11 Dekabr 2023 23:27
276
DÜNYA
A- A+

Polşada hökumət dəyişikliyi baş verib

 

Polşa Seyminin dekabrın 11-də keçirilən iclasında hakimiyyətdə yeni siyasi kurs müəyyən edilib.

AZƏRTAC xəbər verir ki, parlamentdə hökumət rəhbəri Mateuş Moravietskiyə etimadsızlıq göstərilib, onun hökumət başçısı vəzifəsində qalmasının lehinə 190, əleyhinə isə 266 parlamentari səs verib. Bununla da mütləq səs çoxluğu üçün lazım olan 229 səsi ala bilməyən M.Moravietskinin səkkiz illik hakimiyyəti başa çatıb.

Bunun ardınca isə iclasda iştirak edən 449 parlament üzvündən 248-i müxalifət lideri, 2007-2014-cü illərdə baş nazir olmuş Donald Tuskun lehinə səs veriblər. Bununla da ölkənin siyasi kursunda dəyişikliyin əsası qoyulub, mühafizəkarların ardınca D.Tuskun rəhbərlik etdiyi Vətəndaş Koalisiyası hakimiyyətə gəlir.

Qeyd edilməlidir ki, oktyabrın 15-də keçirilən parlament seçkilərində M.Moravietskinin rəhbərlik etdiyi Qanun və Ədalət (PiS) Partiyası parlamentdə 194 yer qazansa da, hökuməti qura bilmək üçün mütləq səs çoxluğuna nail ola bilmədi. D.Tuskun rəhbərlik etdiyi müxalifət koalisiyasi ümumilikdə 248 yerlə 460 nəfərlik parlamentdə mütləq səs çoxluğuna sahib olsa da, dövlət başçısı Andrjey Duda yeni hökumət qurmaq üçün M.Moravietskiyə mandat verdi. Noyabrın sonunda yeni hökumətin andiçmə mərasimi keçirildi və qanunvericiliyə əsasən, andiçmədən sonrakı 14 gün ərzində yeni hökumət başçısı parlamentdə etimad votumundan keçməlidir. Gözlənildiyi kimi, koalisiyalı müxalifətin əksəriyyət təşkil etdiyi Seym M.Moravietskiyə etimad göstərmədi və bundan sonra parlamentdə əksəriyyəti təşkil edən siyasi qüvvə özü hökuməti təşkil edər.

Donald Tusk 2007-2014-cü illərdə Polşada hökumət rəhbəri, 2014-2019-cu illərdə Aİ Şurasının Prezidenti və onun ardınca isə Avropa Xalq Partiyasının (2019-2022) sədri vəzifələrində çalışıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video