Ulduzlu gecələrin rəngli nağılları
Tanınmış xalçaçı-rəssam Ulduz Səmədova Ümumdünya Əqli Mülkiyyət Təşkilatının “Qızıl medal”ına layiq görülüb
Nağılabənzər həyatı, qabiliyyəti, istedadı haqqında çoxdan yazmalı olduğum, musiqinin, xüsusən də aşıq sənətinin bilicisi, bir vaxtlar Kəlbəcərdə mahir qarmon ifaçısı kimi tanınan Ulduz Səmədova ilə illərdən sonrakı görüşümüzü o, ziyarət kimi dəyərləndirdi. 1993-cü ildən sığındığı, daha doğrusu, müvəqqəti məskunlaşdığı ünvan paytaxt Bakının Binəqədi rayonu ərazisində fəaliyyət göstərən Əmək və Əhalinin Sosial Müdafiəsi Nazirliyinin Respublika Əlillərin Bərpa Mərkəzinin yataqxanasıdır.
Ulduz Səmədova Azərbaycanın dilbər guşələrindən biri olan, 27 il Ermənistanın təcavüzkar siyasətlə işğalda saxladığı Kəlbəcər rayonunun Qamışlı kəndində, ustad ozan, aşıq Gərayın ailəsində dünyaya göz açıb. Demək olar ki, bu ailə bütövlükdə istedadlıları ilə hələ Kəlbəcərdə ikən tanınırdı. Atası, Dədə Şəmşirin şəyirdlərindən olan, bir neçə məşhur aşıq havalarının müəllifi Gəray Səmədov o zamanlar Moskvada keçirilən ittifaq miqyaslı Azərbaycan Aşıqlarının III Qurultayının iştirakçısı idi...
Ulduz Səmədova Bakı Mədəni-Maarif Texnikumunu (hazırkı Bakı Humanitar Kolleci) bitirdikdən sonra M.A.Əliyev adına Azərbaycan Dövlət Mədəniyyət və İncəsənət Universitetini 3-cü kursa kimi oxuyub. Sonralar Azərbaycan Dövlət Neft Akademiyasını da bitirib.
...Tale yollarına yazılandan qaçmaq mümkün olmur. Ulduz xanımın da ömrünə, taleyinə yazılanlar ürəkaçan olmayıb. Gəncliyinin odlu-alovlu illərində ermənilərin məkrli planları nəticəsində şikəstlik qazanan Ulduz Səmədova ömürlük əlil arabasına möhtac olub: I qrup əlildir. Hərəkətində yaranan məhdudiyyətlər onu həmyaşıdlarından aralı, səhnədən, konsert salonlarından uzaq salıb. Lakin həmişə pozitivliyi ilə çoxlarına nümunə olan Ulduzun həyata baxışları dəyişib. O, ömür-gününü, sevgi-məhəbbətini qədim el sənəti olan xalçaçılığa həsr edib. İndi əlil arabası ona anası, bacıları qədər doğmadır: hərəkətə gətirir, həyatını davam etdirir. Bir vaxtlar şirmayı dilli qarmonda muğam-segah, xalq və bəstəkar mahnılarını, milli rəqslərimizi peşəkar səviyyədə ifa edən Ulduz Səmədova indi mehrini xalçaya salıb.
1995-ci ildən xalı-xalça toxumaqla məşğul olan Ulduzda rəssamlıq qabiliyyəti də özünü göstərib. Tanınmış xalça ustası, Xalq rəssamı Kamil Əliyevdən bu ecazkar sənətin sirlərini öyrənən Ulduz xanımın əl işləri müxtəlif sərgilərdə uğurla nümayiş etdirilib. Toxuduğu xalçalarda milli ruhu qoruyaraq, incə ornamentlərdən, zərif və nəfis naxışlardan istifadə edərək, Azərbaycan xalqının qədim mədəniyyətini və incəsənətini ilmələrində qoruyab saxlayan sənət əsərləri yaradır. O, hərəkət məhdudiyyətli olmasına baxmayaraq, bir çox uğurlara imza atıb: 2007-ci ildə Heydər Əliyev Fondunun təqdimatı ilə Ümumdünya Əqli Mülkiyyət Təşkilatı tərəfindən yüksək naliliyyətlərinə görə “Qızıl medal”la təltif edilib. 2015-ci ildə Əmək və Əhalinin Sosial Müdafiəsi Nazirliyinin keçirdiyi IX Ümumrespublika Yaradıcılıq Müsabiqəsində iştirak edən Ulduz xanım xalça sənəti nümunəsi üzrə birinci yerin sahibi olaraq mükafat və diploma layiq görülüb.
Burada yazıya nöqtə qoymağı da özü xahiş edib. Deyir ki, bundan sonra yaz ki, cənab Ali Baş Komandana həyatımızı borcluyuq, çünki Qarabağ dərdi kimi bir yaranı sinəmizdən sağaltdı, məlhəm etdi! Düşmənin layiq olduğu cavabı “dəmir yumruq”la verdi. O yumruqda xalq-hakimiyyət-ordu üçlüyünün biləkləri qovuşmuşdu: “...Qarabağımızı, o cümlədən Şuşamızı, eləcə də doğulduğum Kəlbəcərimizi düşmən tapdağından xilas edən Ali Baş Komandanımıza həm də ona görə minnətdaram ki, Zəfərlərə layiq olan xalqımızı bir amal uğrunda mübarizəyə hazırladı. Kəlbəcərə dönüşümüzə az qalıb. Bu gün yalnız Kəlbəcər təbiətini deyil, ilk növbədə qalibiyyət bayrağımızı ucaldan Prezidentimizin və hər addımda onunla yanaşı addımlayan, xalqımızın mehriban qızı - Birinci vitse-prezident Mehriban xanım Əliyevanın portretlərini xalçaya toxuyandan duyurdum ki, biz doğma torpaqlarımıza qayıdacağıq. Qayıdışımıza görə mən də Zəfər yazanlara təşəkkür edir, öz sənətimlə bunu tarixləşdirirəm...”
Məhəmməd NƏRİMANOĞLU,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Heydər Əliyev Fondunun təşəbbüsü ilə təşkil olunan “Bakı marafonu 2024” start götürüb ...
05 May
Mayın 5-i Həkim-Mama Günüdür
05 May
Türkiyə siyasətçisi Dövlət Baxçalı Əhməd Cavad Şərəf Medalı ilə təltif edilib
05 May
İlk fərdiləşdirilmiş dəri xərçəngi peyvəndi sınaqdan keçirilir
05 May
Samir Şərifov: Azərbaycan Orta Dəhlizin ən vacib iştirakçılarından biridir
05 May
Hayastanda etirazlar səngimir
05 May
"Xalq Bank"ın "Xalq Əmanəti" layihəsinin 24-cü nəşri Cahid Camala həsr olunub
05 May
QƏZƏLLƏR
05 May
"Şərq şairlərinin günəşi"
05 May
Anamın gözünün nuru, əlinin sığalı hopmuş xalça
05 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!