceyhun Bayramov Çexiyanın “CEVRO” İnstitutunda ölkəmizin xarici siyasət prioritetlərindən danışıb...
23 Aprel
Prezident İlham Əliyevin Norveç Baş nazirinə ünvanladığı COP29-a dəvət məktubu səfirə təqdim edilib...
23 Aprel
Prezident İlham Əliyev Azərbaycanın uğurlarının səbəbini açıqlayıb
23 Aprel
Azərbaycan ilə Qırğızıstan arasında mədəniyyət sahəsində əməkdaşlığın genişləndirilməsi üçün münbit ...
23 Aprel
ABŞ Konqresi üzvlərindən ibarət nümayəndə heyəti ölkəmizdə mövcud mina problemi barədə məlumatlandır...
23 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!