26 Yanvar 2023 00:36
939
Oxucu məktubları
A- A+

Kəndimiz infrastrukturuna görə şəhərdən geri qalmır

 

Əmək veteranıyam. 40 ildən artıq Tərtər poçt şöbəsində işləmişəm. Ailəmizin təsərrüfatla da həmişə əlaqəsi olub. Sovetlər vaxtı bizim Seydimli kəndində Nəriman Nərimanov adına kolxoz fəaliyyət göstərirdi. Rayonda ən qabaqcıl təsərrüfatlardan biri idi. Pambıqçılıqda yarış cədvəlində adımız həmişə birinci olurdu.
İndi həyatımız dəyişib, nə kolxoz var, nə də sovxoz. Kəndimizin torpaqları camaat arasında bölünüb. Ailəmiz hər il pay torpağından yaxşı qazanc əldə edir. Kəndimizin infrastrukturu da yaxşılaşıb. Elektrik enerjisi, qaz və su sarıdan korluğumuz yoxdur, yollarımız abad və rahatdır. Kənddə müasir məktəb binası var. Bir neçə il əvvəl isə Seydimli kənd uşaq bağçası əsaslı təmirdən sonra istifadəyə verilib. Hicran Hüseynovanın rəhbərliyi altında burada mehriban və qayğıkeş kollektiv çalışır. Hətta qonşu kəndlərdən də bura övladlarını gətirən valideynlər var. Nəvəm Hüseyn də bu bağçada tərbiyə alır. 
 Əmək veteranı kimi hər il dövlət tərəfindən verilən göndəriş əsasında Azərbaycanın səfalı yerlərində istirahət edirəm. Bir məsələni xüsusi olaraq qeyd etmək istəyirəm: 30 ildən artıq bir müddətdə Seydimli cəbhəyanı kənd kimi daim təhlükə altında yaşayırdı. Qələbəmizdən sonra insanlar rahat nəfəs alırlar. Mən bu yaşımda bundan böyük xoşbəxtlik bilmirəm. 

Zaməddin İMANOV, 
Tərtər rayonunun Seydimli kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video