Vyanada ADA Universiteti məzunlarının ikinci forumu keçirilib
Noyabrın 11-də Vyanadakı Azərbaycan Mədəniyyət Mərkəzində ADA Universitetinin məzunlarının ikinci forumu keçirilib.
AZƏRTAC xəbər verir ki, ADA Universiteti və Azərbaycan Mədəniyyət Mərkəzinin birgə təşkilatçılığı, ölkəmizin Avstriyadakı səfirliyi, Azərbaycan Respublikası Gənclər Fondu, Azərbaycan Tələbələr və Məzunlar Platformasının (ASAP) dəstəyi ilə keçirilən tədbirdə ADA Universitetinin Avropanın müxtəlif ölkələrində yaşayan azərbaycanlı və əcnəbi məzunları, diplomatik korpusun nümayəndələri və elmi-akademik dairələrin təmsilçiləri iştirak ediblər. Foruma ADA Universitetinin dünyanın 30-a yaxın ölkəsindən 100-dən artıq məzunu qatılıb.
Azərbaycan Mədəniyyət Mərkəzinin rəhbəri Leyla Qasımova çıxış edərək elmi və mədəni əlaqələrin əhəmiyyətini vurğulayıb, mədəniyyət diplomatiyasının mədəniyyətlərarası dialoq, rəğbət və dözümlülük istiqamətində töhfələrini diqqətə çatdırıb.
Sonra Azərbaycanın Avstriyadakı səfirliyinin müşaviri Azad Aslanov, Gənclər Fondunun Icraçı direktoru Qədir Xəlilov, Prezident Administrasiyasının Gənclər siyasəti və idman məsələləri şöbəsinin əməkdaşı Teymur Süleymanzadə, ASAP-ın Macarıstan üzrə nümayəndəsi Günay Bayramova çıxış ediblər.
Avstriyanın Azərbaycandakı sabiq səfiri Marius Kalliqaris (2006-2009-cu illər) ölkəmizin beynəlxalq diplomatiyada mövqeyinə, şəxsi təcrübəsi və müşahidələri əsasında regionda gedən proseslərə dair fikirlərini bölüşüb, məzunları maraqlandıran sualları cavablandırıb.
ADA Universitetinin icraçı prorektoru Fariz İsmayılzadənin təqdimatında bu ali təhsil ocağının regional və beynəlxalq əməkdaşlıq əlaqələrindən, bu münasibətlərin genişləndirilməsində məzunların rolundan və onların Azərbaycanla digər ölkələr arasında əlaqələrin inkişafına verə biləcəkləri töhfədən bəhs edilib.
Çıxışlardan sonra “ADA Universitetinin gələcək strategiyası və məzunların rolu” mövzusunu qrup müzakirələri keçirilib və əvvəlcədən müəyyən edilmiş mövzular üzrə yaradılan qruplar öz müzakirə nəticələrini təqdim edib, gələcək inkişafla bağlı təkliflərini səsləndiriblər.
Bədii hissədə Avstriyada təhsil alan gənc azərbaycanlı musiqiçilər Tamilla Sadıqbəyli (fortepiano) və Günel Şirinova (soprano) Azərbaycan və dünya bəstəkarlarının əsərlərindən ibarət konsert proqramı ilə çıxış ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Parlament seçkilərinin başlaması ilə əlaqədar Mərkəzi Seçki Komissiyasında mətbuat konfransı keçiril...
01 Sentyabr
Parlamentə növbədənkənar seçkilər Sumqayıtda 6 dairə seçki komissiyası üzrə keçirilir
01 Sentyabr
Laçın sakinləri doğma yurdlarında səs verirlər
01 Sentyabr
Ağsuda səsvermədə şəffaflığı təmin etmək üçün bütün zəruri tədbirlər görülüb
01 Sentyabr
İşğaldan azad olunan Cəbrayıl şəhəri və Soltanlı kəndində səsvermə seçici yüksək fəallığı ilə start ...
01 Sentyabr
Ombudsman: 30 ildən sonra ilk dəfə parlament seçkiləri Azərbaycanın bütün ərazilərində keçirilir...
01 Sentyabr
İlk qızılımız
01 Sentyabr
Zülmətdə parlayan ziya
01 Sentyabr
Azərbaycan teatrları yeni mövsümdə tamaşaçılara nə vəd edir?
01 Sentyabr
Ağalı kəndində seçkilər seçici aktivliyi ilə başlayıb
01 Sentyabr
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!