Neftçi dənizdə xəstələnərsə...
Neft Daşlarında estakadalar boyu irəliləyərək insanları iş başına aparan, yaxud müxtəlif sahələrə mal, material, avadanlıq, ərzaq daşıyan maşınlara rast gəlmək adi haldır. Dənizin qoynunda "Ambulans” görmək isə bir qədər təəccüblüdür. Lakin bu, ilk baxışda belədir.
Əslində isə neftçinin işi, peşəsi, zəhmətinin bəhrəsi nə qədər gərəklidirsə, onun sağlamlığı, təhlükəsizliyi, ekstremal şəraitdə keçən əmək növbələrindən sonra ev-eşiyinə sağ-salamat qayıtması bundan vacib və önəmlidir.
Neftçinin sağlamlığının qorunması ona göstərilən və son illərdə daha da artan qayğının ayrılmaz hissəsini təşkil edir. "Premium Medikal” MMC-nin Neft Daşlarındakı TSH (Tibb-Sanitar Hissəsi) də məhz bu məqsədlə fəaliyyət göstərir.
Müsahibimiz olan həkim-nevropatoloq Zəlimxan Məmmədov bildirir ki, TSH-nin vəzifəsi dənizdə əmək növbəsi çəkdikləri günlər ərzində səhhətində problem yaranan neftçilərə ilk tibbi yardım göstərmək, lazım gəldikdə isə onları sahilə yola salmaq, yəni hospitalizə etməkdir. Qaldı ki, əgər neftçi sərt dəniz havasında soyuqlayıbsa, başı, dişi, qulağı, gözü ağrıyıbsa, burada ona kömək etmək üçün həm mütəxəssislər, həm də imkan və şərait var.
TSH-də təcrübəli həkimlər - terapevtlər Dilavər Məhəmmədov, Çingiz Məmmədov, Anjela Ozal, cərrah Bəhruz Aslanov, oftalmoloq Məlahət Cabbarova, stomatoloqlar Həsən İsmayılov, Knyaz Abbaslı və başqaları çalışır. Bundan əlavə, neftçilərin xidmətində 8 tibb bacısı, 1 feldşer-laborant, 2 sanitar işçisi dayanıb. Yeri gəlmişkən, Neft Daşlarının müxtəlif sahələrində çoxlu sayda qadınlar da çalışır ki, onların arasında tibb işçiləri, əsasən tibb bacıları da var.
İki oğul anası olan tibb bacısı Zəminə Məmmədova deyir ki, hər xəstəyə yardım göstərəndə gözüm önündə elə bil öz övladlarımı görürəm.
Feldşer-laborant Gülnarə Bəylərova üç uşaq anasıdır. O da öz ana-bacı qayğısını, şəfqətini xəstələrdən heç zaman əsirgəmir.
Fədakar Azərbaycan neftçisinin sağlamlığının keşiyində dayanan, günlərlə öz ev-eşiyindən, ailəsindən, uşağından uzaqlarda, sərt dənizin qoynunda çalışan xanımlar da elə əsl qəhrəmandır. Xəzərin dəli-dolu dalğalarının döyəclədiyi bir məkandakı iş şəraitini görənlər bu sözlərin mübaliğəsiz deyildiyini təsdiqləyə bilərlər. Odur ki, estakada və meydançalarda "Təcili yardım”ı, həkimləri və tibb işçilərini görmək də təəccüblü deyil.
Flora SADIQLI,
Ağaəli MƏMMƏDOV (foto),
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
Ramil Quliyevdən zədədən qayıtdıqdan sonra İLK
04 May
Everesti fəth etmək üçün icazələrin sayı azalacaq
04 May
Azərbaycan Premyer Liqasında XXXIII tur start götürür
04 May
Azərbaycan millisinin baş məşqçisi püşkü dəyərləndirib
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!