Vətəndaşların sağlamlığı prioritetdir
Yeni növ koronavirus pandemiyası bəşəriyyəti təhdid etməkdə davam edir. Xeyli vaxtdır əksər ölkələrdə sərt karantin məhdudiyyətləri tətbiq olunsa da, hələ ki bu tədbirlər xəstəliyin qarşısını almaqda təsirli olmayıb. Virus hər gün daha çox insana yoluxmaqda davam edir.
Ümumdünya Səhiyyə Təşkilatının (ÜST) gündəlik hesabatında məlumat verilir ki, dünyada koronavirusa yoluxanların sayı son sutka ərzində 347 mindən çox artıb. Təsdiqlənmiş yoluxma hadisələrinin əksəriyyəti isə ABŞ-da qeydə alınıb. Siyahıda sonrakı yerləri Hindistan, Braziliya, Rusiya, Böyük Britaniya, Fransa, İtaliya, İspaniya, Almaniya, Kolumbiya, Argentina və Meksika bölüşür.
Onu da qeyd edək ki, ÜST-ün ekspertlər qrupu COVID-19 infeksiyasının mənşəyinin tapılması istiqamətində araşdırmalar aparmaq üçün Çinə yollanıb. On nəfərdən ibarət heyətin diqqət mərkəzində epidemiyanın ilk olaraq başladığı Hubey vilayətinin paytaxtı Uhan şəhəridir. Ekspertlər rəylərini öz müşahidələrinə, eləcə də Çin mütəxəssisləri tərəfindən heyvan və insanlardan toplanmış nümunələrə əsasən verəcəklər.
Dünyada sürətlə vaksinasiya prosesi gedir. Amma ÜST ekspertləri hesab edirlər ki, peyvəndləmə işlərinin aparılması ilə əlaqədar nə rahatlaşmaq, nə də təlaşa düşmək olar. Odur ki, məlum olan təhlükəsizlik tədbirlərinə səbrlə və ciddi şəkildə riayət etmək lazımdır. Ətrafdakılardan mümkün qədər uzaq durmaq, otaqları yaxşı havalandırmaq, maska taxmaq, tez-tez əlləri yumaq və öskürərkən dirsəyin iç tərəfi ilə ağzı örtmək vacibdir.
Tezliklə vaksinasiya başlayacaq
Ölkəmizdə də peyvəndləmə prosesinə hazırlıq işləri görülür və ən yaxın vaxtlarda prosesə start veriləcək. Vaksinlərin alınıb gətirilməsi ilə əlaqədar aparılan bütün danışıqlar müsbət nəticələnib və yanvarın axırlarına 4 milyon doza vaksinin respublikamıza gətiriləcəyi gözlənilir. Əhalinin vaksinasiyasının fevraldan gec olmayaraq başlanılacağı nəzərdə tutulub.
Azərbaycanda aparılacaq vaksinasiyanın təşkili və əlavə təsirlərinin idarə edilməsi ilə əlaqədar Tibbi Ərazi Bölmələrini İdarəetmə Birliyi (TƏBİB) tərəfindən təlimlər keçirilir. Ölkəmizdə vaksinasiyanın aparılacağı 150 məntəqədə xəstənin qeydiyyatı, şikayətlərin qəbulu, qızdırmanın ölçülməsi, kompüterdə və jurnalda qeydiyyatın aparılma qaydası barədə məlumat veriləcək.
Bütün dünyada olduğu kimi, Azərbaycanda da ilk növbədə, risk qrupuna daxil olan insanlar peyvənd olunacaq.
Vaksinasiyanın dövlət hesabına və könüllülük prinsipi əsasında aparılması nəzərdə tutulur.
TƏBİB-in Elmi Komitəsinin sədri, Elmi Tədqiqat Profilaktika İnstitutunun direktor müavini, professor Akif Qurbanovun sözlərinə görə, insanların bir qismi xəstələnməklə, bir qismi isə vaksin vasitəsilə koronavirusa qarşı immunitet qazanacaq. O, qeyd etmişdir ki, əgər insanların təqribən üçdəikisi bu xəstəliyə qarşı immunitet qazansa, artıq virus aradan çıxacaq və bizi narahat etməyəcək: “Hesablamalara görə, bu vaxt da təqribən gələn ilin yayında olacaq. Deməli, gələn ilin yayına qədər bu virus bizi narahat edə bilər, amma sonra demirik ki, pandemiya bitəcək. Sonra xəstələnmələr olacaq, amma bizi daha bu qədər narahat etməyəcək. Bu, elmi proqnozlardır”.
Kompleks tədbirlər bəhrəsini verir
Azərbaycanda virusla hərtərəfli mübarizə davam etdirilir. COVID-19 infeksiyasının kütləvi yayılmasının qarşısını almaq, vətəndaşların təhlükəsizliyini təmin etmək məqsədilə lazımi tədbirlər həyata keçirilir.
Ümumiyyətlə, respublikamızda koronavirusun yayıldığı ilk günlərdən vəziyyət nəzarətə götürülmüş, genişmiqyaslı tədbirlər həyata keçirilməyə başlanmışdır. İstər insanların sağlamlığının və təhlükəsizliyinin təmin edilməsi, istərsə də koronavirus xəstələrinin müalicəsi, səhiyyə infrastrukturunun təkmilləşdirilməsi, yeni xəstəxanaların açılması və tibb müəssisələrinin texniki təchizatı baxımından bütün məsələlər uğurla həllini tapmışdır.
Ayrı-ayrı ölkələrin təcrübəsi göstərir ki, xəstəliyin qarşısını almaq üçün hökumətlər sərt məhdudiyyətlər tətbiq etmək məcburiyyətində qalıblar. Bu, iqtisadi duruma, əhalinin maddi vəziyyətinə mənfi təsir göstərsə də, insanların həyatının və təhlükəsizliyinin qorunması üçün vacibdir.
Nazirlər Kabineti yanında Operativ Qərargah tərəfindən virusun yayılmasının qarşısının alınması məqsədilə ölkəmizdə epidemioloji vəziyyətə uyğun sərt karantin rejimi və yumşaldılmalar həyata keçirilmişdir. Bu baxımdan ötən il dekabrın 14-dən bu il yanvarın 18-dək sərtləşdirilmiş karantin tədbirlərinin tətbiqi uyğun görülmüşdür ki, elə bu müddət ərzində koronavirusa yoluxma sayında xeyli azalmalar olmuşdur. Xəstəlikdən sağalanların sayı gündəlik yoluxanların sayını üstələmişdir.
Tətbiq olunan məhdudiyyətlərin iqtisadi fəallığa təsiri nəzərə alınaraq əvvəlki sərtləşdirilmiş karantin rejimi zamanı müəyyən edilmiş ehtiyacı olan təqribən 600 min nəfərə 190 manat birdəfəlik maddi yardımın göstərilməsi qərara alınmışdır. Zərərçəkmiş sahələrdə fəaliyyət göstərən sahibkarlara yardım edilmişdir.
Ümumilikdə götürsək, pandemiyaya qarşı mübarizə, habelə zərərçəkmiş kateqoriyalardan olan vətəndaşlara maliyyə dəstəyi göstərilməsi üçün dövlət büdcəsindən təqribən 2,5 milyard dollar məbləğində vəsait ayrılıb. Maliyyə dəstəyi tədbirləri Azərbaycanın beş milyona yaxın vətəndaşını əhatə edir.
Görülən bütün bu kompleks tədbirlərin nəticəsidir ki, ölkəmizdə pandemiyanın fəsadlarını minimum həddə saxlamaq mümkün olub. Vətəndaşlarının sağlamlığı və təhlükəsizliyini prioriteti hesab edən Azərbaycan dövləti pandemiyaya qarşı bütün mümkün vasitələrdən istifadə edir. Vətəndaşların vəzifəsi isə məsuliyyət göstərərək qoyulan qaydalara ciddi riayət etmək və təhlükəli virusla mübarizəyə öz töhfələrini verməkdir.
Yasəmən MUSAYEVA,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!