Salyanda pambıq yığımı uğurla davam edir
Salyanda pambıq tarlalarında məhsul yığımı davam edir. “Ağ qızıl” ustaları məhsulu optimal müddətdə və itkisiz yığmağı qarşılarına məqsəd qoyublar.
AZƏRTAC xəbər verir ki, dövlətin pambıqçılığa dəstəyi salyanlı fermerləri təsərrüfatın bu növünə marağını daha da artırıb. Nəticədə bu gün rayon ərazisindəki tarlalarda bol məhsul var. İki aydan artıqdır ki, Salyanda pambıq yığımı davam edir.
Rayonun Ərəbqardaşbəyli kənd sakini, pambıq ustası İbadət Cəfərov ötən il 60 hektar pambıq əkərək, 40 sentnerə yaxın məhsul götürüb. Qabaqcıl fermer sahələrdə kombaynlardan başqa əl əməyinə də üstünlük verir. “Bu, rayon sakinlərinin sosial rifahına müsbət təsir göstərir, işsizliyi aradan qaldırır. Fermerlərin çoxu isə maşınla yığıma üstünlük verir. Çünki maşınla pambıq yığımı daha ucuz başa gəlir. Lakin əl ilə yığılan pambığın lifi daha keyfiyyətli olur və baha satılır”, - deyə fermer bildirib.
Fermerin sözlərinə görə, vaxtından əvvəl pambıq yığımı aparmaq məhsuldarlığı aşağı salır. Buna görə yığım zamanı tələsməmək lazımdır.
Qızılağac kənd sakini Elgün Qabiloğlu da uzun zamandır pambıq əkini ilə məşğuldur. Dövlət dəstəyindən yararlanan fermer bu il pambıq sahələrini bir az da genişləndirib. “Ağ qızıl” ustası pambığın əsasən türk sortlarının əkilməsinə üstünlük verir: “Keçən il 30 hektar pambıq sahəsi becərmişdim. Bu il pambıq sahəsini 35 hektara çatdırmışam. Şükür Allaha, 35-45 sentner məhsul götürürük. Hər il “Bəyaz Altun” sortu əkirəm. Çox gözəl pambıq sortudur. Həm məhsuldarlığı yüksəkdir, həm də iqlimə uyğundur”.
Fermer Qurban İmanov isə pambıq sahəsində artıq ikinci yığım prosesini yekunlaşdırmaq üzrədir. O, yığım prosesini kombaynlar vasitəsilə aparır. Fermer yığımı tez və itkisiz yığılması üçün var gücü ilə çalışır. “1 hektar 80 sot pambıq sahəsi əkmişəm. Hər hektardan 50 sentner pambıq götürmüşəm. Bu il sahəni artıraraq 2 hektar 80 sota çatdırmışam. Hər hektardan 55 sentner məhsul gözləyirəm”.
Qeyd edək ki, bu il Salyan rayonunda 6135 hektar sahədə pambıq əkini aparılıb. Məhsulu yığılması üçün sahələrə 28 kombayn cəlb olunub. Artıq 18 min 604 ton məhsul yığılaraq tədarük məntəqələrinə təhvil verilib. Rayonda yığım prosesi davam edir. Onu da bildirək ki, Salyanda 4 pambıq şirkəti ilə müqavilə bağlayan 1165 istehsalçı bu il əsasən pambığın “Ağ qızıl”, “Gəncə 108”, “Gəncə 110”, “Lodus”, “Bəyaz Altun” sortlarını əkib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
Səhiyyə Nazirliyinin rəhbərliyi görkəmli oftalmoloq-alim, akademik Zərifə Əliyevanın xatirəsini ehti...
28 Aprel
Laçın və İrpen şəhərləri qardaşlaşacaq
28 Aprel
Kambocada bomba partlayışı nəticəsində 20 hərbçi ölüb
28 Aprel
Zəngilanda silah-sursat aşkar edilib
28 Aprel
Azərbaycan Ordusunda hərbiləşdirilmiş kross birinciliyi keçirilib
28 Aprel
“Titanik”in sərnişininin saatı rekord qiymətə satılıb
28 Aprel
Ağdam rayonu ərazisində mina hadisəsi baş verib
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!