20 May 2023 14:50
859
İDMAN
A- A+

“Milli Gimnastika Arenasında gözəl ab-hava var”


Belçika Krallığının Azərbaycandakı fövqəladə və səlahiyyətli səfiri Mişel Pitersman Milli Gimnastika Arenasında keçirilən bədii gimnastika üzrə 39-cu Avropa çempionatında iştirak edən Belçika nümayəndə heyətinin üzvləri ilə görüşüb. Görüşdən sonra səfir  ölkəmizdə keçirilən Avropa çempionatı barədə təəssüratlarını bölüşüb.
Azərbaycan Gimnastika Federasiyasının mətbuat xidmətindən aldığımız məlumata görə, Mişel Pitersman deyib: "Bakıda Milli Gimnastika Arenasında gözəl ab-hava var, azarkeşlər çoxdur, tamaşaçılar bədii gimnastika üzrə Avropa çempionatının iştirakçılarını dəstəkləyirlər. İlk dəfədir ki, Bakıda Milli Gimnastika Arenasına gəlirəm və bu, əlbəttə ki, mənim üçün bir yenilikdir. Bədii gimnastika gözəl idman növüdür, yarışları izləmək çox maraqlıdır. Şadam ki, Belçikadan olan gimnastlar Bakıda keçirilən Avropa çempionatında iştirak edir və gənc idmançılar Azərbaycana səfər edərək ölkənizi görə bildilər. Belə xatirələr əbədi olaraq qalır". 
Səfir həmçinin bildirib ki, yarışın bütün iştirakçıları çempionatda yaxşı nəticə göstərmək üçün çox səy göstəriblər, vaxt sərf ediblər və çox məşq ediblər. Azərbaycanda çoxlu idman obyektləri var, bu sahədə çoxsaylı tədbirlər keçirilir, bütün bunlar ölkədə idmanın inkişafına böyük diqqət yetirildiyini göstərir. Həmçinin ölkə vətəndaşları da bu sahəyə böyük maraq göstərirlər.


Rizvan CƏFƏROV,
"Azərbaycan"

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video