Parlamentin İctimai birliklər və dini qurumlar komitəsinin payız sessiyası üçün iş planı təsdiqlənib
Sentyabrın 21-də Milli Məclisin İctimai birliklər və dini qurumlar komitəsinin payız sessiyasında ilk iclası keçirilib.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, Milli Məclis sədrinin müavini, İctimai birliklər və dini qurumlar komitəsinin sədri Fəzail İbrahimli əvvəlcə cari ilin yaz və növbədənkənar sessiyaları dövründə bu komitədə görülmüş işlər barədə hesabatı təqdim edib. Bildirib ki, hesabat dövründə İctimai birliklər və dini qurumlar komitəsinin 5 iclası keçirilib, 12 məsələyə baxılıb. Komitədə müzakirə olunan qanun layihələri parlamentin plenar iclaslarına tövsiyə olunub və Milli Məclisdə qəbul edilib.
Yaz və növbədənkənar sessiyalarda komitədə müzakirə olunan qanun layihələrindən biri də “Dini etiqad azadlığı haqqında” qanunda dəyişiklik edilməsi barədə” məsələ olub. Dövlətin, vətəndaşların və dini qurumların bu sahədə hüquq, vəzifə və məsuliyyətini müəyyənləşdirən həmin qanun layihəsi videokonfrans formatında Hüquq siyasəti və dövlət quruculuğu komitəsi ilə birgə, Qafqaz Müsəlmanları İdarəsinin nümayəndələrinin iştirakı ilə üç oxunuşda geniş müzakirədən keçib və parlamentdə qəbul olunub. Qanuna edilən dəyişikliklər dini etiqad azadlığının həyata keçirilməsi üçün daha münbit şərait yaratmaq, qanunun tələblərinə riayət olunmasına nəzarəti səmərəli təşkil etmək, dini etiqad sahəsində maarifləndirmə işi aparmaq, müxtəlif dini etiqadların dini qurumları arasında qarşılıqlı anlaşma və dözümlülük mühitinin möhkəmlənməsinə kömək etmək məqsədi daşıyıb.
İclasda vitse-spiker nəzərə çatdırıb ki, 2021-ci ilin yaz və növbədənkənar sessiyaları dövründə vətəndaşlardan, idarə və təşkilatlardan daxil olan 152 ərizə və məktuba, müxtəlif xarakterli digər sənədlərə, elektron poçt vasitəsilə gələn müraciətlərə komitədə baxılıb və tədbir görülməsi üçün aidiyyəti təşkilatlara göndərilib. Ərizələrin əksəriyyəti ilə bağlı müvafiq icra strukturları və təşkilatlarla telefon əlaqəsi saxlanılıb, bir sıra məsələlərin həllinə nail olunub. Vətəndaşların fərdi qəbuluna da komitədə xüsusi diqqət ayrılıb, onların şifahi müraciətləri mütəmadi olaraq dinlənilib, lazımi izahatlar verilib, müvafiq tədbirlər görülüb.
Komitə sədrinin məlumatı dinlənildikdən sonra iclasda hesabatla bağlı fikir mübadiləsi aparılıb və hesabat məqbul sayılıb.
Sonra İctimai birliklər və dini qurumlar komitəsinin 2021-ci ilin payız sessiyası üçün nəzərdə tutulmuş iş planı müzakirə olunaraq təsdiqlənib.
Cari məsələlərin müzakirəsində deputatların təklifləri dinlənilib.
İclasda aparılan müzakirələr zamanı altıncı çağırış Azərbaycan parlamentinin öz işini yeni reallığa uyğun qurduğu qeyd olunub, ölkəmiz üçün ictimai-siyasi əhəmiyyət daşıyan məsələlərə də toxunulub. Milli Məclis sədrinin müavini, komitənin sədri Fəzail İbrahimli, komitə sədrinin müavini Sahib Alıyev, deputatlar Cavanşir Paşazadə, Azər Badamov, Ceyhun Məmmədov 44 günlük Vətən müharibəsində 30 illik işğala son qoyan Qələbənin ildönümü ərəfəsində olduğumuzu vurğulayaraq Ali Baş Komandan İlham Əliyevin rəhbərliyi altında Azərbaycan Ordusunun qazandığı bu möhtəşəm Qələbənin geniş miqyasda təbliğ olunması zərurətindən danışıblar.
İclasda komitə üzvləri Sevinc Fətəliyeva və Anar İsgəndərov, Milli Məclis Aparatının Dövlət quruculuğu, inzibati və hərbi qanunvericilik şöbəsinin müdiri Hacı Mirhəşim Seyid iştirak ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Heydər Əliyev Fondunun təşəbbüsü ilə təşkil olunan “Bakı marafonu 2024” start götürüb ...
05 May
Mayın 5-i Həkim-Mama Günüdür
05 May
Türkiyə siyasətçisi Dövlət Baxçalı Əhməd Cavad Şərəf Medalı ilə təltif edilib
05 May
İlk fərdiləşdirilmiş dəri xərçəngi peyvəndi sınaqdan keçirilir
05 May
Samir Şərifov: Azərbaycan Orta Dəhlizin ən vacib iştirakçılarından biridir
05 May
Hayastanda etirazlar səngimir
05 May
"Xalq Bank"ın "Xalq Əmanəti" layihəsinin 24-cü nəşri Cahid Camala həsr olunub
05 May
QƏZƏLLƏR
05 May
"Şərq şairlərinin günəşi"
05 May
Anamın gözünün nuru, əlinin sığalı hopmuş xalça
05 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!