Könüllülər hər işdə öndədirlər
Azərbaycan Prezidenti tərəfindən 2020-ci ilin "Könüllülər ili” elan edilməsi bir sıra ictimai təşkilatlarda birləşən gənclərimiz üçün geniş imkanlar açmışdır. Elə bütün dünyanı bürümüş COVID-19 pandemiyasına qarşı mübarizədə də onların fəallığı ikiqat artdı. Dövlət başçısının çağırışına cavab olaraq könüllülər həyatımızın bütün sahələrini iflic edən bu gözəgörünməz bəlanın qarşısının alınmasında öz sözlərini deməklə nəyə qadir olduqlarını sübut etdilər.
Belə bir çətin dövrdə naftalanlı könüllülər də fəallıqlarını ikiqat artırmışlar. Koronavirus (COVID-19) epidemiyası başlayan andan şəhərdə fəaliyyət göstərən könüllülər əhali arasında bu dəhşətli bəlaya qarşı maarifləndirmə işlərinə başlamış, küçələrdə, ticarət və ictimai iaşə obyektlərində təbliğat işləri aparmaqla, əhalini Nazirlər Kabineti yanında Operativ Qərargahın göstərişlərinə və qərarlarına sözsüz əməl etməyə səsləmiş, insanları şəxsi gigiyena qaydalarına əməl etməyə çağırmışlar.
Prezident İlham Əliyevin və Birinci vitse-prezident Mehriban xanım Əliyevanın pandemiyaya qarşı mübarizə ilə bağlı çağırışına ilk qoşulanlar da könüllülər oldular. Koronavirus infeksiyasının ölkəmizdə yayılmasının və onun törədə biləcəyi acı nəticələrin qarşısının alınması istiqamətində dövlət tərəfindən atılan bütün zəruri addımları dəstəkləyən könüllülər əhalinin maarifləndirilməsində və qayğıya ehtiyacı olan inşanlara sosial xidmətlərin göstərilməsi istiqamətində həyata keçirilən tədbirlərdə əsl nümunə göstərdilər və indi də bu işi uğurla davam etdirirlər. Onlar ölkə rəhbərinin koronavirusla əlaqədar verdiyi tapşırıqların yerinə yetirilməsi üçün tez-tez şəhər xəstəxanasında olur, əhalinin tibbi müayinədən keçirilməsi sahəsində tibb işçilərinin yaxın köməkçilərinə çevrilirlər. Bunun nəticəsidir ki, şəhər əhalisinin xeyli hissəsi koronavirusla əlaqədar müayinələrdən keçirilmişdir.
Şəhərdə fəaliyyət göstərən könüllülər karantin dövründə Heydər Əliyev Fondu, SOCAR, şəhər icra hakimiyyəti, millət vəkilləri, "Regional İnkişaf " İctimai Birliyi və şəhərdə fəaliyyət göstərən sahibkarlar tərəfindən ayrılmış ərzaq bağlamalarının və tibbi vasitələrin şəhid ailələrinə, tənha yaşayan ahıl insanlara, aztəminatlı ailələrə, əlillərə, eləcə də qayğıya ehtiyacı olan və ailə başçısını itirməyə görə sosial müavinət alan ailələrə çatdırılmasında fəal iştirak edirlər. Bundan başqa, gənc könüllülər "Evdə qal!” çağırış vərəqələrinin çoxmərtəbəli yaşayış binalarının sakinlərinə çatdırılmasında da fəallıq göstərirlər. Məhz bunun nəticəsidir ki, karantin dövründə qaydaları pozan və cərimə olunan ahıl vətəndaşlar və aztəminatlı ailələr qeydə alınmamışdır.
Karantin dövründə 65 yaşdan yuxarı insanların evdən çıxması qadağan olunduğu müddətdə onların sifarişi ilə ərzaq məhsullarının və dərman vasitələrinin alınıb evlərinə çatdırılması da könüllülər tərəfindən yüksək səviyyədə təşkil edilmişdir. Bundan başqa, tənha yaşayan ahıllara aidiyyəti qurumlarla birlikdə sosial məişət xidmətləri, o cümlədən ev təsərrüfatı ilə bağlı işlərdə, əsas tələbat mallarının alınması, kommunal ödənişlərin verilməsi və s. işlərin görülməsində xüsusi fərqlənirlər. İcra nümayəndələrinin və bələdiyyələrin tərtib etdikləri siyahıya əsasən öz işlərini yüksək səviyyədə quran könüllülər indiyədək 1000 nəfərə yaxın ailəyə ərzaq bağlamalarının çatdırılmasında yaxından iştirak etmişlər.
Lakin Naftalan könüllüləri öz işlərini bununla bitmiş hesab etmirlər. Onlar digər sahələrdə də fəallıq göstərir, "Könüllülər ili”ndə üzərlərinə düşən işin yüksək səviyyədə həyata keçirilməsini vətəndaşlıq borcu hesab edirlər.
Sabir ƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!