Müsabiqə keçirmək, yoxsa inşa yazdırmaq
Allah rəhmət eləsin Həsən bəy Zərdabiyə. 144 il öncə - 1875-ci il iyulun 22-də nəşrinə başladığı "Əkinçi” qəzeti ilə xalqımıza Milli Mətbuat Günü adlı əvəzsiz bir tarix bəxş etmişdir. Artıq xeyli vaxtdır bu tarixi təkcə jurnalistlər yox, bütün Azərbaycan ictimaiyyəti əziz bayram kimi qeyd edir.
Xüsusən dövlət səviyyəsində yaddaqalan müxtəlif tədbirlər keçirilir. Təkcə milli mətbuatımızın yubileylərində jurnalistlərin ölkənin ali mükafatlarına layiq görülməsi və KİV nümayəndələrinə dövlət tərəfindən mənzillərin hədiyyə olunmasını göstərmək kifayətdir ki, Azərbaycan hakimiyyətinin ölkə mediasına verdiyi qiymətin və dəstəyin sözdə yox, əməldə hansı səviyyədə olduğu bir daha təsdiqlənsin.
Jurnalistlərin peşə bayramına ayrı-ayrı nazirliklər, komitələr, ASC-lər, iri şirkətlər də diqqətsiz qalmırlar. Onlar da müxtəlif forma və məzmunlu tədbirlərlə KİV təmsilçilərinə sayğılarını nümayiş etdirirlər. Həmin tədbirlər sırasında isə keçirilən yazı müsabiqələrinin xüsusi yeri, üstün çəkisi var və qeydlərimiz də məhz bu barədədir.
Öncə onu bildirək ki, belə müsabiqələrin keçirilməsinin jurnalist peşəsinə hörmətdən və eyni zamanda dövlətin bu sahəyə göstərdiyi xüsusi qayğıya dəstək verməkdən irəli gəldiyinə zərrə qədər şübhəmiz yoxdur. İkincisi, məhz bu səmimi münasibətə və diqqətə görə həmin müsabiqələrin təşkilatçılarına təşəkkür edirik!
Dünya təcrübəsində media müsabiqələrinin keçirilməsinin, KİV nümayəndələrinin mükafatlandırılmasının çoxsaylı nümunələri var. O üzdən bu nümunələri fərqləndirən və birləşdirən cəhətlər də az deyil. Həmin nümunələri sadalayıb o cəhətlər barədə uzun-uzadı yazmaq fikrimiz yoxdur. Amma bir cəhət var ki, onun üzərində dayanmamaq mümkün deyil. Bu həmin cəhətdir ki, oxuduğunuz qeydlərin qələmə alınmasına səbəb olub. Nəhayət, keçək əsas mətləbə.
Mətləbinsə əsası odur ki, heç bir ölkədə jurnalistləri və ya media qurumlarını mükafatlandırmaq üçün keçirilən müxtəlifyönlü tədbirlər öncəsi KİV nümayəndələri, yaxud qurumları üçün hansısa mövzu seçilmir, şərtlər irəli sürülmür. Tədbirin təşkilatçıları sadəcə müəyyən bir dövr, əsasən də il ərzində kütləvi informasiya vasitələrini izləyir və ictimai maraqlara cavab verən mövzular üzrə fərqlənənləri müəyyən edərək mükafatlandırırlar. Yəni jurnalistlərin və ya media qurumlarının hansı yazılarının, yaxud verilişlərinin gələcəkdə hansı münsiflər heyətinin diqqətini çəkərək qalib elan ediləcəklərindən xəbərləri olmur. Onlar sadəcə hər gün cari işləri ilə məşğul olurlar və özləri də bilmirlər ki, bu zaman həm də gələcək müsabiqələrin subyektinə çevrilirlər.
Onu da qeyd edək ki, belə qayda təkcə KİV üçün keçirilən müsabiqələrdə tətbiq olunmur. Müqayisə səviyyə sarıdan yerinə düşməsə də, örnək çəkək: dünyaca mötəbər Nobel mükafatını verən eyniadlı komitə və cəmiyyətin heç ağlına gələrmi ki, bir il əvvəldən ayrı-ayrı sahələr üzrə... mövzular və şərtlər elan etsin?! Yaxud götürək Oskardan tutmuş Kannacan beynəlxalq kino festivallarını. Bu nüfuzlu kinoyarışmalarının qaliblərinin təşkilatçıların şərt kimi irəli sürdükləri mövzu əsasında film çəkdiklərini təsəvvür edirsinizmi?! Təbii ki, nəinki qəribə, hətta ağlagəlməz suallardır.
Bax, bizim nazirlik və komitələrin həm Milli Mətbuat Günü ərəfəsində, həm də ara-sıra KİV arasında keçirdikləri müsabiqələrdə şərt kimi tətbiq etdikləri qaydalar da həmin cavabı məlum kinayəli suallardan doğan qəribəlikdən uzağa getmir. Bu cür müsabiqələr, o cümlədən təqdim olunan mövzular sanki hansısa jurnalistin peşəkarlığını, müraciət etdiyi mövzunun əhəmiyyətini, qayəsini ictimaiyyətə çatdırmaq bacarığını qiymətləndirməyə yox, təşkilatçının təbliğinə xidmət edir. Həmin ehtimalı artıran müsabiqə yazılarının təkcə məzmunu yox, eyni zamanda forması, həcmi, təqdimatı üçün irəli sürülən şərtlərdir. Məqalənin sonunda yazının filan qurum tərəfindən filan mövzuda keçirilən müsabiqəyə təqdim olunmasının göstərilməsinin vacibliyi şərti isə bir ayrı sualdır. Başa düşmək olmur ki, təşkilatçıların axtardıqları nədir - aktual mövzunun ictimaiyyətə peşəkarcasına çatdırılması, yoxsa özünün müsabiqə keçirməyinin nümayişi?
Bu suala cavab vermək üçün redaksiyamızdan bir misal çəkək: əməkdaşımız yaxın keçmişdə dünyanın çoxdan ölkəmizdə fəaliyyət göstərən köklü-köməcli törəmə şirkətlərindən birinin vacib layihəsi barədə məqalə yazmışdı. Qəzetimizdə dərc olunan məqalə şirkətin xarici mütəxəssisləri tərəfindən o qədər bəyənilmişdi ki, onlar yazını öz ölkələrindəki nəşrlərin birində dərc etdirmişdilər. Az müddət sonra sözügedən şirkət elə həmin mövzuda müsabiqə elan etmiş və bu məqalə... ondan kənar qalmışdır. Səbəbi məqalənin məxsusi müsabiqə üçün yazılmaması olmuşdur.
Belə misalların sayını artırmaq da olar. Bizim çoxsaylı KİV-də hər gün sanballı, ictimai rəyə təsir göstərən, cəmiyyətə doğru-dürüst məlumat verən, hadisələri obyektiv işıqlandırıb şərh edən məqalələrə rast gəlmək mümkündür. Sosial-iqtisadi mövzulardan başlamış mədəniyyət və mənəviyyata, təhsil və səhiyyəyə, bir sözlə, həyatımızın bütün sahələrinə aid həmin məqalələr arasında mükafata layiq olanlar da az deyil. Əgər belədirsə, yazılmışları seçib qiymətləndirmək orta məktəb şagirdinə inşa yazdırmağa bənzəyən müsabiqə elan etməkdən daha məqbul deyilmi?!
Raqif MƏMMƏDLİ,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!