13 Sentyabr 2023 19:17
421
İDMAN
A- A+

Milli Məclis sədrinin müavini Adil Əliyev Avropa birinciliyinin qalibləri ilə görüşüb

 

Milli Məclis sədrinin müavini, parlamentin Gənclər və idman komitəsinin sədri Adil Əliyev İstanbulda keçirilmiş Kadetlər, yeniyetmə və gənclərin Avropa birinciliyində iştirak etmiş idmançılarla görüşüb.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, Adil Əliyev idmançıları göstərdikləri yüksək nailiyyətlərə görə təbrik edib, onların qazandıqları qələbələrin önəmindən danışıb. O bildirib ki, Prezident, Müzəffər Ali Baş Komandan İlham Əliyevin 1997-ci ildə Azərbaycan Milli Olimpiya Komitəsinə Prezident seçilməsindən sonra ölkəmizdə idmanın inkişafında yeni və uğurlu bir dövr başlayıb. Bədən tərbiyəsinə ayrılan diqqət, Olimpiya İdman komplekslərinin tikintisi, yeni idman qurğularının istifadəyə verilməsi idmanımızın inkişafını şərtləndirən başlıca amillər olub. Ölkəmizin nüfuzlu idman yarışlarına ev sahibliyi etməsi, olimpiadaların, çempionatların Azərbaycanda təşkili bizi dünyaya idman ölkəsi olaraq tanıdıb. İdmançılarımızın göstərdiyi nailiyyətlər, onların fəxri kürsünün ən yüksək pilləsinə qalxmaları, himnimizi səsləndirərək bizləri qürurlandırmaları xalqımız üçün böyük məna kəsb edir.

Prezident, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun qazandığı tarixi Qələbədən bəhs edən A.Əliyev bu Qələbə üçün məhz qəhrəman şəhidlərimizə borclu olduğumuzu dilə gətirib. Şəhidlərimizin keçdikləri qəhrəmanlıq yolunun gənclərimizə örnək olduğunu bildirən Milli Məclis sədrinin müavini idmançılarımıza həm idman, həm də təhsil həyatında uğurlar arzulayıb.

Tədbirdə çıxış edən Azərbaycan Kikboksinq Federasiyasının prezidenti Orxan Əliyev idmançıların göstərdikləri nailiyyətlər barədə məlumat verib. O, Kadetlər, yeniyetmə və gənclər arasında WAKO Avropa birinciliyində Azərbaycan milli yığma komandasının tarixi uğura imza ataraq 16 qızıl, 16 gümüş və 31 bürünc medal qazandığını diqqətə çatdırıb.

Daha sonra Adil Əliyev tərəfindən idmançılara, məşqçilərə və hakimlərə Azərbaycan Kikboksinq Federasiyasının yeni formaları təqdim edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video