ÜST: İqlim dəyişmələri ilə bağlı səbəblər ucbatından hər il 250 min nəfər dünyasını dəyişəcək
Birləşmiş Millətlər Təşkilatının (BMT) iqlim konfransının gündəliyinə səhiyyə məsələləri də salınıb. Tədbir iştirakçıları bəyan ediblər ki, bu mövzunun vaxtı çoxdan çatıb, iqlimə münasibətdə fəaliyyətsizlik isə hər gün insanların həyatına son qoyur və bütün dünyada əhalinin sağlamlığına öz təsirini göstərir.
Planetimizdə ildən-ilə daha yüksək orta temperaturlar qeydə alınır: 2023-cü il bütün müşahidə tarixi ərzində ən isti il olacaq. Bəzi regionlarda meşə yanğınları havanı təhlükəli edib, bəzilərində isə daşqınlar içməli suyun çirklənməsinə gətirib çıxarıb.
İqlim dəyişməsi sağlamlığa mövcud olan təhdidləri genişləndirir və ictimai səhiyyə sahəsində yeni problemlər yaradır.
AZƏRTAC xəbər verir ki, BMT-nin Ümumdünya Səhiyyə Təşkilatının (ÜST) məlumatına görə, yaxın onilliklərdə iqlim dəyişmələri ilə bağlı səbəblər ucbatından hər il 250 min nəfər dünyasını dəyişəcək.
ÜST-nin Baş direktoru Tedros Adhanom Qebreyesus COP28-ə toplanan nümayəndələrə bəyan edib ki, iqlim sarsıntılarının insan sağlamlığına birbaşa təsiri məsələsini əhatə etmək üçün ətraf mühitin gigiyenası, dəniz səviyyəsinin yüksəlməsi və buzlaqların əriməsi barədə diskussiyaları genişləndirməyin vaxtı çoxdan çatıb.
BMT-nin iqlim konfransının keçirildiyi tarix ərzində ilk dəfə olaraq təşkil edilən “Sağlamlıq günü” bir neçə mövzuya, o cümlədən iqlim dəyişmələri və səhiyyə sahəsində hökumətlər və özəl sektor arasında əməkdaşlığa həsr edilmişdi.
Söhbət tərəflərin öz üzərlərinə müvafiq maliyyə və siyasi öhdəlikləri götürəcəklərindən gedir.
Forumda səhiyyə, ətraf mühit və maliyyə nazirləri, eləcə də tanınmış xeyriyyəçi Bill Qeyts və ABŞ-ın iqlim üzrə elçisi Con Kerri çıxış ediblər. “İqlim böhranının sağlamlıq sahəsində də böhran yaratmasına baxmayaraq, bundan əvvəlki 27 konfransda səhiyyə məsələləri müzakirə olunmayıb”, - deyə Tedros Qebreyesus vurğulayıb. O qeyd edib ki, ÜST iqlim dəyişmələri sahəsində tədbirlər üzrə ümumdünya sammitinin gedişatında liderlər tərəfindən bəyənilən, insanların artan iqlim təsirlərindən müdafiəsi üzrə tədbirlərin sürətləndirilməsi barədə yeni bəyannaməni alqışlayır.
ÜST-nin məlumatına görə, artıq 3 milyarddan çox adam iqlim dəyişmələrinə əhəmiyyətli dərəcədə məruz qalan rayonlarda yaşayır. 2030-2050-ci illər ərzində iqlim dəyişmələrinin təkcə doyunca qidalanmamaq, malyariya, diareya və günvurma səbəblərindən əlavə hər il on minlərlə ölüm halına gətirib çıxaracağı gözlənilir.
Bu fəsadlar bütün dünyada sağlamlıq və gündəlik həyatda hiss olunur, əsas zərbə isə əksər hallarda yerli xalqların icmalarının payına düşür.
ÜST-nin başçısı nazirlər səviyyəsində iclasda çıxışında səhiyyə və iqlim sahəsində böhrana cavab olaraq effektli tədbirlərin işlənib hazırlanması üçün həlledici əhəmiyyət kəsb edən bir neçə elementi ayırıb. O qeyd edib ki, liderlər iqlim siyasətinin işlənib hazırlanmasında səhiyyə məsələlərini nəzərə almağın çox mühüm olmasını başa düşməlidir.
ÜST-nin Baş direktoru ayrı-ayrı icmalarla, o cümlədən iqlim dəyişmələri ilə mübarizədə əksər hallarda ön sırada olan əhalinin həssas qrupları ilə qarşılıqlı fəaliyyətin zəruriliyinə xüsusi diqqət çəkib.
Doktor Tedros səhiyyə sahəsindəki hədəflərə daha çox vəsaitin ayrılmasına çağıraraq, bu sahədə ölkələr arasında əməkdaşlığın vacibliyini qeyd edib. “İrəliyə yol aşkardır: biz velosiped kəşf etməli deyilik”, - deyə o vurğulayıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Sorğu: Almaniyalıların 73 faizi hökumətin işindən narazıdır
27 Iyul
“Paris-2024”: Azərbaycan avarçəkəni 1/4 finala vəsiqə qazanıb
27 Iyul
“SpaceX” orbitə daha 23 internet peyki çıxarıb
27 Iyul
Gənc əsgərlərin hazırlığı daim diqqət mərkəzindədir
27 Iyul
Dünya səyyahları Füzulidə minaların zərərsizləşdirilməsini izləyiblər
27 Iyul
Paris-2024: Azərbaycan cüdoçusu mübarizəni dayandırıb
27 Iyul
Sabahın hava proqnozu
27 Iyul
Türkiyə nəşri: Azərbaycan musiqi festivalı ilə dünyanı heyran edir
27 Iyul
İqtisadiyyat naziri Yevlax Pilot Aqroparkındakı müəssisələrin fəaliyyəti ilə tanış olub
27 Iyul
Faktiki hava: Bəzi çaylardan sel keçib
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!