28 Mart 2023 23:04
219
CƏMİYYƏT
A- A+

Xarici jurnalist: Azərbaycanın tolerantlıq modelinin təbliğində maraqlıyıq

 

Martın 28-də Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı beynəlxalq “I24NewsTV”nin jurnalisti, "Bastille" və "Hemicycle" jurnallarının müəllifi Mikel Darmonla görüşüb.

Komitədən AZƏRTAC-a verilən məlumata görə, qonağa ölkəmizdə mövcud olan dini durum, nümunəvi tolerantlıq modeli və DQİDK-nın fəaliyyət istiqamətləri barədə ətraflı məlumat verən qurumun sədri bildirib ki, Azərbaycan demokratik, hüquqi və dünyəvi dövlət, eyni zamanda, bir çox xalqların və dini konfessiyaların dinc, yanaşı yaşadığı ölkədir. Azərbaycanda dini konfessiya nümayəndələrinin hər biri öz maddi və mənəvi mədəniyyətini, dilini, tarixi yaddaşını qoruyub-saxlamaq imkanına malikdir. Dövlət tərəfindən bütün dini qurumlara, o cümlədən qeyri-islam icmalarına mütəmadi maliyyə yardımı ayrılır. Həmçinin görüş zamanı Mübariz Qurbanlı respublikada din və məzhəb ayrı-seçkiliyinə yol verilmədən insanların dini ibadətlərini sərbəst həyata keçirdiklərini, ölkədə məscid, sinaqoq, kilsə və digər ibadət məkanlarının dövlət tərəfindən təmir və bərpa edilərək vətəndaşların ixtiyarına verildiyini xüsusilə vurğulayıb. Diqqətə çatdırıb ki, Azərbaycanda 2253 məscid mövcuddur, 16 kilsə və 7 sinaqoq fəaliyyət göstərir, eləcə də ölkə üzrə 37 qeyri-islam dini icması rəsmi qeydiyyatdan keçib.

Səmimi qəbula görə təşəkkürünü bildirən Mikel Darmon təmsil etdiyi kütləvi informasiya vasitələri haqqında danışıb. Qonaq, eyni zamanda, ölkəmizdəki unikal birgəyaşayış modelinin üstünlüyü barədə fikirlərini bildirərək Azərbaycan həqiqətlərinin dünya ictimaiyyətinə çatdırılması, o cümlədən tolerantlıq modelinin təbliğində maraqlı olduqlarını qeyd edib.

“Me&Me” şirkətinin rəhbəri Regis Lefebrenin də iştirak etdiyi görüşün sonunda qonaqlara DQİDK-nın nəşr etdirdiyi, Azərbaycanda mövcud olan multikulturalizm və tolerantlıq ənənələrindən, eləcə də işğal olunmuş ərazilərimizdə erməni vandalizminə məruz qalan tarixi-dini abidələrdən bəhs edən kitablar təqdim olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video