Şuşada bayram namazı qılınıb
İşğaldan azad olunmuş Şuşa şəhərində 29 ildən sonra mayın 13-də ilk dəfə Ramazan bayramı namazı qılınıb.
AZƏRTAC xəbər verir ki, bayram namazı Yuxarı Gövhərağa məscidində Qafqaz Müsəlmanları İdarəsi sədrinin səlahiyyətli nümayəndəsi, din xadimi Hacı Şahin Həsənlinin imamətliyi ilə qılınıb.
Bayram namazından sonra xütbə söyləyən və dualar oxuyan Hacı Şahin Həsənli çıxış edərək deyib ki, bütün xalqımızın Ramazan bayramı mübarək olsun. Ramazan bayramı İslam dinində ən önəmli əlamətdar günlərdən biridir. Amma bu gün bizim üçün xüsusilə əlamətdar bir gündür. Bu gün bayram bayrama qarışıb. Çünki biz müqəddəs torpağımız olan Şuşamızda bayram namazı qıldıq. Bu, böyük bir tarixi hadisədir. Həqiqətən də uzun illər boyu bu günləri arzulamışıq, bu günlərin həsrəti ilə yaşamışıq. Bu gün biz Müzəffər Ali Baş Komandan, Prezident İlham Əliyevin qələbə sevinci ilə söylədiyi “Əziz Şuşa, sən azadsan! Əziz Şuşa, biz qayıtmışıq!” müraciətini xatırlayırıq. Biz də bu gün Şuşanın Yuxarı Gövhərağa məscidində iftixar hissi ilə deyirik əziz Şuşa gözün aydın olsun, artıq məscidlərindən azan səsləri ucalır. Artıq məscidlərində bayram namazı qılınır.
Ramazan ayında tutulan orucların, qılınan namazların fəzilətlərindən danışan Hacı Şahin Həsənli bildirib ki, ikili standartlarla idarə olunan dünyaya bugünkü Şuşa məscidindəki bayram namazı mühüm bir mesajdir. Azərbaycan xalqı torpaqlarını işğaldan azad etdikdən sonra orada azan səsləndirir, dualar edir. Azərbaycan xalqı öz ərazisində yaşayan bütün din təmsilçiləri ilə mehriban münasibətlərdə olan bir xalqdır. Azərbaycan elə bir dövlətdir ki, onun tarixində heç zaman din və məzhəb zəminində heç bir münaqişə olmayıb. Azərbaycanda bu gün müxtəlif din təmsilçiləri dinc yanaşı yaşayırlar. Hətta Avropadan Azərbaycana qonaqlar gəldikdə, bizə heyrətlə bildirirlər ki, sizdəki münasibətlər tolerantlıqdan da üstün münasibətlərdir. Çünki tolerantlıq dözümlülükdürsə, sizdə münasibətlər sevgi və qardaşlıq müstəvisindədir. Həqiqətən bu, xalqımızın mühüm bir dəyəridir.
Bu yaxınlarda işğaldan azad olunmuş torpaqları dini konfessiyaların rəhbərləri ilə birgə biz ziyarət edərkən xristian dininə mənsub olan xadimlər də bu vəhşiliyin qarşısında öz nifrətlərini ifadə edirdilər. Onlar deyirdilər ki, heç bir dində insanları zorakılığa dəvət etmək yoxdur. Amma müharibə zamanı erməni keşişləri insanları təcavüzə dəvət edirdilər. Azərbaycanda yaşayan pravoslav din xadimi qeyd edirdi ki, müharibənin çətinlikləri bizi öz mənəviyyatımızdan uzaqlaşdıra bilmədi. Biz hara getdiksə, xeyir-dualarla getdik. Biz mənəvi prinsipləri tapdalamadıq. Biz təkcə torpaqlarımızı azad etmədik, həm də bu dəyər savaşında mənəviyyat nöqteyi-nəzərdən düşməni üstələdik, ona qalib gəldik. Biz üstün və mədəni xalq olduğumuzu dünyaya göstərdik.
Vətən müharibəsində Azərbaycan Ordusunun tarixi Qələbə qazandığını xüsusi vurğulayan Hacı Şahin Həsənli qeyd edib ki, bu Zəfəri əldə etmək üçün Azərbaycan xalqı dövlətimizin başçısı, Müzəffər Ali Baş Komandan İlham Əliyevin ətrafında sıx birləşdi. Bu birlik – xalq-ordu-dövlət vəhdəti şanlı Qələbəmizin əsas amillərindən biri oldu. Azərbaycan xalqı bu Qələbəyə layiqdir. Azərbaycan xalqı işğaldan azad etdiyi bütün şəhər və kəndlərdəki məscidləri, digər dinlərə məxsus olan abidələri, məbədləri bərpa edəcək. Çünki bu, Azərbaycan xalqının milli, dini, mənəvi dəyəridir. Zəfərimizin əbədi olmasında Allah dövlətimizə, xalqımıza yardımçı olsun.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!