Hotel 25 oktyabr 2022-ci tarixdən fəaliyyət göstərir. Rəsmi açılış mərasimi 27 yanvar 2023-cü il tarixdə turizm agentlikləri, müxtəlif xarici səfirliklərin nümayəndələri, şirkət rəhbərləri və idman qruplarının iştirakı ilə baş tutub. 
"Wyndham Garden Baku" hoteli ümumi 88 otaq, konfrans, iclas və banket zalları, restoran, SPA və fitnes xidmətlərini qonaqlara təklif edir. Hava limanından və şəhər mərkəzindən cəmi 15 dəqiqə məsafədə yerləşən hotel qonaqların rahatlığını nəzərə alaraq xüsusi transfer xidmətini təklif edir. 100 nəfərə yaxın peşəkar və gülərüz personalımız günün 24 saatı qonaqlara xidmət göstərməkdən məmnundur. 
Hotel ərazisində fəaliyyət göstərən MAGNOLIA restoranı sizə yerli təamlardan tutmuş dünya mətbəxinə qədər müxtəlif ləzzətli yeməklər və yüksəkkeyfiyyətli xidmət təqdim edir.
"Wyndham Garden Baku"nun əsas konsepsiyasının "biznes hotel" olmasına baxmayaraq, burada müxtəlif tədbirlərin, əlamətdar günlərin və şənliklərin keçirilməsinə uyğun şərait yaradılıb.
Hotel ərazisində fəaliyyət göstərən "Olive SPA & Wellness" mərkəzi isə qonaqların asudə vaxtının həm maraqlı, həm də faydalı keçirməsi üçün nəzərdə tutulub. Burada 25 metr uzunluğunda hovuz, ayrıca kardio və fitnes zalları, saunalar,  türk hamamı, çoxsaylı masaj, müalicə xidmətləri təklif olunur. Fitnes sahəsindəki "Vitamin Bar" ilə qonaqlar idmandan sonra bədəni qidalandırmaq üçün təravətləndirici, sağlam içkilər və yeməklərin tam çeşidini dadmaq imkanı əldə edirlər. Hotelin həm yeraltı, həm də açıq sahədə geniş parkinq yerləri var.
Biz hamı üçün hotel səyahətini mümkün edirik. Qonağımız olun və əbədi xatirələr qazanın!