Azərbaycan Respublikası
Məşğulluğa Dəstək Layihəsi
Kredit №: 9712-AZ
Tapşırığın adı: Bacarıqların sertifikatlaşdırılması mexanizminin yaradılması, peşə hazırlığının kvalifikasiya proqramlarının hazırlanması və beynəlxalq akkreditasiyası
İstinad nömrəsi (Satınalma Planına əsasən): AZ-MLSPP-562949-CS-QCBS
Əmək və Əhalinin Sosial Müdafiəsi Nazirliyi Məşğulluğa Dəstək Layihəsini həyata keçirmək məqsədilə Dünya Bankından cəlb edilən maliyyə vəsaitlərinin bir hissəsini məsləhət xidmətlərinin satın alınmasına yönəltmək niyyətindədir.
Məsləhət xidmətlərinə ("Xidmətlər") bacarıqların sertifikatlaşdırılması mexanizminin yaradılması, peşə hazırlığının kvalifikasiya proqramlarının hazırlanması və beynəlxalq akkreditasiyasının təmin edilməsi daxildir. Xidmətlərin icra müddəti 36 ay təşkil edir (icrasına təxminən dekabr 2026 - yanvar 2027-dən başlanılması gözlənilir).
Tapşırıq üzrə ətraflı Texniki Tapşırıq (TOR) aşağıdakı linkdə təqdim olunmuşdur:
TOR 5_Terms of Reference_az_final_for REOİ.docx
Əmək və Əhalinin Sosial Müdafiəsi Nazirliyi / Məşğulluğa Dəstək Layihəsi indi uyğun tələblərə cavab verən məsləhətçi şirkətləri ("Məsləhətçilər") xidmətlərin göstərilməsində maraqlarını ifadə etməyə dəvət edir. Maraqlı olan məsləhətçilər xidmətləri yerinə yetirmək üçün tələb olunan ixtisas və müvafiq təcrübəyə malik olduqlarını sübut edən məlumatları təqdim etməlidirlər. Qısa siyahıya düşmək üçün meyarlar: oxşar xarakterli və mürəkkəblik səviyyəsinə malik layihələrin icrası üzrə təcrübə (səriştə çərçivələrinin və ya peşə və təhsil standartlarının, kurikulumların və qiymətləndirmə alətlərinin hazırlanması); peşə təlimi proqramlarının hazırlanması və təşkili üzrə təcrübə; bacarıqların qiymətləndirilməsi sistemlərinin hazırlanması sahəsində təcrübə; bacarıqların inkişafı sektorunda oxşar şəraitə malik ölkələrdə regional təcrübə (Azərbaycan və ya müqayisə edilə bilən ölkələrdə əldə olunmuş təcrübəyə üstünlük verilir). Qısa siyahı mərhələsində əsas işçi heyəti qiymətləndirilməyəcək.
Maraqlı olan məsləhətçilərin diqqəti Dünya Bankının noyabr 2017, avqust 2018, noyabr 2020 və sentyabr 2023-cü illərdə yenidən baxılmış ("Satınalma Qaydaları"), iyul 2016-cı il tarixli "İLM üzrə Borcalanlar üçün Satınalma Qaydaları" sənədinin Bölmə III, 3.14, 3.16 və 3.17-ci bəndlərinə yönəldilir ki, bu da Dünya Bankının maraqların toqquşmasına dair siyasətini təyin edir.
Məsləhətçilər öz ixtisas və təcrübələrini gücləndirmək məqsədilə digər şirkətlərlə əməkdaşlıq edə bilərlər, lakin bu əməkdaşlığın birgə müəssisə (joint venture) və/və ya subkonsaltinq formasında olduğunu aydın şəkildə göstərməlidirlər. Birgə müəssisə olduqda, ortaq müəssisədəki bütün tərəfdaşlar seçildiyi təqdirdə müqavilə üzrə ortaq və ayrı-ayrılıqda öhdəlik daşıyırlar.
Məsləhətçilərin seçim prosesi Satınalma Qaydaları ilə müəyyən edilmiş məsləhətçilərin keyfiyyət və qiymətə əsaslanan seçim (QCBS) metoduna uyğun olaraq keçiriləcəkdir.
Əlavə məlumat aşağıda göstərilən ünvana iş saatları ərzində (bazar ertəsindən cümə gününədək, saat 09:00-dan 17:00-dək) müraciət etməklə əldə edilə bilər.
Maraq ifadələri 18 avqust 2026-cı il tarixinədək aşağıda göstərilən ünvana yazılı formada (şəxsən, məktub şəklində, faks və ya e-poçt vasitəsilə) təqdim edilməlidir.
Əmək və Əhalinin Sosial Müdafiəsi Nazirliyi / Məşğulluğa Dəstək Layihəsi
Kimə: Fəqan Əsgərov, Layihə koordinatoru
AZ1100, Nazim Hikmət küç.,
Rich Plaza, 1-ci giriş, 2-ci mərtəbə
Bakı, Azərbaycan
Tel: (994 12) 5253449
E-mail: [email protected]; [email protected]
