Nur şəhərində bayram sevinci yaşanır
Mingəçevir bayrama hazırlaşır. Şəhər sakinləri bu bayram ovqatı ilə Səməd Vurğun adına meydana toplaşmışdılar. Meydan isə səliqə-sahmanlı idi.
Bu da bayram şənliyi. Kəndirbazların, pəhlivanların, idmançıların təqdim etdikləri müxtəlif oyunlar, Keçəlin, Kosanın məzhəkələri, Dədə Qorqudun tövsiyələri, Bahar qızın xoş arzuları toplaşanların alqılşları ilə qarşılanırdı. Mingəçevir Dövlət Dram Teatrının aktyorlarının çıxışları, şəhər Uşaq Gənclər İnkişaf Mərkəzinin şagirdlərinin təqdim etdiyi rəqs və mahnılar, musiqiçilərin ifaları, şənliyə gələn uşaqların rəqsləri də şəhər sakinlərində xoş ovqat yaradırdı.
Mingəçevir Şəhər İcra Hakimiyyətinin başçısı İlham İsmayılov çıxış edərək mingəçevirlilərə bayram təbriklərini çatdırdı. Qeyd etdi ki, yurdumuza təmizlik, saflıq, gözəllik rəmzi olan bahar bayramı qədəm qoyur: "Bu bayram münasibətilə bütün mingəçevirliləri, şəhərimizin qonaqlarını və müvəqqəti məskunlaşan məcburi köçkün bacı və qardaşlarımızı səmimi-qəlbdən təbrik edir, hamıya möhkəm cansağlığı, uzun ömür, xoş bahar ovqatı arzulayıram".
Məlumdur ki, sovet imperiyası dövründə Novruz bayramının qeyd olunmasına icazə verilmirdi. Yalnız ölkəmiz müstəqilliyini bərpa etdikdən sonra milli adət-ənənələrimiz dirçəldilməyə, Novruz bayramı dövlət səviyyəsində qeyd edilməyə başlandı. Prezident İlham Əliyev də qədim və zəngin milli adət-ənənələrimizin qorunub saxlanılması və inkişaf etdirilməsini daim diqqətdə saxlayır. Birinci vitse-prezident, Heydər Əliyev Fondunun prezidenti Mehriban xanım Əliyevanın bu istiqamətdə apardığı işlər nəticəsində isə Novruz bayramı 2009-cu ildə UNESCO tərəfindən qeyri-maddi mədəni irs siyahısına daxil edilmiş, 2010-cu ildən BMT Baş Assambleyasının qərarına əsasən, mart ayının 21-i "Beynəlxalq Novruz günü" elan edilmişdir.
44 günlük Vətən savaşında Müzəffər Ali Baş Komandan İlham Əliyevin rəhbərliyi altında ordumuz 30 ilə yaxın bir dövrdə işğal altında olmuş torpaqlarımızı azad etmiş, ərazi bütövlüyümüz bərpa olunmuşdur. Bu gün Qarabağ və Şərqi Zəngəzurda abadlıq-quruculuq işləri aparılır. Yaxın vaxtlarda həmin ərazilərdə həyat bərpa olunacaq, soydaşlarımız kütləvi şəkildə yurd-yuvalarına qayıdıb Novruzu dədə-baba ocaqlarında qeyd edəcəklər.
Bütün bu uğurların fonunda Mingəçevir də inkişaf edir. Son illər şəhərdə abadlıq-quruculuq işləri sürətlənmiş, küçə və prospektlərdə, məhəllədaxili ərazilərdə abadlıq işləri genişləndirilmişdir. Baharın gəlişi isə Mingəçeviri daha abad, səliqəli və gül-çiçəkli etmişdir. Küçə və meydanlar öz libasını dəyişmiş, yüksəkmərtəbəli binalar müasir görkəm almışdır. Bu işlərdə şəhər sakinləri də yaxından iştirak etmişlər və bu, mingəçevirlilərin Novruz bayramına ən gözəl töhfəsi olmuşdur.
Lazım QULİYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Turizmin əhəmiyyəti
27 Iyul
Qəbələdə turizm infrastrukturu genişlənir
27 Iyul
Azərbaycan qazının Türkiyəyə tədarükü avqust ayında müvəqqəti dayandırılacaq
27 Iyul
Səfir: Azərbaycanla Niderland su problemlərinin idarə edilməsi mövzusunda bənzər sistemlərə malikdir...
27 Iyul
BMT nümayəndəsi: Azərbaycan beynəlxalq səviyyədə Vahid Sağlamlıq yanaşmasının tətbiqi sahəsində gücl...
27 Iyul
Sülh sazişini imzalamağın vaxtı çatıb
27 Iyul
Azərbaycan Respublikası Maliyyə Monitorinqi Xidmətinin informasiya sisteminə inteqrasiya edilən info...
27 Iyul
Bərpaolunan enerji mənbələrindən istifadə sahəsində layihələrin həyata keçirilməsinə dair Komissiyan...
27 Iyul
Ertuğruloğlu: Azərbaycan, Türkiyə və ŞKTC bir-birilərini dəstəkləməli, ümumi maraqları müdafiə etməl...
27 Iyul
"Azərbaycan Respublikası Hökuməti il ə Türkiyə Respublikası Hökuməti arasında miqrasiya sahəsində əm...
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
Uzaqgörənlik24 Iyul 2024
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
Avropanın Azərbaycana ehtiyacı artır20 Iyul 2024
Bütün yollar Qarabağa aparır18 Iyul 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!