Misir portalları Azərbaycanın işğaldan azad olunmuş ərazilərində aparılan yenidənqurma işlərindən yazıb
Qırx dörd günlük Vətən müharibəsindən sonra Azərbaycanda, xüsusilə işğaldan azad olunmuş Qarabağda başlayan bərpa və yenidənqurma işləri ərəb mətbuatının diqqət mərkəzindədir. Misir KİV-ləri Azərbaycanın işğaldan azad olunmuş ərazilərində gedən proseslərlə bağlı yerli ictimaiyyəti mütəmadi olaraq məlumatlandırır.
AZƏRTAC xəbər verir ki, bu ölkənin “elarabielyoum”, “soutelshaab”, “wwnewss” saytları və digər informasiya resurslarında dərc olunan növbəti məqalələrdə Ermənistan işğalından azad edilmiş torpaqlarımızda həyata keçirilən minatəmizləmə əməliyyatlarından və həyata keçirilən infrastruktur layihələrindən danışılır.
Bildirilir ki, ərəb ölkələrindən olan bir qrup jurnalist bu yaxınlarda Cəbrayıl rayonunda minaların zərərsizləşdirilməsi prosesini izləyib, Azərbaycanın minatəmizləmə briqadalarının fəaliyyətini geniş işıqlandırıb.
Yazılarda qeyd olunub ki, minaların aşkarlanması üçün müasir minatəmizləmə cihazları ilə yanaşı, xüsusi təlim keçmiş itlərdən də istifadə edilir. Briqadalar qısa vaxt ərzində daha çox ərazinin minadan təmizlənməsi üçün var qüvvələri ilə çalışır. İndiyədək tank və piyada əleyhinə minlərlə mina zərərsizləşdirilib.
Məqalələrdə diqqətə çatdırılır ki, azad olunmuş torpaqlarda infrastruktur layihələrinin həyata keçirilməsini sürətləndirmək üçün minalanmış bütün sahələrin xəritələri Azərbaycana verilməsi və ərazilərin tamamilə təmizlənməsi lazımdır.
Azərbaycanın Ermənistan işğalından azad edilmiş Qarabağda artıq yenidənqurma işlərinə start verdiyinə diqqət çəkən jurnalistlər Füzuli Beynəlxalq Hava Limanında, eləcə də Azərbaycanın dilbər guşəsi Şuşada bərpa-tikinti işlərinin sürətlə icra edildiyini vurğulayıblar.
Həmçinin qeyd olunub ki, Azərbaycana səfər etmiş Misir Jurnalistləri Həmkarlar İttifaqının Ərəb-Afrika işləri üzrə bölməsinin rəhbəri Əymən Amir qısa müddət ərzində qazanılmış nailiyyətlərə görə Azərbaycan xalqına və Prezident İlham Əliyevə təşəkkürünü bildirib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Alimlər: Pilləkənlərlə qalxmaq ömrü uzadır
27 Aprel
Çempionlar Liqası: Pley-off mərhələsində ən çox qol vuran futbolçular açıqlanıb
27 Aprel
Sakit okeanda 6,9 bal gücündə zəlzələ olub
27 Aprel
ÜST-nin rəhbəri: Pandemiya dövründə vaksinlərə qeyri-bərabər əlçatanlıq ölüm hallarını artırdı ...
27 Aprel
ANAMA-nın əməkdaşı Şuşada minaya düşüb
27 Aprel
Aprelin 27-si Beynəlxalq Baytar Həkimi Günüdür
27 Aprel
Yaxın günlərdə Laçının Sus kəndinə köçürüləcək ailələr bəlli olub
27 Aprel
“Paris-2024”: Olimpiya məşəli Yunanıstandan Fransaya yola düşüb
27 Aprel
Sabah Bakıda 31, bəzi rayonlarda isə 32 dərəcə isti olacaq
27 Aprel
Qırğız nazir: Azərbaycan Qırğızıstana neft məhsulları ixrac etməyə hazır olduğunu bildirib...
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!