30 May 2023 22:27
437
DÜNYA
A- A+

Türkiyə və Misir prezidentləri səfirlərin mübadiləsi barədə tapşırıq veriblər

 

Türkiyə Prezidenti Rəcəb Tayyib Ərdoğan və Misir Prezidenti Əbdülfəttah əs-Sisi iki ölkə arasında səfirlərin təxirə salınmadan mübadiləsi barədə xarici siyasət idarələrinə müvafiq tapşırıqlar veriblər.

AZƏRTAC “Əl Əhram” qəzetinə istinadla xəbər verir ki, bu barədə jurnalistlərə Misir Prezidentinin mətbuat xidmətindən məlumat verilib.

Məlumatda qeyd olunub ki, Misir Prezidenti türkiyəli həmkarını seçkilərdə qələbə qazanması münasibətilə təbrik edib və iki ölkə arasında əlaqələrin sürətli inkişafı üçün yaxşı imkan yarandığını bildirib. Telefon danışığı əsnasında dövlət başçıları Misir və Türkiyə arasında əlaqələrin qədim tarixə malik olduğunu, əməkdaşlığın güclənməsinin hər iki ölkənin xalqlarının maraqlarına cavab verdiyini vurğulayıblar. Bu ilin əvvəlindən bəri Qahirə və Ankara 2013-cü ildə ölkələr arasında pozulmuş diplomatik münasibətlərin bərpa olunması istiqamətində mühüm addımlar atıb və apreldə xarici siyasət idarələrinin rəhbərləri Sami Şükri və Mövlud Çavuşoğlunun apardıqları danışıqlar çox məhsuldar olub. Misirin xarici işlər naziri jurnalistlərə bildirib ki, Qahirə və Ankara diplomatik münasibətlərin bərpasına tam hazırdır.

Sonda qeyd edilib ki, səfirlərin mübadiləsi üzrə işlər başa çatıb və yekun tarix yaxın günlərdə açıqlanacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video